|
| [[ఘంటసాల]], [[పి.సుశీల]]
|}
అయ్యయ్యో, చేతిలో డబ్బులు పోయెనే,
అయ్యయ్యో, జేబులు ఖాళీ ఆయనే!
ఉన్నది కాస్తా వూడింది, సర్వమంగళం పాడింది.
పెళ్ళాం మెళ్లో నగలతో సహా తిరుక్షవరమై పోయింది! ।।
ఆ మహా మహా నలమహారాజుకే తప్పలేదు భాయి, ఓటమి...।।
మరినువ్‌ చెప్పలేదు భాయి...!...అది నా తప్పుగాదు భాయి
తెలివి తక్కువగ చీట్లపేకలో దెబ్బతింటివోయి.
బాబూ నిబ్బరించవోయి!
నిలువుదోపిడి దేవుడికిచ్చిన ఫలితం దక్కేది, ఎంతో పుణ్యం దక్కేది!
గోవింద, గోవిందా! చక్కెర పొంగలి చిక్కేది!
ఎలక్షన్లో ఖర్చుపెడితే ఎం.ఎల్‌.ఏ. దక్కేది!..మనకు అంతటి లక్కేది? ।।
గెల్పూ ఓటమీ దైవాధీనం. చెయ్యితిరగవచ్చు... మళ్ళీ ఆడి గెల్వవచ్చు!
ఇంకా పెట్టుబడెవడిచ్చు?.....
ఇల్లు కుదవ బెట్టవచ్చు!
ఛాన్సు తగిలితే యీ దెబ్బతో మన కరువు తీరవచ్చు!
పోతే.... అనుభవమ్ము వచ్చు!....చివరకు జోలె కట్టవచ్చు! ।।
==మూలాలు==
*సి.హెచ్.రామారావు: ఘంటసాల 'పాట'శాల అనే పాటల సంకలనం నుండి.
| 