అల్లూరు (నెల్లూరు)

ఆంధ్రప్రదేశ్, శ్రీ పొట్టి శ్రీరాములు నెల్లూరు జిల్లా, అల్లూరు (నెల్లూరు) మండల గ్రామం
(ఆల్లూరు (నెల్లూరు) నుండి దారిమార్పు చెందింది)

అల్లూరు ఆంధ్ర ప్రదేశ్ రాష్ట్రం, శ్రీ పొట్టి శ్రీరాములు నెల్లూరు జిల్లా, అల్లూరు మండలం లోని గ్రామం. ఇది మండల కేంద్రం.ఇది సమీప పట్టణమైన నెల్లూరు నుండి 30 కి. మీ. దూరంలో ఉంది.2011 భారత జనగణన గణాంకాల ప్రకారం ఈ గ్రామం 3239 ఇళ్లతో, 11656 జనాభాతో 3028 హెక్టార్లలో విస్తరించి ఉంది. గ్రామంలో మగవారి సంఖ్య 5768, ఆడవారి సంఖ్య 5888. షెడ్యూల్డ్ కులాల సంఖ్య 2375 కాగా షెడ్యూల్డ్ తెగల సంఖ్య 2600. గ్రామ జనగణన లొకేషన్ కోడ్ 591878. [1]. పిన్ కోడ్: 524 315.

అల్లూరు
—  రెవెన్యూ గ్రామం  —
అల్లూరు is located in Andhra Pradesh
అల్లూరు
అల్లూరు
అక్షాంశరేఖాంశాలు: 14°41′19″N 80°03′21″E / 14.68866°N 80.05584°E / 14.68866; 80.05584
రాష్ట్రం ఆంధ్ర ప్రదేశ్
జిల్లా శ్రీ పొట్టి శ్రీరాములు నెల్లూరు జిల్లా
మండలం
ప్రభుత్వం
 - సర్పంచి
జనాభా (2011)
 - మొత్తం 11,656
 - పురుషుల సంఖ్య 5,768
 - స్త్రీల సంఖ్య 5,888
 - గృహాల సంఖ్య 3,239
పిన్ కోడ్ 524315
ఎస్.టి.డి కోడ్ 08622

సమీప గ్రామాలు మార్చు

పురిని 3 కి.మీ,ఉత్తర మోపూరు 4 కి.మీ, తూర్పు గోగులపల్లి 5 కి.మీ,దంపూరు 5 కి.మీ, ఉత్తర అములూరు 6 కి.మీ.

గ్రామ పరిపాలన మార్చు

అల్లూరు మేజరు పంచాయతీగా 1910,ఏప్రిల్-2వ తేదీన ఏర్పడింది. ఆంగ్లేయుల కాలంనుండి ఇక్కడ సచివాలయం ఉంది. మొదటి సర్పంచిగా శ్రీ గండికోట రాఘవయ్య, రెండవ సర్పంచిగా శ్రీ వి.అరుణాచలం వ్యవహరించారు. నెల్లూరు జిల్లాలో అల్లూరు మొదటి మేజరు పంచాయతీ. ఇక్కడ స్వాతంత్ర్యానికి పూర్వమే రెవెన్యూ, న్యాయశాఖలకు సంబంధించిన భవనాలు ఉండేవి. సబ్ రిజిస్ట్రార్ కార్యాలయం ఉంది. అలూరు మొదట నియోజకవర్గ కేంద్రంగా ఉండేది. 1906 లో సర్ ఆర్ధర్ కాటన్ మహాశయుడు ఇక్కడ డెల్టా ఆధునికీకరణ చేసారు. [2]

విద్యా సౌకర్యాలు మార్చు

గ్రామంలో ఒక ప్రైవేటు బాల బడి ఉంది. ప్రభుత్వ ప్రాథమిక పాఠశాలలు 12, ప్రైవేటు ప్రాథమిక పాఠశాలలు మూడు, ప్రభుత్వ ప్రాథమికోన్నత పాఠశాలలు నాలుగు, ప్రైవేటు ప్రాథమికోన్నత పాఠశాలలు మూడు, ప్రభుత్వ మాధ్యమిక పాఠశాల ఒకటి, ప్రైవేటు మాధ్యమిక పాఠశాలలు రెండు ఉన్నాయి. ఒక ప్రభుత్వ జూనియర్ కళాశాల ఒక ప్రభుత్వ ఆర్ట్స్/సైన్స్ డిగ్రీ కళాశాల ఉన్నాయి. సమీప ఇంజనీరింగ్ కళాశాల రాజుపాలెంలో ఉంది. సమీప మేనేజిమెంటు కళాశాల కొడవలూరులోను, వైద్య కళాశాల, పాలీటెక్నిక్‌లు నెల్లూరులోనూ ఉన్నాయి. సమీప వృత్తి విద్యా శిక్షణ పాఠశాల, అనియత విద్యా కేంద్రం, దివ్యాంగుల ప్రత్యేక పాఠశాల నెల్లూరులో ఉన్నాయి. అల్లూరు విద్యకు కూడా ప్రసిద్ధి చెందినది, రామ కృష్ణా విద్యా సంస్థలు 1930లో స్థాపించారు. ఇవి ఇప్పుడు చుట్టు ప్రక్కల 40 గ్రామాలకు విద్యను అందిస్తున్నవి. రామ కృష్ణా డిగ్రీ కళాశాలను 1999లో స్థాపించారు. ఈ సంస్థలలో చదివిన వాళ్ళలో చాలా గొప్ప వారు కూడా వున్నారు, ఈ సంస్థలలో చదివిన వాళ్ళు ఒక సంస్థను ఏర్పాటు చేశారు, దానిపేరు RKCOSA (రామ కృష్ణా కాలేజి ఓల్డ్ స్టుడెంట్స్ అసొసియేషన్). ఈ సంస్థతో చదివిన కాలేజికి, పుట్టిన ఊరికి మంచి చేయాలనుకుంటున్నారు సంస్థ వెబ్ లింక్ [www.rkcosa.org]. ఈ సంస్థలకు తోడుగా చాలా ప్రాథమిక పాఠశాలలు ఉన్నాయి.

 
రామకృష్ణ జూనియర్ కళాశాల. అల్లూరు

వైద్య సౌకర్యం మార్చు

ప్రభుత్వ వైద్య సౌకర్యం మార్చు

అల్లూరులో ఉన్న ఒక సామాజిక ఆరోగ్య కేంద్రంలో ముగ్గురు డాక్టర్లు, 10 మంది పారా మెడికల్ సిబ్బందీ ఉన్నారు. రెండు ప్రాథమిక ఆరోగ్య ఉప కేంద్రాల్లో డాక్టర్లు లేరు. నలుగురు పారా మెడికల్ సిబ్బంది ఉన్నారు. ఒక సంచార వైద్య శాలలో డాక్టర్లు లేరు. ముగ్గురు పారా మెడికల్ సిబ్బంది ఉన్నారు. డిస్పెన్సరీ గ్రామం నుండి 5 కి.మీ. లోపు దూరంలో ఉంది. ప్రాథమిక ఆరోగ్య కేంద్రం గ్రామం నుండి 5 నుండి 10 కి.మీ. దూరంలో ఉంది. పశు వైద్యశాల గ్రామం నుండి 5 నుండి 10 కి.మీ. దూరంలో ఉంది. మాతా శిశు సంరక్షణ కేంద్రం, టి. బి వైద్యశాల గ్రామం నుండి 10 కి.మీ. కంటే ఎక్కువ దూరంలో ఉన్నాయి. అలోపతి ఆసుపత్రి, ప్రత్యామ్నాయ ఔషధ ఆసుపత్రి, కుటుంబ సంక్షేమ కేంద్రం గ్రామం నుండి 10 కి.మీ. కంటే ఎక్కువ దూరంలో ఉన్నాయి.

ప్రైవేటు వైద్య సౌకర్యం మార్చు

గ్రామంలో 12 ప్రైవేటు వైద్య సౌకర్యాలున్నాయి. ఒక ఎమ్బీబీయెస్ డాక్టరు, ఎం.బి.బి.ఎస్. కాకుండా ఇతర డిగ్రీలు చదివిన డాక్టర్లు ముగ్గురు, డిగ్రీ లేని డాక్టర్లు ఆరుగురు, ఇద్దరు నాటు వైద్యులు ఉన్నారు. 8 మందుల దుకాణాలు ఉన్నాయి.

తాగు నీరు మార్చు

గ్రామంలో కుళాయిల ద్వారా రక్షిత మంచినీటి సరఫరా జరుగుతోంది. బావుల నీరు కూడా అందుబాటులో ఉంది. గ్రామంలో ఏడాది పొడుగునా చేతిపంపుల ద్వారా నీరు అందుతుంది.

పారిశుధ్యం మార్చు

బహిరంగ కాలువల ద్వారా ప్రవహిస్తుంది. మురుగు నీరు బహిరంగంగా, కచ్చా కాలువల ద్వారా కూడా ప్రవహిస్తుంది. మురుగు నీటిని శుద్ధి ప్లాంట్‌లోకి పంపిస్తున్నారు. గ్రామంలో సంపూర్ణ పారిశుధ్య పథకం అమలవుతోంది. సామాజిక మరుగుదొడ్డి సౌకర్యం లేదు. ఇంటింటికీ తిరిగి వ్యర్థాలను సేకరించే వ్యవస్థ లేదు. సామాజిక బయోగ్యాస్ ఉత్పాదక వ్యవస్థ లేదు.

సమాచార, రవాణా సౌకర్యాలు మార్చు

అల్లూరులో పోస్టాఫీసు సౌకర్యం ఉంది. సబ్ పోస్టాఫీసు సౌకర్యం గ్రామానికి 5 నుండి 10 కి.మీ. దూరంలో ఉంది. పోస్ట్ అండ్ టెలిగ్రాఫ్ ఆఫీసు గ్రామం నుండి 10 కి.మీ.కి పై బడిన దూరంలో ఉంది. లాండ్ లైన్ టెలిఫోన్, పబ్లిక్ ఫోన్ ఆఫీసు, మొబైల్ ఫోన్, ఇంటర్నెట్ కెఫె /సామాన్య సేవా కేంద్రం, ప్రైవేటు కొరియర్ మొదలైన సౌకర్యాలు ఉన్నాయి. గ్రామానికి సమీప ప్రాంతాల నుండి ప్రభుత్వ రవాణా సంస్థ బస్సులు తిరుగుతున్నాయి. సమీప గ్రామాల నుండి ఆటో సౌకర్యం కూడా ఉంది. వ్యవసాయం కొరకు వాడేందుకు గ్రామంలో ట్రాక్టర్లున్నాయి. రైల్వే స్టేషన్ ఉంది. ప్రైవేటు బస్సు సౌకర్యం గ్రామం నుండి 10 కి.మీ.కి పై బడిన దూరంలో ఉంది. ప్రధాన జిల్లా రహదారి, జిల్లా రహదారి గ్రామం గుండా పోతున్నాయి. జాతీయ రహదారి గ్రామం నుండి 5 నుండి 10 కి.మీ. దూరంలో ఉంది. రాష్ట్ర రహదారి గ్రామం నుండి 10 కి.మీ.కి పై బడిన దూరంలో ఉంది. గ్రామంలో తారు రోడ్లు, కంకర రోడ్లు, మట్టి రోడ్లూ ఉన్నాయి.

మార్కెటింగు, బ్యాంకింగు మార్చు

గ్రామంలో వాణిజ్య బ్యాంకు, సహకార బ్యాంకు, వ్యవసాయ పరపతి సంఘం ఉన్నాయి. గ్రామంలో స్వయం సహాయక బృందం, పౌర సరఫరాల కేంద్రం, వారం వారం సంత, వ్యవసాయ మార్కెటింగ్ సొసైటీ ఉన్నాయి. ఏటీఎమ్ గ్రామం నుండి 10 కి.మీ.కి పై బడిన దూరంలో ఉంది.

ఆరోగ్యం, పోషణ, వినోద సౌకర్యాలు మార్చు

గ్రామంలో సమీకృత బాలల అభివృద్ధి పథకం, అంగన వాడీ కేంద్రం, ఇతర పోషకాహార కేంద్రాలు, ఆశా కార్యకర్త ఉన్నాయి. గ్రామంలో సినిమా హాలు, గ్రంథాలయం, పబ్లిక్ రీడింగ్ రూం ఉన్నాయి. గ్రామంలో వార్తాపత్రిక పంపిణీ జరుగుతుంది. అసెంబ్లీ పోలింగ్ కేంద్రం, జనన మరణాల నమోదు కార్యాలయం ఉన్నాయి. ఆటల మైదానం గ్రామం నుండి 10 కి.మీ.కి పై బడిన దూరంలో ఉంది.

విద్యుత్తు మార్చు

గ్రామంలో గృహావసరాల నిమిత్తం విద్యుత్ సరఫరా వ్యవస్థ ఉంది. రోజుకు 7 గంటల పాటు వ్యవసాయానికి, 10 గంటల పాటు వాణిజ్య అవసరాల కోసం కూడా విద్యుత్ సరఫరా చేస్తున్నారు.

భూమి వినియోగం మార్చు

అల్లూరులో భూ వినియోగం కింది విధంగా ఉంది:

  • వ్యవసాయేతర వినియోగంలో ఉన్న భూమి: 1076 హెక్టార్లు
  • తోటలు మొదలైనవి సాగవుతున్న భూమి: 16 హెక్టార్లు
  • సాగులో లేని భూముల్లో బీడు భూములు కానివి: 18 హెక్టార్లు
  • బంజరు భూమి: 5 హెక్టార్లు
  • నికరంగా విత్తిన భూమి: 1911 హెక్టార్లు
  • నీటి సౌకర్యం లేని భూమి: 41 హెక్టార్లు
  • వివిధ వనరుల నుండి సాగునీరు లభిస్తున్న భూమి: 1893 హెక్టార్లు

నీటిపారుదల సౌకర్యాలు మార్చు

అల్లూరులో వ్యవసాయానికి నీటి సరఫరా కింది వనరుల ద్వారా జరుగుతోంది.

  • కాలువలు: 1893 హెక్టార్లు

ఉత్పత్తి మార్చు

అల్లూరులో ఈ కింది వస్తువులు ఉత్పత్తి అవుతున్నాయి.

ప్రధాన పంటలు మార్చు

వరి

గ్రామ ప్రముఖులు మార్చు

  • కోట రాజశేఖర్: ధార్మికోపన్యాసకులు. సంస్కృతభాషా ప్రచారకులు. గణితశాస్త్ర ప్రవీణులు.

దర్శనీయ ప్రదేశాలు/దేవాలయాలు మార్చు

అల్లూరు దేవాలయాలకు ప్రసిద్ధి, అల్లూరు గ్రామం మధ్యలో విష్ణు దేవాలయం ఉంది. ఇది చోళ రాజుల కాలములో నిర్మించింది.

  • శివాలయం
  • పోలేరమ్మ గుడి;- గ్రామములో బహుళ ప్రసిద్ధి గాంచిన పోలేరమ్మవారి దేవస్థానంలో, ప్రతి సంవత్సరం మొదట్లో, 2వ మంగళవారం, గ్రామోత్సవం అత్యంత వైభవంగా నిర్వహించెదరు.
  • కలుగోలమ్మ దేవాలయాం
  • దసరా దేవాలయం.
  • కోదండ రామ దేవాలయం
  • షిర్డీ సాయిబాబా గుడి
  • వినాయకుని గుడి
  • కన్యకాపరమేశ్వరి ఆలయం
  • వేణుగోపాలస్వామి దేవాలయాం
  • మారుతి ఆశ్రమము (అల్లూరుపేట)
  • మాతమ్మ దేవాలయం:- గ్రామములోని గాంధీకాలనీలో కొలువై యున్న, మాతమ్మ తల్లి ఉత్సవాలు ప్రతి సంవత్సరం ఫాల్గుణ మాసంలో ఐదురోజులపాటు వైభవంగా నిర్వహించెదరు.
  • చెన్నకేశవస్వామి దేవాలయం.
  • మహాలక్ష్మి దేవాలయం (మహా లక్షమ్మ ఆలయం, తూర్పు వీధి).
  • గంగమ్మ దేవాలయం

గ్రామ విశేషాలు మార్చు

అల్లూరు గ్రామంలోని రామకృష్ణ పి. జి. కళాశాల విద్యార్థి కె.వెంకటరమణ, 26-1-2021 న కొత్త ఢిల్లీలోని ఎర్రకోటలో నిర్వహించు భారత గణతంత్ర దినోత్సవాలలో, కవాతులో పాల్గొనుటకు అర్హత సంపాదించాడు. ఈ సందర్భంగా ఇతడు తెలంగాణా రాష్ట్రంలోని అనురాగ్ విశ్వవిద్యాలయంలో, 20-11-2020 నుండి నిర్వహించు శిక్షణ కార్యక్రమంలో పాల్గొంటాడు.

మూలాలు మార్చు

  1. "Office of the Registrar General & Census Commissioner, India - Village amenities of 2011".

వెలుపలి లింకులు మార్చు