బొగ్గులవాగు ప్రాజెక్టు

బొగ్గులవాగు ప్రాజెక్టు మానేరు నదికి ఉపనది యైన బొగ్గులవాగుపై నిర్మించిన మధ్య తరహా నీటిపారుదల ప్రాజెక్టు. దీన్ని జయశంకర్ భూపాలపల్లి జిల్లా, మల్హర‌రావు మండలం లోని రుద్రారం గ్రామం నుండి 6.5 కి.మీ. దూరాన నిర్మించారు. ఇది కరీంనగర్ నుండి 96 కి.మీ. దూరంలో ఉంది. దీన్ని 1976-77లో ప్రారంభించి 1987లో పూర్తిచేశారు. దీనిద్వారా 5,150 ఎకరాలకు సాగునీరందుతుంది.

బొగ్గులవాగు ప్రాజెక్టు
దేశం	భారత దేశం
ప్రదేశం	రుద్రారం, మల్హర్రావు మండలం, జయశంకర్ భూపాలపల్లి జిల్లా
ఆవశ్యకత	నీటిపారుదల
స్థితి	పనిచేస్తోంది
నిర్మాణ వ్యయం	341 లక్షలు
జలాశయం
మొత్తం సామర్థ్యం	0.365 టిఎమ్‌సి

దీని జలాశయ నిల్వ సామర్థ్యం 0.365 టిఎమ్‌సి. జయశంకర్ భూపాలపల్లి జిల్లా లోని కాటారం, మల్హర్రావు మండలాల్లోని 5,150 ఎకరాలకు ఈ ప్రాజెక్టు నుండి నీరందుతుంది.