అంతకు మించి (2018 సినిమా)

అంతకు మించి , 2018 ఆగస్టు 24న విడుదలైన తెలుగు రొమాంటిక్ హర్రర్ థ్రిల్లర్ సినిమా. సతీష్ జై ఫిల్మ్స్, యు అండ్ ఐ ఎంటర్టైన్మెంట్స్ బ్యానర్ల‌లో జై, పద్మనాభ రెడ్డి నిర్మించిన ఈ సినిమాకు జానీ దర్శకత్వం వహించాడు. ఇందులో రష్మి గౌతమ్, జై, అజయ్ ఘోష్, సూర్య, మధునందన్, రవిప్రకాష్ ముఖ్య పాత్రల్లో నటించగా, సునీల్ కశ్యప్ సంగీతం, బాల్‌రెడ్డి సినిమాటోగ్రఫీ అందించాడు.

అంతకు మించి
అంతకు మించి సినిమా పోస్టర్
దర్శకత్వం	జానీ
రచన	జానీ
నిర్మాత	జై పద్మనాభ రెడ్డి
తారాగణం	రష్మి గౌతమ్ జై అజయ్ ఘోష్
ఛాయాగ్రహణం	బాల్‌రెడ్డి
కూర్పు	క్రాంతి
సంగీతం	సునీల్ కశ్యప్
నిర్మాణ సంస్థలు	సతీష్ జై ఫిల్మ్స్ యు అండ్ ఐ ఎంటర్టైన్మెంట్స్
విడుదల తేదీs	24 ఆగస్టు, 2018
సినిమా నిడివి	115 నిముషాలు
దేశం	భారతదేశం
భాష	తెలుగు

కథా నేపథ్యం

మధ్య తరగతి యువకుడైన రాజు (జై) కష్టపడకుండా లక్షాధికారి కావాలని కలలు కంటూ ఉంటుంటాడు. మీలో ఎవ‌రు కోటీశ్వ‌రుడు షోలో పాల్గొని కోటీశ్వ‌రుడు అయిపోవాల‌నుకుని దానికి సంబంధించిన ప్రాసెస్ గురించి తెలుసుకోవాలని అనుకుంటాడు. దెయ్యం ఉంద‌ని నిరూపిస్తే ఐదు కోట్లు ఇస్తాన‌ని ఓ ప్రొఫెస‌ర్ ఇచ్చిన ఓ ప్ర‌క‌ట‌న‌ను చూసి, ద‌య్యాలున్నాయ‌ని నిరూపించి ఆ ఐదు కోట్టు కొట్టేయాల‌ని స్మ‌శానాల చుట్టూ తిరుగుతుంటాడు. ఈ క్ర‌మంలో ఒక ఫామ్ హౌస్ లో ఉంటున్న తన సోదరి ఇంటిలోనే కొన్ని విచిత్రమైన సంఘటనలను గమనించి, అక్కడ దెయ్యం ఉందని ఎలాగైనా ప్రూవ్ చెయ్యాలనుకుంటాడు. అదే సమయంలో మూడ‌న‌మ్మాకాలు నమ్మ‌ని బ్యాచ్ ఒక‌టి ఆ ఇంట్లోకి వ‌స్తారు. అందులో ఉన్న మ‌ధుప్రియ (ర‌ష్మి) అనే అమ్మాయిని తొలిచూపులోనే ఇష్ట‌ప‌డ‌తాడు రాజు. దెయ్యం ఉందా? లేదా ? ఆ తరువాత ఏం జరిగిందనేది మిగతా కథ.

నటవర్గం

• జై (రాజు)
• రష్మి గౌతమ్ (మధు ప్రియ)
• రవిప్రకాష్
• మధునందన్
• అజయ్ ఘోష్ (క్షుద్ర మాంత్రికుడు)
• సూర్య
• టి.ఎన్.ఆర్

పాటలు

ఈ సినిమాకు సునీల్ కశ్యప్ సంగీతం సమకూర్చగా, సినిమాలోని రెండు పాటలను కరుణాకర్ ఆదిగర్ల రాశాడు. 2018, ఆగస్టు 21న ఆదిత్యా మ్యూజిక్ ద్వారా పాటలు విడుదల చేయబడ్డాయి.

పాటల జాబితా

సం.	పాట	పాట రచయిత	గాయకులు	పాట నిడివి
1.	"ఊసులాడు మెల్లగా"	కరుణాకర్ ఆదిగర్ల	నిఖితా గాంధీ	4:10
2.	"పైసా లోకం"	కరుణాకర్ ఆదిగర్ల	సునీల్ కశ్యప్	4:06
Total length:				8:16

బయటి లింకులు

• ఇంటర్నెట్ మూవీ డేటాబేసు లో అంతకు మించి