బండ ప్రకాష్ ముదిరాజ్ తెలంగాణ రాష్ట్రానికి చెందిన రాజకీయ నాయకుడు . ఆయన ప్రస్తుతం తెలంగాణ రాష్ట్ర సమితి పార్టీ నుండి రాజ్యసభ సభ్యుడుగా ఉన్నాడు. ఆయన తెలంగాణ ముదిరాజ్ మహాసభ అధ్యక్షుడిగా ఉన్నాడు.

బండ ప్రకాష్ ముదిరాజ్

రాజ్యసభ సభ్యుడు
అధికారంలో ఉన్న వ్యక్తి
అధికార ప్రారంభం
3 ఏప్రిల్ 2018
ముందు పాల్వాయి గోవర్ధన్ రెడ్డి, భారత జాతీయ కాంగ్రెస్

వ్యక్తిగత వివరాలు

రాజకీయ పార్టీ తెలంగాణ రాష్ట్ర సమితి

జననంసవరించు

డా.బండ ప్రకాష్ 18-02-1954 న వరంగల్ లో సత్యనారాయణ, శాకుంతల దంపతులకు జన్మించాడు.ఆయన కాకతీయ యూనివర్సిటీ, వరంగల్ నుండి 1996లో పి.హెచ్.డి పట్టా పొందాడు. ఆయన భార్య పేరు అనిత, ఆమె వృత్తిరీత్యా టీచర్, సామాజిక కార్యకర్తగా పనిచేస్తుంది.

రాజకీయ జీవితంసవరించు

బండ ప్రకాష్ 1981 నుండి 1986 వరకు వరంగల్ మున్సిపల్ కౌన్సిలర్ గా పనిచేశాడు. ఆయన 1981 నుండి 1984 వరకు వరంగల్ మున్సిపాలిటీ వైస్ చైర్మన్ గా బాధ్యతలు నిర్వహించాడు. ఆయన 1981 నుండి 1986వరకు కాకతీయ అర్బన్ డెవలప్‌మెంట్ అథారిటీ (కుడా) పాలకమండలి సభ్యుడిగా ఉన్నాడు.

బండ ప్రకాష్ 2018లో రాజ్యసభకు జరిగిన ఎన్నికల్లో టిఆర్ఎస్ పార్టీ నుండి గెలిచాడు. ఈ ఎన్నికలో బండా ప్రకాశ్‌కు అత్యధికంగా 33 ఓట్లు పోలయ్యాయి. [1]బండ ప్రకాష్, 2018-2019 వరకు ప్రాచీన స్మారక కట్టడాలుపై రాజ్యసభలో సెలెక్ట్ కమిటీ సభ్యుడిగా ఉన్నాడు. 2019లో రాజ్యసభలో కార్మిక చట్టాలు & సంప్రదింపుల కమిటీ సభ్యుడిగా ఉన్నాడు. 2019 జూన్లో జరిగిన పార్టీ పార్లమెంటరీ సమావేశంలో రాజ్యసభలో టిఆర్‌ఎస్ పక్ష ఉపనాయకుడిగా బండ ప్రకాష్‌ నియమితులయ్యాడు.[2]

రాజ్యసభలో లేవనెత్తిన పలు అంశాలుసవరించు

జులై 2019లో జరిగిన పార్లమెంట్ సమావేశాల్లో ప్రశ్నాత్తరాల సమయంలో విభజన చట్టంలో పేర్కొన్నట్లు తెలంగాణలో నూతన విమానాశ్రయాలను ఏర్పాటు చేయాలని ఆయన డిమాండ్ చేశారు.

2020 ఫిబ్రవరిలో జరిగిన పార్లమెంట్ సమావేశాల్లో మేడారం అభివృద్ధికి కేంద్రం రూ.1000 కోట్లు కేటాయించాలని, మేడారం జాతరను జాతీయ పండుగగా ప్రకటించాలని కేంద్ర ప్రభుత్వాన్ని కోరారు.

మూలాలుసవరించు

  1. సాక్షి, జనగాం / జయశంకర్ / మహబూబాబాద్ / వరంగల్ / వరంగల్ రూరల్ (24 March 2018). "బండా ప్రకాష్‌ @ఎంపీ". Sakshi. Archived from the original on 6 ఏప్రిల్ 2021. Retrieved 6 April 2021.
  2. మన తెలంగాణ (14 June 2019). "టిఆర్‌ఎస్ పిపి నేతగా కెకె". Telangana తాజా వార్తలు | Latest Telugu Breaking News. Archived from the original on 6 ఏప్రిల్ 2021. Retrieved 6 April 2021.