సోమశేఖరస్వామి దేవాలయం

సోమశేఖరస్వామి దేవాలయం బాపట్ల జిల్లా, కొల్లూరు మండలం కోటిపల్లి గ్రామంలో నెలకొని ఉంది. ఇది గుంటూరు జిల్లా ప్రసిద్ధ శైవక్షేత్రాలలో ఒకటి.

సోమశేఖరస్వామి దేవాలయం
పేరు
ప్రధాన పేరు :	సోమశేఖరస్వామి దేవాలయం
ప్రదేశం
దేశం:	భారత దేశం
రాష్ట్రం:	ఆంధ్రప్రదేశ్
జిల్లా:	బాపట్ల జిల్లా
ప్రదేశం:	కోటిపల్లి
ఆలయ వివరాలు
ప్రధాన దైవం:	సోమశేఖరస్వామి (శివుడు)
ప్రధాన దేవత:	సత్యజ్ఞాన ప్రసూనాంబ
ముఖ్య_ఉత్సవాలు:	శివరాత్రి
నిర్మాణ శైలి, సంస్కృతి
వాస్తు శిల్ప శైలి :	హిందూ

స్థలపురాణం

సా.శ.1770లో రాచూరు జమీందారు రాజా జగ్గన్నారావు మాణిక్యాలరావు విహారయాత్రకు వెళ్లి కోటిపల్లి మీదుగా తిరిగి వస్తుండగా "నన్ను చూడకుండానే వెళ్ళుచున్నావా" అనే మాటలు అతని చెవులకు సోకాయట. వెంటనే ఆ జమీందారు అక్కడ దిగి అటూ ఇటూ చూడగా ఒక పుట్ట కనిపించింది. దానిపై కొన్ని పుష్పాలు కూడా కనిపించాయి. వెంటనే అతడు తన నగరానికి వెళ్లి తన మంత్రి, పురోహితులతో ఈ విషయం గురించి వివరించగా వారు ఆ పుట్టలో శివలింగం ఉన్నట్లు తెలిపారట. వెంటనే ఆ జమీందారు అక్కడి స్థలాన్ని పరిశీలించి, ఆగమ, వేద శాస్త్రాల ప్రకారం శివలింగాన్ని వెలికి తీయించి ఒక శుభముహూర్తంలో ఆలయ నిర్మాణానికి శంకుస్థాపన జరిపించాడు. తరువాత స్వామివారికి గర్భాలయం, ముఖమంటపం మొదలైనవి కట్టించి వైభవోపేతంగా ప్రతిష్ఠాపన ఉత్సవాలు నిర్వహించాడు. పావనకృష్ణానదిలో స్నానం చేసి ఈ దేవుని సందర్శిస్తే సర్వపాపాలు నశిస్తాయని ఇక్కడి భక్తుల నమ్మకం.

విశేషాలు

• ఈ ఆలయం కృష్ణానదీ తీరంలో నెలకొని ఉంది.
• దోనేపూడి గ్రామానికి 1.5 కి.మీల దూరంలో తెనాలి - రేపల్లె రోడ్డు మార్గంలో ఈ దేవాలయం ఉంది.
• సమీప రైల్వేస్టేషన్ భట్టిప్రోలు.
• ఈ ఆలయ ప్రాంగణంలో సత్యజ్ఞానప్రసూనాంబ అమ్మవారు, పాపవిమోచన స్వామి, వినాయక, నవగ్రహాలు కొలువై ఉన్నారు.
• ఈ ఆలయానికి చాలాకాలం రాచూరు జమీందారీ వంశీకులు ధర్మకర్తలుగా వ్యవహరించారు. తరువాత ఈ ఆలయ నిర్వహణ దేవాదాయ ధర్మాదాయశాఖ చేపట్టి అనేక అభివృద్ధి కార్యక్రమాలను నిర్వహించింది.
• ఈ ఆలయానికి గాలిగోపురము, యజ్ఞశాల, వాహనశాల, కళ్యాణమంటపాలు ఉన్నాయి. స్వామివారికి నంది వాహనము, చలవచప్రములు ఉన్నాయి.
• ఇక్కడ ప్రతి సంవత్సరం శివరాత్రి, దేవీనవరాత్రులు, కార్తీక మాసం, ముక్కోటి ఏకాదశి, సంవత్సరాది పండుగలలో విశేషపూజలు జరుగుతాయి.