మయూరనాథస్వామి ఆలయం (మైలాదుత్తురై)
మయూరనాథస్వామి ఆలయం, లేదా మయూరనాథర్ ఆలయం, భారతదేశం, తమిళనాడు రాష్ట్రం, మైలాదుత్తురై (గతంలో మాయవరం లేదా మయూరం అని పిలుస్తారు) పట్టణం లోని ఒక హిందూ దేవాలయం. ఈ ఆలయం శివుని రూపమైన మయూరనాథస్వామికి అంకితం చేయబడింది. ఆపట్టణానికే మొదట మయూరం అనే పేరు పెట్టబడింది.[1] ప్రధానచిహ్నం ఒక లింగం. ప్రధాన దేవతను మయూరనాథర్ అని పిలుస్తారు. హిందూ దేవత పార్వతి ఇక్కడ శివుడిని మయూర రూపంలో పూజించింది. తమిళ నెల ఐప్పసి (నవంబరు లేదా డిసెంబరు)లో అమావాస్య రోజున, హిందువులు ఆలయకోనేరులో ఆచారస్నానం చేస్తారు. దానివలన వారు పాపాలబారి నుండి విముక్తులైతారని నమ్ముతారు. మయూర నాట్యాంజలి పండుగ అని పిలువబడే వార్షిక నృత్య ఉత్సవం ప్రతి సంవత్సరం ఆలయ ఆవరణలో జరిగింది.
| Mayuranathaswamy temple | |
|---|---|
 Gopura of the Mayuranathaswamy Temple | |
  Location within Tamil Nadu | |
| భౌగోళికం | |
| భౌగోళికాంశాలు | 11°0′N 79°15′E / 11.000°N 79.250°E |
| దేశం | India |
| రాష్ట్రం | Tamil Nadu |
| జిల్లా | Mayiladuthurai |
| ప్రదేశం | Mayiladuthurai |
| సంస్కృతి | |
| దైవం | Mayuranathaswamy (Shiva) |
| వాస్తుశైలి | |
| నిర్మాణ శైలులు | Dravidian |
చరిత్ర, ప్రాముఖ్యత
మార్చు
తిరువయ్యరు, మైలాదుత్తురై , తిరువిడైమారుత్తూరు, తిరువెంకడు, ఛాయవనం, శ్రీ వంచియం ఇవి అన్నీ కాశీకి సమానమైనవని భక్తుల నమ్మకం. కాశీ విశ్వనాథ ఆలయం చుట్టూ కాశీ కేంద్రీకృతమై ఉన్నట్లు, మైలాదుత్తురై నగరం,ఆ పట్టణం లోని అన్ని ఆలయాలకు కేంద్రీకృతమై ఉంది. ఈ పట్టణాలలో కావేరి నది ఒడ్డున ఉన్న ఆలయాలు, అవి తిరువైయారులోని అయ్యరప్పర్ ఆలయం, తిరువిడైమరుదూర్‌ లోని మహాలింగేశ్వర ఆలయం, మైలాదుత్తురైలోని మయూరనాథస్వామి ఆలయం, సాయివనంలో చాయవనేశ్వర ఆలయం, శ్వేతరణేశ్వర్ ఆలయం. తిరువెంకడులో,శ్రీవంచియం లోని శ్రీవంచినాధస్వామి కోయిల్ పట్టణాలకు కేంద్రబిందువులు.[2]ఈ ఆలయం కావేరీ నది ఒడ్డున నిర్మించిన దేవాలయాలలో ఒకటి. [3] ఈ ఆలయం 275 పాదాల్ పెట్రా స్థలాల నియమానుగుణ పుణ్యక్షేత్రాలలో ఇది ఒకటి - తమిళ శైవుడు నాయనార్ తిరుజ్ఞానసంబందర్ రచించిన తొలి మధ్యయుగ తేవారం పద్యాలలో కీర్తించబడిన శివాలయం .హిందూ దేవుడు గణేశుడికి మూడు చిన్న దేవాలయాలు, [4] శివుడు నటరాజ లేదా "నాట్యాచార్య"రూపంలో మరొకటి ఉంది.[5] ఆలయంలోని ఒక శిల్పం శివుడు, పార్వతి దేవిని ఆలింగనం చేసుకున్నట్లు సూచిస్తుంది. స్థల పురాణం ప్రకారం, శివుని భార్య పార్వతి దేవత ఒక సందర్బంలో బాధపెట్టింది. శివుడు దానితో చాలా చిరాకుపడి, పార్వతిని నీచంగా పుట్టమని శపిస్తాడు. తరువాత పార్వతి పశ్చాత్తాపం చెందడంతో, శివుడు ఆశాప ఫలితాన్ని మయూరంగా జన్మించటానికి తగ్గిస్తాడు. దాని కారణంగా పార్వతి మొదట మైలాపూర్‌లో, తరువాత మైలాదుత్తురైలో ప్రార్థన చేయవలసి వచ్చింది. చివరికి ఆమె శాపం నుండి విముక్తి పొంది "అభయాంబాల్" అనే పేరుతో పిలువబడింది.
ఈ ఆలయాన్ని మధ్యయుగ చోళులు నిర్మించారు. ఆలయ గోడలపై ఉన్న పురాతన శాసనాలు I కులోత్తుంగ చోళుడు కాలం నాటివి.దేవకోట్టై ఎఎల్ ద్వారా 1907–1927లో భారీ పునర్నిర్మాణాలు జరిగాయి. మయూరనాథస్వామి ఆలయం మైలాదుత్తురై దక్షిణ భాగంలో కావేరీ నదికి ఒక మైలు దూరంలో ఉంది. [6] ఈ ఆలయం చిదంబరం - తంజావూరు ఉన్నత రహదారిలో ఉంది. [7] ఆలయ సముదాయం 719 అడుగులు (219 మీ.) పొడవు,520 అడుగులు (160 మీ.) వెడల్పుతో ఉంది. [8] ఆలయానికి తూర్పు ద్వారం వద్ద ఉన్న గోపురం 59 మీటర్లు (194 అ) ఎత్తుకలిగి తొమ్మిది అంతస్తులతో నిర్మించారు. [6] దేవాలయం ఉత్తర ద్వారం దగ్గర ఉన్న దుర్గా విగ్రహం చాలా నైపుణ్యంతో చెక్కారు, ఇతర దేవాలయాలలో ఉన్న వాటికి భిన్నంగా ఇది ఉంటుంది.[6]ఆలయ గోడలపై, దేవుడికి నైవేద్యంగా తన తలను వేరుచేయడానికి ప్రయత్నిస్తున్న భక్తుడి శిల్పం ఉంది. [6]
గ్యాలరీ
మార్చు-
ఆలయం కోనేరుతో -
ఆలయ ట్యాంక్ -
లోపలి గోపురం -
అధిమయూరథస్వామి విమానం
మూలాలు
మార్చు- ↑ The Imperial Gazetteer of India 1908, Vol 17. Clarendon Press. 1908. pp. 238.
- ↑ Venkatraman, Sekar (2019). Temples of Forgotten Glory: A Wide Angle Exposition. Notion Press. p. 172. ISBN 9781645876250.
- ↑ Ka. Vi., Kannan (2019). River cauvery the most battl(r)ed. Notion Press. p. 38. ISBN 9781684666041.
- ↑ Dr. R., Selvaganapathy, ed. (2013). Saiva Encyclopaedia volume 5 - Temples in Tamil Nadu (Later period) (in Tamil). Chennai, India: Saint Sekkizhaar Human Resource Development Charitable Trust. pp. 450–1.
{{cite book}}: CS1 maint: unrecognized language (link) - ↑ Temples in South India. Kanniyakumari: Harikumar Arts. 1974. pp. 36–37.
- ↑ 6.0 6.1 6.2 6.3 Tourist Guide to Tamil Nadu. Sura Books. 2010.
- ↑ Sacred tanks of South India. C.P.R. Environmental Education Centre. 2002.
- ↑ "Mayuranathar Temple : Mayuranathar Temple Details | Mayuranathar- Mayiladuthurai | Tamilnadu Temple | மாயூரநாதர்".