శైలజామిత్ర

శైలజామిత్ర 1966 జనవరి 15తేదీ చిత్తూరు జిల్లా చిన్నగొట్టిగల్లు గ్రామంలో తెలికిచెర్ల శేషగిరిరావు, అనసూయాదేవి దంపతులకు జన్మించారు. తెలుగు, ఇంగ్లీషు భాషలలో ఎం.ఏ.చదివారు. జర్నలిజంలో స్నాతకోత్తర డిప్లొమా చేసారు. 1997 నుండి విరివిగా రచనలు చేయడం ప్రారంభించారు . వివిధ పత్రికలలో కవితలు, వ్యాసాలు, కథలు, నవలలు ప్రచురించారు . అనువాదం కూడా చేసారు. రాయలసీమ, చిత్తూరు జిల్లా వాస్తవ్యులైన శైలజామిత్ర దాదాపు 30 సంవత్సరాలుగా తెలుగు సాహిత్యానికి ఎనలేని సేవలు చేస్తున్నారు. ముక్కుసూటి దానం, నిజాయితీ పెట్టుబడిగా ఉన్న వీరు తెలుగు సాహిత్యం లో అనేక శిఖరాలను అందుకున్నారు,

శైలజామిత్ర
శైలజామిత్ర శైలజామిత్ర
జననం	శైలజామిత్ర 1966, జనవరి 15 చిత్తూరు జిల్లా, చిన్నగొట్టిగల్లుగ్రామం
నివాస ప్రాంతం	హైదరాబాదు
వృత్తి	ఆకాశవాణి ఎఫ్ .ఎమ్ రైన్ బో కోఆర్డినేటర్ స్టాఫ్ రిపోర్టర్ (టుడే ఫ్రీడమ్ )
ప్రసిద్ధి	రచయిత్రి, కవయిత్రి
ఎత్తు	5'
మతం	హిందు
భార్య / భర్త	సత్యమిత్ర మటేటి
పిల్లలు	వనమాలి, సుచరిత
తండ్రి	తెలికిచెర్ల శేషగిరిరావు
తల్లి	అనసూయాదేవి

అఖిల భరత్ భాషా సాహిత్య సమ్మేళనం వారిచే "సాహిత్య శ్రీ " బిరుదును అందుకున్నారు. సాహిత్య అకాడమీ బెంగుళూరు వారి నుండి ట్రావెల్ గ్రాంట్స్ అందుకుని చెన్నై రచయితలను కలిసి వారి రచనా రీతుల్ని పరిశోధన చేసారు . తెలుగు సాహిత్యం లో ప్రతిష్టాత్మకమైన పురస్కారాలు శ్రీ శ్రీ సాహితీ పురస్కారం , దాశరధి కవితా పురస్కారం , దేవులపల్లి కృష్ణశాస్త్రి కవితా పురస్కారం , జ్వాలాముఖి సాహితీ పురస్కారం , అందుకున్నారు . కవిత్వం పై మక్కువ ఉన్న కారణంగా దాదాపు 10 సంపుటి లని విడుదల చేసారు. ఇటీవలే పొట్టి శ్రీరాములు తెలుగు విశ్వవిద్యాలయం వారిచే ఉత్తమ రచయిత్రి గా కీర్తి పురస్కారం అందుకున్నారు . ఉమ్మడి శెట్టి కవితా పురస్కారం అందుకున్నారు .  కవిత్వం తో పాటు కధ , నవల , సమీక్షలు , విమర్శ వంటి అనేక ప్రక్రియల్లో వీరి ప్రతిభను కనపరిచే తీరు ఎంతో అద్భుతం అనే చెప్పాలి . ఇవే కాక ఉత్తమ రచయిత్రి గా , ఉత్తమ విమర్శకురాలిగా ఎన్నో అవార్డ్స్ అందుకున్నారు.ఉత్తమ విమర్శకురాలిగా అమృతలత వారి అపురూప అవార్డును 10 వేలు నగదు బహుమతిని కూడా స్వీకరించారు తెలుగు సాహిత్యం లో విమర్శనా రంగం లో పేరెన్నిక గన్న వారు లేరనే చెప్పాలి. ఆ కొరతను శైలజామిత్ర గారు తీర్చారనే చెప్పాలి. దాదాపు 800 గ్రంధాలకు సమీక్ష , విమర్శ చేసిన ఘనత వీరికే దక్కుతుంది . అలాగే అనువాదాలు (తెలుగు నుండి ఆంగ్లం ) 15 గ్రంధాలు చేసారు . వీటితో పాటు ఒక దీర్ఘ కవిత *సృష్టికేతనం " తెలుగు సాహిత్యం లో మహిళలపై వచ్చిన మొదటి దీర్ఘ  కవితగా గుర్తింపు పొందింది.

ఇటీవలే బాల సాహిత్యం వైపు కూడా తమ కలం పదును చూపారు. "ఆధునిక పంచ్ తంత్రం " అనే పేరుతో గ్రంధాన్ని విడుదల చేసారు .ఈ గ్రంథానికి ఇటీవలే పెందోట రాష్ట్రస్థాయి పురస్కారం అందుకున్నారు.వీరు రచించిన ప్రతి రచన ఒక చక్కని గుర్తింపు కలిగి ఉంటుంది అనడానికి వీరు అందుకుంటున్న పురస్కారాలే తార్కాణం.వీరి రచనలపై అనేక మంది ప్రముఖుల ప్రశంసలను పొందారు కాకుంటే ఏదైనా  సాధించాలంటే కృషి పట్టుదల ఉండాలని, నేను వాటినే నమ్ముకుంటానని అని ఖచ్చితంగా చెబుతారు   కొన్నాళ్ళు ఆకాశవాణి లో ఎఫ్ ఎం లో డి.ఏ.ఓ గా రెండు సంవత్సరాలు పనిచేసారు. సిద్ధార్థ జూనియర్ కాలేజీ లో తెలుగు ప్రొఫెసర్ గా దాదాపు మూడు సంవత్సరాలు , నేటి నిజం డైలీ పేపర్ లో దాదాపు పది సంవత్సరాలు స్టాఫ్ రిపోర్టర్ గాను పనిచేసారు . ఏ పని అయినా తనకు ఇష్టమైన సాహిత్యానికి అడ్డురానంత వరకే అని గట్టిగా చెబుతారు. ఒక నిర్దిష్టమైన జీవితం , ఒక నిబద్దత కలిగిన ప్రవర్తన సమాజానికి ఎంతో అవసరం అని నమ్మే శైలజామిత్ర తెలుగు సాహిత్యానికి మరిన్ని సేవలు చేస్తారని ఆశిద్దాం.

.

రచనలు

1. శంఖారావం (కవితా సంపుటి)
2. మనోనేత్రం (కవితా సంపుటి)
3. నిశ్శబ్దం (కవితా సంపుటి)
4. అగ్నిపూలు (కవితా సంపుటి)
5. అంతర్మథనవేళ (కవితా సంపుటి)
6. Silver Lines
7. Glowing Flowers (అనువాదం )
8. Hard Working Earth (అనువాదం )
9. Voice of Water (అనువాదం )
10. గురుజాడ వారి కధలు (అనువాదం )
11. అక్షర నేత్రం (word offering) (Translation)
12. రాతిచిగుళ్ళు (కవితా సంపుటి)
13. తడిసి ముద్దయిన కాలం (కవిత సంపుటి)
14. సృష్టి కేతనం ( దీర్ఘ కవిత )

1. తరంగాలు (కథల సంపుటి)
2. అడ్డా (కథల సంపుటి)
3. ఆధునిక పంచ్ తంత్ర కధలు (బాలల కదా సంపుటి )
4. ఆకుపచ్చని జాబిల్లి (చిత్ర మాసపత్రిక అనుబంధ నవల)
5. ఏ నావది ఏ తీరమో ( ఆంధ్రభూమి దినపత్రికలో ధారావాహికం )
6. నేల మీది నక్షత్రాలు (తెలుగు పొయట్రీ.కాంలో ధారావాహికం )

సన్మానాలు,సత్కారాలు

• ఆంధ్రప్రదేశ్ రాష్ట్ర ప్రభుత్వం ఉగాది పురస్కారం
• శ్రీపొట్టి శ్రీరాములు తెలుగు విశ్వవిద్యాలయం వారిచే ఉత్తమ రచయిత్రిగా కీర్తి పురస్కారం
• అఖిల భారత భాషాసాహిత్య సమ్మేళన్, భోపాల్ వారిచే సాహితీయువరత్న, సాహిత్యశ్రీ బిరుదులు
• దేవులపల్లి కృష్ణశాస్త్రి పురస్కారం
• శ్రీశ్రీ అవార్డు
• ఆరుద్ర పురస్కారం
• జ్వాలాముఖి పురస్కారం
• ఉమ్మడిశెట్టి సాహితీ అవార్డు
• దాశరధి కవిత పురస్కారం  
• ఉత్తమ విమర్శకురాలిగా అమృతలత వారి అపురూప అవార్డు.