రాగమయి

రాగమయి కాళీపట్నం రామారావు గారి ఒకానొక ప్రసిద్ధ నవల. ఈ నవలను రచయిత నవంబరు 1950లో రచించారు. మలి ముద్రణ అక్టోబరు 1974లో జరిగింది.

రాగమయి నవల ముఖ చిత్రము

విశేషాలు

• రచయిత మొదటి పేజీలో ఈ నవలను అంకితమిస్తూ ఇలా రాసుకున్నారు. నేను ఒకప్పుడు మద్రాసు వీధులలో దిక్కు తోచక అల్లాడుతున్నప్పుడు నాకు అయాచితంగా సహాయం చేసిన ఒకానొక గుంటూరు సజ్జనునకు, పేరైనా గుర్తుంచుకొనలేక పోయిన నా కృతజ్నతా హీనతకు శాశ్వత చిహ్నంగా ఈ అంకితం.
• రచయిత స్త్రీల మధ్య ముఖ్యంగా అత్తాకోడళ్ళ, వదినా మరదళ్ల మధ్య ఉండే సంభాషణలను అత్యంత సహజంగా రాయడం జరిగింది.
• ఈ నవలికలో ప్రధాన పాత్ర ఉమ. ఒక ఉన్నత వ్యక్తిత్వం గల స్త్రీ ఎన్ని రకాలుగా పరివర్తనం చెందుతుందో రచయిత అద్భుతంగా చిత్రీకరించారు. ఉమ లాంటి వారు ఒక్కరు ఉన్నా, ఆమెతో ముడిపడి ఉన్న ఎన్నో కుటుంబాలు ఏ విధమైన కలతలు లేకుండా సాఫీగా సాగిపోతాయి.

పాత్రలు

• ఉమ
• జానకి
• గిరిజమ్మ
• సుందరమ్మ
• శేఖరం
• రాజశేఖరం
• శేషగిరి

రచయిత ఇతర రచనలు

• యజ్ఞం (నవల)
• జీవధార
• అభిమానాలు
• రుతుపవనాలు (కథా సంకలనం)
• కారా కథలు