సర్దార్ బహదూర్
సర్దార్ బహదూర్ భారతదేశంలో బ్రిటిష్ పాలనలో స్థానిక భారతీయ పౌరులకు, వైస్రాయ్ నియమించిన అధికారులకూ ఇచ్చే గౌరవ బిరుదు. [1] ఇది సిక్కులకు ప్రదానం చేసేవారు. [2] నమ్మకమైన సేవ లేదా ప్రజా సంక్షేమం కోసం కృషి చేసినవారికీ ప్రదానం చేసేవారు. ఈ బిరుదును వ్యక్తి పేరుకు ముందు, సైనిక హోదాలకు తరువాత ఉపయోగించేవారు. [3] 1911 నుండి బిరుదు గ్రహీతలకు ప్రత్యేకంగా బిరుదు పతకాన్ని కూడా ఇచ్చారు. [1]
ఆర్డర్ ఆఫ్ బ్రిటిష్ ఇండియా మొదటి తరగతి పొందిన వ్యక్తులు సర్దార్ బహదూర్ బిరుదును కూడా ఉపయోగించవచ్చు. అలాగే రెండవ తరగతి సభ్యులు బహదూర్‌ను ఉపయోగించవచ్చు. సర్దార్ బహదూర్ బిరుదు బ్రిటిష్ వారు ప్రవేశపెట్టిన విస్తృతమైన పురస్కార వ్యవస్థలో భాగం: [3] [2]
మొదటి తరగతి
- హిందువులకు దివాన్ బహదూర్;
- ముస్లింలకు నవాబ్ బహదూర్, ;
- సిక్కులకు సర్దార్ బహదూర్;
రెండవ తరగతి
- హిందువులకు రాయ్ బహదూర్, (ఉత్తర భారతదేశం), రావు బహదూర్ (దక్షిణ భారతదేశం),
- ముస్లింలకు ఖాన్ బహదూర్, ;
మూడవ తరగతి
- హిందువులకు రాయ్ సాహిబ్, (ఉత్తర భారతదేశం), రావు సాహిబ్ (దక్షిణ భారతదేశం)
- ముస్లింలకు ఖాన్ సాహిబ్
ఇతర మతాల వారు తమకు అత్యంత సముచితమైనదిగా భావించే బిరుదును అందుకునేవారు, ఉదాహరణకు హిందూ పేరుగా ధ్వనించే భారతీయ క్రైస్తవులు హిందూ బిరుదును తీసుకునేవారు. [2]
చాలా సందర్భాలలో గ్రహీత తక్కువ స్థాయి తరగతి నుండి ఉన్నత తరగతికి వెళ్తారు. అలా ఒకటి కంటే ఎక్కువ పురస్కారాలు పొందిన వ్యక్తులు అత్యున్నత స్థాయి బిరుదును మాత్రమే ఉపయోగించాలి. [1] పురస్కారాలన్నీ నైట్ హుడ్ కంటే తక్కువ స్థాయికి చెందినవే. ఆర్డర్ ఆఫ్ ది స్టార్ ఆఫ్ ఇండియా లేదా ఆర్డర్ ఆఫ్ ది ఇండియన్ ఎంపైర్ వంటి బ్రిటిషు నైట్ హుడ్ పొందినవారు పై బిరుదులను తొలగించుకుంటారు, . [3]
1947 లో స్వాతంత్య్రం వచ్చాక, బ్రిటిష్ రాజ్ సమయంలో జారీ చేసిన సర్దార్ బహదూర్ తదితర బిరుదులను నిలిపివేసారు.
ఇవి కూడా చూడండి మార్చు
- రాజరత్న
- దివాన్
- బిరుదు పతకాలు
మూలాలు మార్చు
- ↑ 1.0 1.1 1.2 Mussell, John W., ed. (2015). Medal Yearbook 2015. Token Publishing Limited, Honiton, Devon. p. 305. ఉల్లేఖన లోపం: చెల్లని
<ref>ట్యాగు; "Mussell" అనే పేరును విభిన్న కంటెంటుతో అనేక సార్లు నిర్వచించారు - ↑ 2.0 2.1 2.2 Tagore, Abanindranath; Tagore, Gaganendranath (2018). Fantasy Fictions from the Bengal Renaissance: Abanindranath Tagore's The Make-Believe Prince (Kheerer Putul); Gaganendranath Tagore's Toddy-Cat the Bold (Bhondaṛ Bahadur) (in ఇంగ్లీష్). Oxford University Press. ISBN 978-0-19-909217-8. Retrieved 6 August 2020. ఉల్లేఖన లోపం: చెల్లని
<ref>ట్యాగు; "Tagore" అనే పేరును విభిన్న కంటెంటుతో అనేక సార్లు నిర్వచించారు - ↑ 3.0 3.1 3.2 Captain H. Taprell Dorling. (1956). Ribbons and Medals. A.H.Baldwin & Sons, London. p. 111. ఉల్లేఖన లోపం: చెల్లని
<ref>ట్యాగు; "Dorling" అనే పేరును విభిన్న కంటెంటుతో అనేక సార్లు నిర్వచించారు