పద్మనాభుని చెరువు (పెళ్ళికూతురమ్మ చెరువు)

పద్మనాభుని చెరువు, పశ్చిమ గోదావరి జిల్లా, పెనుగొండ మండలానికి చెందిన గ్రామం.

చరిత్ర

ఈ గ్రామానికి దూరంగా ఇదొక చేల మద్య ఉన్న పెద్ద దిబ్బ వంటి పెద్ద విశాల ప్రాంతం.దీని ప్రక్కన ఒక పెద్ద చెరువు, ఒక చిన్న చెరువు ఉన్నాయి. ఈ దిబ్బను వ్యవసాయదారులు కళ్ళాలు వేసుకోవడానికి, పంట నూర్పులకు, ఇతర అవసరాలకు వాడుకొంటారు.

అలాంటి ఈ దిబ్బ మద్య ఒక చిన్న ఆలయం ఉంది. ఆలయంలో దేవతలెవ్వరో అని చూస్తే నుదుట బాసికాలు, బుగ్గన చుక్క తదితర అలంకారాలతో ఇద్దరు వధూవరులు కూర్చొని దర్శనమిస్తారు. విచిత్రంగా ఉన్న ఈ అలయ చరిత్రలోకెళితే పెనుగొండ నుండి ఆచంట వెళ్ళే మట్టిరోడ్డు ఈ చెరువుల గుండా వెళుతుంది.

ఆలయ విశేషాలు

ఈ ఆలయానికి కల చరిత్ర గురించి అక్కడాంతా చెప్పుకోవడం జరుగుతుంది. ఆలయం వద్ద శిలాఫలకంపై రాసిన కథనం ప్రకారం:-

అప్పట్లో కలిగిన వాళ్ళు పల్లకీల్లో వెళ్ళడం జరిగేది. అలా పెనుగొండలో కల వైశ్యుల ఆడపడుచు వివాహం జరిగిన పిదప ఆచంటకు పయనమై ఈ మార్గం గుండా వెళుతున్నపుడు వరుడు మూత్ర విసర్జన కొరకు దిగి పని పూర్తి అయిన పిదప కాళ్ళు కడుక్కోడానికి చెరువులో దిగబోయినపుడు పాముకాటు వేయడం జరిగింది. దాంతో అతడు చెరువులో పడి మృతి చెందటం గమనించి అందరూ పరుగెత్తి అతడి వద్దకు వెళ్ళి పరీక్షించి, మరణించినట్టుగా నిర్ధారించారు. అది విని పల్లకిలో ఉన్న పెళ్ళికూతురు ఒకప్రక్కగా వెళ్ళి అదే చెరువులో దూకి అమెకూడా మృతి చెందింది. అలా ఆమె ప్రతివ్రతాధర్మ ఇష్టపూర్వక మరణానికి వారినిద్దరిని అక్కడే సమాధి చేసారు.

గతంలో సరిగా పంటలు పండక ఇబ్బందులు పడే రైతులకు, అలా జరిగిన తరువాత సుభిక్షంగా పంటలు పండటం, సరియైన సమయానికి వర్షాలు కురవడం, చుట్టుప్రక్కల అందరికీ అనుకూలమైన పనులు జరుగుతూ వారు ఏ కార్యం తలపెట్టినా అవి నిర్విఘ్నంగా జరగటం వంటివి జరిగేవట. ఇవన్నీ అక్కడ సమాధి చేయబడ్డ వధూవరుల వలనే అనే నమ్మకం బలపడి అక్కడ వారి మూర్తులను కొలువుతీర్చి పూజలు చేయడం జరుగుతూండేది. అదే కాక ఏఇంట్లో వివాహం జరిగినా వివాహానంతరం వధూవరులను ఈ దేవాలయానికి తీసుకురావడం జరుగుతుటుందిద. ఏ పని మొదలు పెట్టాలన్నా ఇక్కడ మొక్కుకొని చేస్తుంటారు.ఈ అలయానికి అటు ఆచంట నుండి ఉత్సవాలను నిర్వహించేందుకు వైశ్యప్రముఖులు వస్తారు. ఇటు పెనుగొండ గ్రామం నుండి ఆలయ నిర్వహణ జరుగుతుంది. వేరెక్కడో ఊరిలో ఉన్న ఈ ఆలయానికి రెండు పట్టణాల నుండి ఆలయానికి ధర్మకర్తలుగా, నిర్వహణ జరగటం విచిత్రం.

చిత్రమాలిక

• 
  దేవాలయంలో కల వధూవరులు
• 
  దేవాలయం
• 
  దేవాలయం వద్దకు చెరువు ప్రక్కగామార్గం
• 
  తీర్ధం కల దిబ్బ
• 
  దేవాలయ ఆవరణ

వెలుపలి లంకెలు

• https://web.archive.org/web/20160722001120/http://godaavari.blogspot.in/2016/01/blog-post_19.html