వికీపీడియా

తన్నీరు హరీశ్ రావు

తెలంగాణకు చెందిన రాజకీయ నాయకుడు, రాష్ట్ర మంత్రి
(టి. హరీశ్ రావు నుండి దారిమార్పు చెందింది)

తన్నీరు హరీశ్ రావు (జ. జూన్ 3, 1972) తెలంగాణకు చెందిన రాజకీయ నాయకుడు.[1] భారత్ రాష్ట్ర సమితి పార్టీ తరపున సిద్దిపేట శాసనసభ నియోజకవర్గం శాసనసభ్యులుగా ఉన్నారు.[2] 2019 సెప్టెంబరు 8 నుండి తెలంగాణ రాష్ట్ర ఆర్థిక శాఖామంత్రిగా బాధ్యతలు నిర్వహిస్తున్నారు.

తన్నీరు హరీశ్ రావు
ఆర్థిక శాఖామంత్రి,
తెలంగాణ ప్రభుత్వం
Assumed office
8 సెప్టెంబరు 2019
ముఖ్యమంత్రికె. చంద్రశేఖర్ రావు
అంతకు ముందు వారుఈటెల రాజేందర్
తెలంగాణ నీటిపారుదల, మార్కెటింగ్-శాసన వ్యవహారాల మంత్రి
తెలంగాణ ప్రభుత్వం
In office
2014–2018
ముఖ్యమంత్రికె. చంద్రశేఖర్ రావు
అంతకు ముందు వారుపదవి ఏర్పాటు
తరువాత వారువేముల ప్ర‌శాంత్ రెడ్డి
నియోజకవర్గంసిద్ధిపేట, తెలంగాణ
యూత్ ఎఫైర్స్ శాఖమంత్రి
ఉమ్మడి ఆంధ్రప్రదేశ్ ప్రభుత్వం
In office
2004–2005
ముఖ్యమంత్రివై.ఎస్. రాజశేఖర్ రెడ్డి
నియోజకవర్గంసిద్ధిపేట, తెలంగాణ
శాసనసభ్యుడు
Assumed office
2004–ప్రస్తుతం
నియోజకవర్గంసిద్ధిపేట, తెలంగాణ
వ్యక్తిగత వివరాలు
జననం (1972-06-03) 1972 జూన్ 3 (వయసు 51)
చింతమడక, సిద్దిపేట, తెలంగాణ , భారత దేశము
జాతీయతభారతీయుడు
రాజకీయ పార్టీభారత్ రాష్ట్ర సమితి
జీవిత భాగస్వామిశ్రీనితరావు
తల్లిలక్ష్మీబాయి
తండ్రిసత్యనారాయణరావు
కళాశాలకాకతీయ విశ్వవిద్యాలయం

2014-2018 మధ్యకాలంలో తెలంగాణ నీటిపారుదల, మార్కెటింగ్-శాసన వ్యవహారాల మంత్రిగా పనిచేశారు.[3] 2018 అసెంబ్లీ ఎన్నికల్లో విజయం సాధించడంతో, భారతదేశంలోని అతి పిన్న వయస్కుడైన శాసనసభలోనూ ఆరుసార్లు సభ్యుడయ్యారు.[4]

ప్రారంభ జీవితం సవరించు

ఈయన 1972, జూన్ 3న సత్యన్నారాయణ, లక్ష్మీబాయి దంపతులకు మెదక్ జిల్లా, సిద్దిపేట సమీపంలోని చింతమడక గ్రామంలో జన్మించాడు. అతని తండ్రి ప్రభుత్వ ఉద్యోగి. వానినికేతన్ పాఠశాలలో చదువుకున్నారు. హైదరాబాద్‌లోని ప్రభుత్వ పాలిటెక్నిక్‌లో డిప్లొమా పూర్తి చేశాడు. కాకతీయ విశ్వవిద్యాలయం నుండి గ్రాడ్యుయేషన్ పూర్తి చేశాడు. తెలంగాణ రాష్ట్ర సమితి (భారత్ రాష్ట్ర సమితి) వ్యవస్థాపకులు, తెలంగాణ రాష్ట్ర ముఖ్యమంత్రి కల్వకుంట్ల చంద్రశేఖరరావు గారి మేనల్లుడు.

రాజకీయ జీవితం సవరించు

హరీశ్ రావు 2004 లో తొలిసారిగా సిద్దిపేట శాసనసభ నియోజక వర్గం నుంచి శాసన సభ్యునిగా ఎన్నికయ్యాడు. వై.ఎస్‌. రాజశేఖర్‌రెడ్డి కేబినెట్‌లో యువజన సర్వీసులు, ప్రింటింగ్‌ స్టేషనరీ శాఖ మంత్రిగా పనిచేశాడు. కల్వకుంట్ల చంద్రశేఖర్ రావు గారు సిద్దిపేట శాసనసభ, కరీంనగర్ పార్లమెంటు స్థానాలకు ఎన్నికైనందున సిద్దిపేట స్థానాన్ని ఆయన ఖాళీ చేయవలసి వచ్చింది. ఆ ఖాళీ స్థానంలో జరిగిన ఉప ఎన్నికలో హరీశ్ రావు ఎన్నికైనారు. హరీశ్ రావు అప్పటికి విద్యాభ్యాసాన్ని పూర్తి చేసి నేరుగా రాజకీయాలలోనికి అడుగిడినారు. ఆతర్వాత మంచి నాయకునిగా ఎదిగి నియోజకవర్గ ప్రజల ఆదరాభిమానాలు చూరగొన్నారు. ఆయన తెలంగాణ రాష్ట్ర ఏర్పాటు కొరకు అవిశ్రాంతంగా విశేషమైన ఉద్యమాలు నడిపారు.

తెలంగాణ కోసం రాజీనామా చేసి సిద్దిపేట శాసన సభ స్థానానికి 2004 అక్టోబర్‌లో జరిగిన ఉప ఎన్నికల్లో పోటీ చేసి 24827 ఓట్ల మెజార్టీతో గెలుపొందాడు. 2008లో జరిగిన ఉప ఎన్నికల్లో కాంగ్రెస్‌ అభ్యర్థిపై 58935 ఓట్లతో రికార్డు స్థాయి మెజార్టీతో గెలుపొందాడు. 2009లో జరిగిన అసెంబ్లీ ఎన్నికల్లో 64014 ఓట్లలతో గెలిచాడు. 2010 మొదట్లో యు.పి.ఎ ప్రభుత్వం 2009 డిసెంబరు 9 లో ప్రకటించిన తెలంగాణ రాష్ట్ర ఏర్పాటు ప్రకియ నిర్ణయాన్ని వెనుకకు తీసుకున్నందున నిరసనగా ఎమ్మెల్యే పదవికి రాజీనామా చేశాడు. 2010లో జరిగిన ఉప ఎన్నికల్లో 95858 ఓట్లతో రాష్ట్రంలోనే అత్యధిక మెజార్టీతో గెలుపొంది 2009 లో వై.యస్.రాజశేఖరరెడ్డి పులివెందుల నియోజక వర్గంలో సాధించిన 68,681 ఓట్ల రికార్డును తిరగరాశాడు.

2014లో తెలంగాణ ప్రత్యేక రాష్ట్రం ఏర్పడ్డాక జరిగిన అసెంబ్లీ ఎన్నికల్లో సిద్దిపేట నియోజకవర్గం నుంచి 93328 ఓట్ల మెజార్టీతో ఎమ్మెల్యేగా గెలిచి, ముఖ్యమంత్రి కేసీఆర్ మంత్రివర్గంలో నీటి పారుదల, మార్కెటింగ్, శాసన సభ వ్యవహారాల శాఖ మంత్రిగా బాధ్యతలు నిర్వహించాడు. 2018 లో అసెంబ్లీకి జరిగిన ముందస్తు ఎన్నికల్లో సిద్దిపేట నియోజకవర్గం నుంచి 1,18,699 ఓట్లతో రికార్డు మెజార్టీతో విజయం సాధించి, 2019 సెప్టెంబర్ 8న ముఖ్యమంత్రి కేసీఆర్ మంత్రివర్గంలో ఆర్థిక శాఖ మంత్రిగా బాధ్యతలు చేపట్టాడు.[5][6][7] హరీష్‌ రావుకు ఆరోగ్యశాఖ మంత్రిగా అదనపు బాధ్యతలు అప్పగిస్తూ ప్రభుత్వం 2021, నవంబరు 9న ఉత్తర్వులు జారీ చేసింది.[8]

రాజకీయ గణాంకాలు సవరించు

ఎన్నికల సంవత్సరం కోసం పోటీ పడ్డారు నియోజకవర్గం రాజకీయ పార్టీ స్థితి మెజారిటీ
1 2004 (పోల్స్ ద్వారా) ఎమ్మెల్యే సిద్దిపేట తెలంగాణ రాష్ట్ర సమితి Won 24,829
2 2008 (పోల్స్ ద్వారా) తెలంగాణ రాష్ట్ర సమితి Won 58,935
3 2009 తెలంగాణ రాష్ట్ర సమితి Won 64,677
4 2010 (పోల్స్ ద్వారా) తెలంగాణ రాష్ట్ర సమితి Won 95,878
5 2014 తెలంగాణ రాష్ట్ర సమితి Won 93,328
6 2018 తెలంగాణ రాష్ట్ర సమితి Won 1,20,650

నీటిపారుదల మంత్రిగా సవరించు

హరీష్ రావు 2014, జూన్ 2న నీటి పారుదల శాఖ మంత్రిగా ప్రమాణ స్వీకారం చేశారు. తెలంగాణ రాష్ట్రంలోని చెరువులు, సరస్సులను పునరుద్ధరించడానికి మిషన్ కాకతీయ కార్యక్రమాన్ని ప్రారంభించారు. ఈ కార్యక్రమాన్ని 2015 మార్చి 12న ముఖ్యమంత్రి కల్వకుంట్ల చంద్రశేఖర్ రావు ప్రారంభించాడు. దీనిలో భాగంగా, ప్రభుత్వం 45,000+ చెరువులు, సరస్సులను పునరుద్ధరించింది.

వ్యక్తిగత జీవితం సవరించు

హరీశ్ రావు శ్రీనితను వివాహమాడాడు. వారికి ఒక కుమారుడు, ఒక కుమార్తె. ఆయన మాసబ్ ట్యాంక్ లో గల జె.ఎన్.టి.యు లో పాలిటెక్నిక్ చదివాడు.

మూలాలు సవరించు

  1. ↑ "The Hindu : Front Page : TRS MLA's meeting with YSR raises eyebrows". Archived from the original on 2014-02-28. Retrieved 2014-05-24.
  2. ↑ Telangana: TRS MLAs likely to resign - Economic Times
  3. ↑ Lasania, Yunus Y. (11 December 2018). "Harish Rao wins Siddipet for third time, may set record". Mint. Retrieved 11 December 2018.
  4. ↑ "Telangana Assembly Election Results: Harish Rao becomes nation's youngest MLA to be elected six times". newsd.in. 11 December 2018. Retrieved 11 December 2018.
  5. ↑ నమస్తే తెలంగాణ, తాజా వార్తలు (8 September 2019). "ఆరుగురు మంత్రుల ప్రమాణస్వీకారం". ntnews.com. Archived from the original on 8 September 2019. Retrieved 8 September 2019.
  6. ↑ సాక్షి, తెలంగాణ (8 September 2019). "శాఖల కేటాయింపు: హరీష్‌కు ఆర్థిక శాఖ". Sakshi. Archived from the original on 8 September 2019. Retrieved 8 September 2019.
  7. ↑ నమస్తే తెలంగాణ, తాజావార్తలు (9 September 2019). "ఎమ్మెల్యేగా ఆరు సార్లు.. మంత్రిగా మూడు సార్లు." ntnews.com. Archived from the original on 9 September 2019. Retrieved 9 September 2019.
  8. ↑ Sakshi (9 November 2021). "ఆర్థిక శాఖతో పాటు హరీష్‌రావుకు మరో కీలక శాఖ". Archived from the original on 9 నవంబరు 2021. Retrieved 9 November 2021.

బయటి లంకెలు సవరించు

వంశవృక్ష ఆధారం సవరించు

  1. ↑ మోహినికుంటలోనే కేసీఆర్ ఏడేడు తరాలు
"https://te.wikipedia.org/w/index.php?title=తన్నీరు_హరీశ్_రావు&oldid=3838592" నుండి వెలికితీశారు