ముంజేయి
మోచేయి, మణికట్టుల మధ్య ఉన్న భాగాన్ని ముంజేయి అంటారు. శరీర నిర్మాణ శాస్త్రంలో, ఇది చేతి దిగువ భాగాన్ని సూచిస్తుంది. ఎగువ భాగాన్ని దండచేయి అని దండ అనీ అంటారు. కాలికి సంబంధించి మోకాలికి, చీలమండ కీళ్లకూ మధ్య ఉండే భాగానికి ఇది సమానం.
| ముంజేయి | |
|---|---|
 మెజెంటాలో చూపిన భాగం, ముంజేయి | |
| Identifiers | |
| TA | A01.1.00.024 |
| FMA | 9663 |
| Anatomical terminology | |
ముంజేతిలో రత్ని, అరత్ని అనే రెండు పొడవైన ఎముకలు ఉంటాయి. [1] ఈ రెంటి మధ్య రెండు రేడియో ఉల్నార్ కీళ్ళు ఉంటాయి. ఈ ఎముకలను ఇంటర్సోసియస్ మెంబ్రేన్ కలుపుతుంది. అంతిమంగా, ముంజేయి చర్మంతో కప్పబడి ఉంటుంది. సాధారణంగా ముంజేతి పై ఉపరితలంపై వెంట్రుకలు కింది ఉపరితలం కంటే తక్కువ ఉంటాయి.
ముంజేతిలో మణికట్టు యొక్క ఫ్లెక్సర్‌లు, ఎక్స్‌టెన్సర్‌లు, వేళ్ళ ఫ్లెక్సర్‌లు, ఎక్స్‌టెన్సర్‌లు, మోచేతి ఫ్లెక్సర్ ( బ్రాచియోరాడియాలిస్), చేతిని బోర్లా లేదా వెల్లకిలా తిప్పే ప్రొనేటర్‌లు, సూపినేటర్‌లతో సహా అనేక కండరాలు ఉంటాయి. అడ్డుకోతలో, ముంజేయిని రెండు ఫాసియల్ కంపార్ట్‌మెంట్‌లుగా విభజించవచ్చు. పృష్ఠ భాగంలో చేతుల ఎక్స్‌టెన్సర్‌లు ఉంటాయి. వీటికి రేడియల్ నరాల ద్వారా సరఫరా జరుగుతుంది. పూర్వస్థ భాగంలో ఫ్లెక్సర్‌లు ఉంటాయి. వీటికి ప్రధానంగా మధ్యస్థ నాడి ద్వారా సరఫరా జరుగుతుంది. ఫ్లెక్సర్ కండరాలు గురుత్వాకర్షణకు వ్యతిరేకంగా పనిచేస్తాయి కాబట్టి ఇవి ఎక్స్‌టెన్సర్‌ల కంటే భారీగా ఉంటాయి. ఇవి గురుత్వాకర్షణ వ్యతిరేక కండరాలుగా పనిచేస్తాయి. ఉల్నార్ నాడి కూడా ముంజేతి పొడవునా ఉంటుంది. [2]
రేడియల్, ఉల్నార్ ధమనులు, వాటి శాఖలూ ముంజేతికి రక్తాన్ని సరఫరా చేస్తాయి. ఇవి సాధారణంగా రత్ని, అరత్నిల పూర్వ ముఖం మీద, మొత్తం ముంజేయి పొడవునా ఉంటాయి. ముంజేతి ప్రధాన ఉపరితల ఉండే సిరలు సెఫాలిక్, మధ్యస్థ యాంటీబ్రాకియల్, బాసిలిక్ సిరలు. ఈ సిరలను కాన్యులరైజేషన్ లేదా వెనిపంక్చర్ కోసం ఉపయోగిస్తారు. అయితే రక్తాన్ని తీయడానికి క్యూబిటల్ ఫోసాను (మోచేతికి పైన ఉండే గుంట భాగం) ఎక్కువగా వాడతారు.
నిర్మాణంసవరించు
ఎముకలు, కీళ్ళుసవరించు
ముంజేతి లోని ఎముకలు రత్ని, (పార్శ్వాన ఉంటుంది), అరత్ని (మధ్యభాగంలో ఉంటుంది)
రత్నిసవరించు
పైభాగాన, రత్ని తల, హ్యూమరస్ యొక్క కాపిటలం మోచేతి వద్ద అరత్ని వద్ద ఉల్నా లతో చలిస్తూ ఉంటుంది. మోచేతి వద్ద రత్ని, అరత్నిల మధ్య ఉండే కీలును ప్రాక్సిమల్ రేడియోల్నార్ కీలు అంటారు.
రెండో చివర ఇది, రేడియోల్నార్ జాయింట్ వద్ద మళ్లీ ఉల్నాతో కలిసి చలిస్తుంది. ఇది మణికట్టు కీలులో భాగం.
అరత్నిసవరించు
పైభాగాన, అరత్ని యొక్క ట్రోక్లియార్ నాచ్, హ్యూమరస్ యొక్క ట్రోక్లియాతో కలిసి చలిస్తుంది. రేడియల్ నాచ్ మోచేయి వద్ద రత్ని తలతో కూడా కలిసి చలిస్తుంది. [3]
రెండి చివర, ఇది రేడియోల్నార్ జాయింట్‌లో భాగంగా ఉంటుంది. మణికట్టుతో కూడా కలిసి చలిస్తుంది. [4]
ఫంక్షన్సవరించు
మోచేతి వద్ద కదలిక ద్వారా ముంజేతిని మడిచి దండ చేతికి దగ్గరకు తీసుకురావచ్చు, సాచి, దానినుండి దూరంగా తీసుకురావచ్చు. ముంజేతిని తిప్పవచ్చు, తద్వారా చేతి అరచేతిని బోర్లాగా, వెల్లకిలా పెట్టవచ్చు. [5]
మూలాలుసవరించు
- ↑ "Forearm". The Lecturio Medical Concept Library. Retrieved 2021-06-22.
- ↑ Mitchell, Brittney; Whited, Lacey (2020-08-15). "Anatomy, Shoulder and Upper Limb, Forearm Muscles". National Center for Biotechnology Information, U.S. National Library of Medicine. StatPearls Publishing LLC. Retrieved 22 June 2021.
- ↑ "Structure of The Forearm". The Lecturio Medical Concept Library. Retrieved 2021-06-22.
- ↑ Standring, Susan (2016). Gray's anatomy : the anatomical basis of clinical practice (Forty-first ed.). [Philadelphia]. ISBN 9780702052309. OCLC 920806541.
- ↑ Standring, Susan (2016). Gray's anatomy : the anatomical basis of clinical practice (Forty-first ed.). [Philadelphia]. ISBN 9780702052309. OCLC 920806541.