వాఘా
వాఘా (పంజాబీ(గురుముఖి): ਵਾਹਗਾ, English: Wagah,హిందీ:वाघा,ఉర్దూ:واہگہ) భారత పాకిస్తాన్ దేశాల మధ్య ఉన్న సరిహద్దును దాటే రహదారి సమీపంలో ఉన్న గ్రామం, సరుకు రవాణా టర్మినల్, రైల్వే స్టేషన్.[1] భారతదేశంలోని అమృత్సర్, పాకిస్తాన్లోని లాహోర్ నగరాలను కలిపే గ్రాండ్ట్రంక్ రోడ్డుపై ఈ గ్రామం నెలకొని ఉంది.
వాఘా
ਵਾਹਗਾ / वाघा / واہگہ Wahga | |
---|---|
గ్రామం | |
![]() వాఘా సమీపంలో భారత పాకిస్తాన్ సరిహద్దులో జాతీయ పతాకం అవనతం చేసే కార్యక్రమం. | |
![]() వాఘా, అట్టారి, వాటి రైల్వేస్టేషన్లు, వాఘా సరిహద్దు క్రాసింగ్ను చూపిస్తున్న పటము. పై మూలలో లాహోర్ - అమృత్సర్ నగరాల మధ్య ఉన్న గ్రామాలను చూడవచ్చు. (స్పష్టమైన బొమ్మకోసం నొక్కండి) | |
దేశం | ![]() |
ప్రావిన్స్ | పంజాబ్, పాకిస్తాన్ |
జిల్లా | లాహోర్ |
తహసీల్ | వాఘా టవున్ |
Time zone | UTC+5 (పి.ఎస్.టి) |
• Summer (DST) | +6 |
భారత్-పాక్ సరిహద్దు లాహోర్ నుండి 24 కిలోమీటర్లు (15 మై.) దూరంలోను, అమృత్సర్ నుండి32 కిలోమీటర్లు (20 మై.) దూరంలో ఉంది. ఈ సరిహద్దు ప్రాంతం అట్టారి గ్రామానికి 3 కిలోమీటర్లు (1.9 మై.)ల సమీపంలో ఉంది.
పర్యావలోకనం
మార్చువాఘా (పాకిస్తాన్లో వాహ్ఘా) భారత పాకిస్తాన్ దేశాల మధ్య రాడ్క్లిఫ్ అవార్డ్ ప్రకారము గీచిన విభజనరేఖ సమీపంలో ఉన్న గ్రామం.[2] ఈ గ్రామం సరిహద్దురేఖకు పశ్చిమాన 600 మీటర్ల దూరంలో ఉంది. 1947లో దేశవిభజన సమయంలో భారతదేశంలోని అనేక మంది ముస్లిం ప్రజలు ఈ ప్రాంతం నుండే పాకిస్తాన్ దేశానికి వలస వెళ్ళారు. పాకిస్తాన్ ప్రజలు ఈ ప్రాంతాన్ని వాఘా బార్డర్ అని పిలుస్తారు. కాగా భారతీయులుఇక్కడికి 500 మీటర్ల దూరంలో ఉన్న అట్టారి అనే గ్రామం పేరుతో దీనిని అట్టారి బార్డర్ అని పిలుస్తారు.
వాఘా బార్డర్ వేడుక లేదా బీటింగ్ రిట్రీట్ వేడుక
మార్చుఈ కార్యక్రమం ప్రతిరోజూ సాయంత్రం సూర్యాస్తమయానికి రెండు గంటలముందు జరుగుతుంది.[2] 1959నుండి ఈ ఆనవాయితీ ఉన్నది. భారతదేశానికి చెందిన సరిహద్దు భద్రతా దళం (బి.ఎస్.ఎఫ్) సైనికులు, పాకిస్తాన్కు చెందిన పాకిస్తాన్ రేంజర్స్ సైనికులు కలిసి ఈ కవాతును నిర్వహిస్తారు. సూర్యాస్తమయానికి సరిగ్గా వారి దేశ పతాకాలను క్రిందకు దించి పరస్పరం కరచాలనం చేసుకుని వెనుదిరుగుతారు. ఈ కవాతును బీటింగ్ రిట్రీట్ అని పిలుస్తారు. ఈ గగుర్పొడిచే కార్యక్రమాన్ని ఇరుదేశాల పౌరులు ఉత్సాహంగా తిలకిస్తారు. ఇరుదేశాల ప్రజలలో దేశభక్తిని పెంపొందించే ఈ కవాతు ఎటువంటి ప్రతికూల పరిస్థితులలో కూడా నిరాటంకంగా జరుగుతుంది.
చిత్రమాలిక
మార్చు-
వాఘా బార్డర్ వద్ద పాకిస్తానీ గేటు
-
మహాత్మాగాంధీ చిత్రం ఉన్న భారత భవనం
-
మహమ్మద్ అలీ జిన్నా చిత్రం ఉన్న పాకిస్తానీ భవనం
-
వాఘాలో భారత సరిహద్దు రక్షణదళం (బి.ఎస్.ఎఫ్)
-
వాఘాలో భారత సరిహద్దు రక్షణదళానికి చెందిన మహిళాజవాన్లు
-
భారత, పాక్ దేశాల జాతీయపతాకాల అవనత వేడుకను తిలకిస్తున్న ప్రజలు
-
వాఘా బార్డర్ సమీపంలోని మైలురాయి
మూలాలు
మార్చు- ↑ "Mixed feelings on India-Pakistan border". BBC News. 14 August 2007.
- ↑ 2.0 2.1 Frank Jacobs (3 July 2012). "Peacocks at Sunset". Opinionator: Borderlines. The New York Times. Retrieved 15 July 2012.