పిడుగు పాపిరెడ్డి

పిడుగు పాపిరెడ్డి ప్రకాశం జిల్లాకు చెందిన ఓ తెలుగు రచయిత. 17 డిసెంబర్ 1939 తేదిన ఈయన జన్మించారు. ప్రస్తుతం ఈయన కనిగిరిలోని కొత్తపేట అప్పయ్యగారి వీధిలో నివసిస్తున్నారు. పాపిరెడ్డి రచించిన కథలన్నీ "శాలువా" పేరుతో ఓ సంపుటిగా ప్రచురితమయ్యాయి. కథలను ఉపోద్ఘాతంతో మొదలుపెట్టడం పాపిరెడ్ది ఎత్తుగడ. వస్తుపరమైన గుణవిశేషంతో పాటు శిల్పం కూడా ఈయన కథలలో ఉంటుంది. సమాజంలోని కుళ్ళు కుతంత్రం, మూఢనమ్మకాలు, అవినీతి వంటి అంశాల మీద దృష్టి సారించి వాటి నిర్మూలనకు తమ వంతు కృషి చేయాలనే సందేశం పాపిరెడ్డి కథలలో ఉంటుంది.

పిడుగు పాపిరెడ్డి
జననం	17 డిసెంబర్ 1939 ప్రకాశం జిల్లా

కథల పై ప్రముఖుల అభిప్రాయాలు

"పాపిరెడ్డి కథలను పరిశీలిస్తే కథకుడిగా ఆయన ఎంత పరిణతి సాధించాడో మనకర్థమౌతుంది. ఈ కథలన్నింటిలోను మనుషులను విభజించే కులమతాలకతీతమైన స్వచ్ఛమైన మానవతా దృక్పథం కనిపిస్తుంది. ఉన్నత సామాజిక వర్గాల్లోని స్వార్థపరత్వాన్ని, పురుషాధిక్య సమాజంలో స్త్రీలకు జరుగుతున్న అన్యాయాన్ని, అణచివేతను, విద్యార్థులకు ఆదర్శప్రాయంగా నిలవాల్సిన ఉపాధ్యాయుల నైచ్చాన్ని, అన్యాయానికి గురైనప్పుడు ఎంత బలహీనుడైనా తిరగబడే పరిస్థితిని పాపిరెడ్డి ఈ కథలలో చిత్రించాడు" అని ప్రముఖ రచయిత అంపశయ్య నవీన్ సాహిత్య ప్రస్థానం పత్రికకు రాసిన సమీక్షలో పేర్కొన్నారు.

కథలు

• మారని విలువలు
• దొంగలు
• పెండ్లి చీర
• అసలు ఫాయిదాలు
• మేడిపండు
• పరిష్కారం
• గమ్యం
• కృషితో అస్తి దుర్భిక్షమ్
• శాలువా
• మంచికి మరోజన్మ
• యుద్ధ శాంతి
• పెళ్లామంటే నువ్వేనే