అమీనాపూర్ చెరువు

అమీనాపూర్ చెరువు తెలంగాణ రాష్ట్ర రాజధాని హైదరాబాదు లోని పటాన్ చెరువు సమీపంలోని చెరువు. ఈ చెరువును తెలంగాణ ప్రభుత్వం జీవవైవిధ్య వారసత్వ సంపద కలిగిన ప్రదేశంగా గుర్తింపునిచ్చింది.

అమీనాపూర్ చెరువు
అమీనాపూర్ చెరువు
ప్రదేశం	అమీనాపూర్, హైదరాబాద్, తెలంగాణ, భారతదేశం
రకం	జలాశయం
ప్రవహించే దేశాలు	భారతదేశం

గుర్తింపు

ప్రతి చలికాలంలో ప్లెమింగో వంటి అరుదైన పలు రకాల పక్షులు, అందమైన కొంగలు, వివిధ దేశాల పక్షులు ఇక్కడికి వలస వస్తాయి. ఈ చెరువులో 171 రకాల పక్షులు, 250 జాతుల చెట్లు, 9 రకాల చేపలు, 41 రకాల సీతాకోకచిలుకలు, 23 రకాల పాకే జంతువులు, 21 రకాల కీటకాలున్నట్లు తెలంగాణ బయోడైవర్సిటీ బోర్డు గుర్తించి దీనిని జీవవైవిధ్య వారసత్వ సంపద కలిగిన ప్రదేశంగా ప్రకటించింది. దీంతో వీటిని చూడడానికి పెద్ద సంఖ్యలో పర్యాటకులు వస్తుంటారు. మిషన్ కాకతీయలో భాగంగా ఈ చెరువులో టి. హరీశ్ రావు మొక్కలు నాటారు. ఈ చెరువు ప్రస్తుతం స్పెషల్ ప్రొటెక్షన్ ఫోర్స్ రక్షణలో ఉంది.