షహ్రాన్ మార్కెట్

షహ్రాన్ బజార్ అనేది తెలంగాణ రాష్ట్ర రాజధాని హైదరాబాద్‌లోని ఒక ప్రాంతం. ఇది చార్మినార్, లాడ్ బజార్ ప్రాంతాల సమీపంలో ఉంది. భారతదేశంలో పేరెన్నికగల దుకాణాలు ఈ ప్రాంతంలో ఉన్నాయి. హైదరాబాదీ హలీమ్, ఇతర ఆహారాలకు ప్రసిద్ధి చెందిన ప్రక్కనే ఉన్న షహ్రాన్ రెస్టారెంట్ పేరుమీదుగా ఈ ప్రాంతానికి ఆ పేరు వచ్చింది.

షహ్రాన్ మార్కెట్
సాధారణ సమాచారం
ప్రదేశం	హైదరాబాదు, తెలంగాణ
దేశం	భారతదేశం

వాణిజ్యప్రాంతం

ఈ ప్రాంతంలో ప్రత్యేకంగా బురఖా, హిజాబ్ సంబంధిత దుస్తులు, ఇతర సామగ్రికి సంబంధించిన దుకాణాలు ఉన్నాయి. ముడిసరుకును దిగుమతి చేసుకుని, తయారీ పరిశ్రమను కలిగి ఉంది. ఇక్కడ తయారు చేసిన బురఖా, హిజాబ్‌లు ప్రపంచవ్యాప్తంగా ఎగుమతి చేయబడుతున్నాయి.

రవాణా

తెలంగాణ రాష్ట్ర రోడ్డు రవాణా సంస్థ ఆధ్వర్యంలో షహ్రాన్ మార్కెట్ నుండి నగరంలోని ఇతర ప్రాంతాలకు బస్సు సౌకర్యం ఉంది. ఇక్కడికి సమీపంలో జేమ్స్ స్ట్రీట్ రైల్వే స్టేషను, సికింద్రాబాద్ రైల్వే స్టేషను ఉన్నాయి.