ఇంద్రకల్
ఇంద్రకల్, తెలంగాణ రాష్ట్రం, నాగర్‌కర్నూల్ జిల్లా, తాడూరు మండలానికి చెందిన గ్రామం.[1]
| ఇంద్రకల్ | |
| — రెవెన్యూ గ్రామం — | |
  ఇంద్రకల్ |
|
| అక్షాంశరేఖాంశాలు: 16°33′30″N 78°20′30″E / 16.5583581°N 78.3417302°E | |
|---|---|
| రాష్ట్రం | తెలంగాణ |
| జిల్లా | నాగర్‌కర్నూల్ |
| మండలం | తాడూరు |
| ప్రభుత్వం | |
| - సర్పంచి | |
| జనాభా (2011) | |
| - మొత్తం | 2,414 |
| - పురుషుల సంఖ్య | 1,214 |
| - స్త్రీల సంఖ్య | 1,200 |
| - గృహాల సంఖ్య | 526 |
| పిన్ కోడ్ | 509209 |
ఇది మండల కేంద్రమైన తాడూరు నుండి 5 కి. మీ. దూరం లోను, సమీప పట్టణమైన వనపర్తి నుండి 45 కి. మీ. దూరంలోనూ ఉంది.2016 అక్టోబరు 11 న చేసిన తెలంగాణ జిల్లాల పునర్వ్యవస్థీకరణకు ముందు ఈ గ్రామం పాత మహబూబ్ నగర్ జిల్లా లోని ఇదే మండలంలో ఉండేది.[2] ఇది చారిత్రక గ్రామం. ఒకప్పుడు ఇది రాజధానిగా విలసిల్లిన ప్రాంతం.
చరిత్ర
మార్చుఈ గ్రామం మిక్కిలి పురాతనమైనది. ఇది ఒక పట్టణముగా ఉండి మత సంస్కృతులకు కేంద్రమై జైన వైదిక శైవమతాల అభివృద్ధి, పతనాల చిహ్నాలు ఇక్కడ ఉన్నాయి.సా.శ..11వ శతాబ్దమునాటికీ గ్రామం మహావైభవంగా ఉండేది. అనేక వేదపండితుల కుటుంబాలు ఉండేవి. ఇకడ గాజు, బలపరాయి, శంఖు మొదలైనవానికి సంబంధించిన పరిశ్రమలుండేవి.ఇక్కడ వెలసిన మతాల్లో మొదటిగా చెప్పదగ్గింది జైనం. ప్రాపంచిక వాసనలు విడిచి దిగంబరులై ప్రశాంతంగా నాగుల పడగల నీడల్లో నిలచిన జైనమూర్తుల విగ్రహాలు అనేకం ఉన్నాయి.ప్రస్తుతం గ్రామంలో ఉండే చెన్నకేశవాలయం ఇక్కడి ఆలయాలన్నింటిలో ప్రాచీనం. దాని ప్రాకార ద్వారానికిరువైపులా జయవిజయులకు బదులు పద్మాసనస్థమైన మహావీర ప్రతిమలున్నాయి. కాబట్టి అది మొదలు జైనాలయం అయిఉండాలి.పాల్కూరికి సోమనాధుని పిమ్మట జైనానికి దుర్దశ పట్టింది. దిగంబర జైనులను శూలాలతో పొడిచి చంపటం వారు పవిత్రకార్యంగా భావించారు. అలాటి హింస ఇక్కడ కూడా జరిగింది. ప్రస్తుతము అక్కడ గ్రామదేవత ప్రక్కగా ఉండే ఓ వీరగల్లు ఈవిషయాన్ని చెబుతుంది.ఆవీరునిలో వీరశైవముద్రమూర్తీభవించి ఉంది. అతడు శూలంతో దిగంబర జైనులను పొడిచి చంపుతున్నాడు ఆవీరగల్లుపై అతని పేరుకూడ చెక్కబడింది. అటుపై జైనం పిమ్మట శైవం వ్యాపించింది.ఈగ్రామానికి నాలుగు మూలల్లో నాలుగు శివాలయాలుండేవి.వానిలో ఆగ్నేయానికి ముక్కంటీశ్వరాలయము, నైరుతి ఆలయానికి ఇంద్రేశ్వరాలయం, వాయవ్యానికి భీమేశ్వరాలయం, ఈశాన్యానికి నందీశ్వరాలయం అని వ్యవహారాలు.వీనిలో ఇంద్రేశ్వరాలయాన్ని బట్టే ఈగ్రామానికి ఇంద్రకల్లు అని వ్యవహారంలోనికి వచ్చింది.ఈ ఆలయంలో దూలం పైకప్పుపై రామాయణ చిత్రాలుండేవి. స్థానికులీ ఆలయాలు గోన గన్నయ్యగారి కాలంలో కట్టబడిందంటారు కాని ఇక్కడ ఇంద్రేశ్వరాలయం స్తంభాలపైన ఉదయనచోడుని, అతని కుమారుడైన భీమచోడుని పేర్కొనే శాసనాలు ఉన్నాయి.కాబట్టి 11వ శతాబ్దం పూర్వార్ధం నాటికే ఈఆలయాలు వెలసి ఉండాలి.
ఈ గ్రామంలోని నాగప్రతిష్ఠ మరొక ప్రత్యేకత. పూర్వమిక్కడ సహస్రనాగప్రతిష్ఠ ఉండేదట.ప్రస్తుతం ఇంద్రేశ్వరాలయం వెనుకగల చెరువునిండా నాగశిల్పాలున్నాయి. నాగశిల్పాల్లో ఎన్నెన్ని భంగిమలున్నాయో అవన్నీ ఇక్కడ కనిపిస్తాయి.
ఇప్పుడీ గ్రామానికి ఉత్తరంగా ఐతవోలు దారిలో ఓవీరగల్లుంది. దానిపై ఉండే పురుషుడు కత్తి, డాలు ధరించి ఉన్నాడు. అతనికి వీరలింగన్న ప్రజావ్యవహారం. అతనికి కొద్దిపాటి దూరంలో సమాధివంటి ఓశిథిల ప్రదేశముంది. దాన్ని ప్రజలగ్నిగుండమని పిలుస్తారు.ఇప్పుడున్న గ్రామానికి తూర్పున భూగర్భంలో విపరీతంగా ఎముకలు దొరికాయి. ఈ విషయాలను సమన్వయం చేసిచూస్తే ఆఎముకుల ప్రదేశం ఓయుద్ధరంగం, ఆ వీరుడు యుద్ధంలో పాల్గొన్న యోధుడు, అగ్నిగుండం యుద్ధంలో మరణించిన వీరుల పత్నులు అగ్నికాహుతియైన ప్రదేశంకావాలి.
గ్రామానికి నాలుగు మూలల్లోగల ఆలయాల్లో ముక్కంటీశ్వరాలయం ఇంద్రేశ్వరాలయం మాత్రమే మిగిలాయి.తక్కినవి నేలలో కూరుకుపోయాయి.
కాకతీయ సామంతుల పిమ్మట ఈప్రాంతాన్ని గంగాకరమహత్యకర రెడ్డి, రెడ్డి మల్లారెడ్డి వంశయులు పాలించారు.
గణాంకాలు
మార్చు2011 జనగణన ప్రకారం గ్రామ జనాభా 2414. ఇందులో పురుషుల సంఖ్య 1214, స్త్రీల సంఖ్య 1200. గృహాల సంఖ్య 526. 2011 భారత జనగణన గణాంకాల ప్రకారం ఈ గ్రామం 526 ఇళ్లతో, 2414 జనాభాతో 1898 హెక్టార్లలో విస్తరించి ఉంది. గ్రామంలో మగవారి సంఖ్య 1214, ఆడవారి సంఖ్య 1200. షెడ్యూల్డ్ కులాల సంఖ్య 453 కాగా షెడ్యూల్డ్ తెగల సంఖ్య 227. గ్రామ జనగణన లొకేషన్ కోడ్ 575707[3].పిన్ కోడ్: 509502.
విద్యా సౌకర్యాలు
మార్చుగ్రామంలో ప్రభుత్వ ప్రాథమిక పాఠశాలలు రెండు, ప్రభుత్వ ప్రాథమికోన్నత పాఠశాలలు రెండు, ప్రభుత్వ మాధ్యమిక పాఠశాల ఒకటి ఉన్నాయి.సమీప బాలబడి నాగర్‌కర్నూల్లో ఉంది.సమీప జూనియర్ కళాశాల తాడూరులోను, ప్రభుత్వ ఆర్ట్స్ / సైన్స్ డిగ్రీ కళాశాల పాలెంలోనూ ఉన్నాయి. సమీప వైద్య కళాశాల, మేనేజిమెంటు కళాశాల మహబూబ్ నగర్లోను, పాలీటెక్నిక్ వనపర్తిలోనూ ఉన్నాయి.సమీప వృత్తి విద్యా శిక్షణ పాఠశాల, అనియత విద్యా కేంద్రం నాగర్‌కర్నూల్లోను, దివ్యాంగుల ప్రత్యేక పాఠశాల మహబూబ్ నగర్ లోనూ ఉన్నాయి.
వైద్య సౌకర్యం
మార్చుప్రభుత్వ వైద్య సౌకర్యం
మార్చుఇంద్రకల్లో ఉన్న ఒక ప్రాథమిక ఆరోగ్య ఉప కేంద్రంలో డాక్టర్లు లేరు. ఇద్దరు పారామెడికల్ సిబ్బంది ఉన్నారు. ఒక సంచార వైద్య శాలలో డాక్టర్లు లేరు. ముగ్గురు పారామెడికల్ సిబ్బంది ఉన్నారు. సమీప సామాజిక ఆరోగ్య కేంద్రం, ప్రాథమిక ఆరోగ్య కేంద్రం గ్రామం నుండి 5 నుండి 10 కి.మీ. దూరంలో ఉన్నాయి. పశు వైద్యశాల, కుటుంబ సంక్షేమ కేంద్రం గ్రామం నుండి 5 నుండి 10 కి.మీ. దూరంలో ఉన్నాయి. మాతా శిశు సంరక్షణ కేంద్రం, టి. బి వైద్యశాల గ్రామం నుండి 10 కి.మీ. కంటే ఎక్కువ దూరంలో ఉన్నాయి. అలోపతి ఆసుపత్రి, ప్రత్యామ్నాయ ఔషధ ఆసుపత్రి, డిస్పెన్సరీ గ్రామం నుండి 10 కి.మీ. కంటే ఎక్కువ దూరంలో ఉన్నాయి.
ప్రైవేటు వైద్య సౌకర్యం
మార్చుగ్రామంలోఒక ప్రైవేటు వైద్య సౌకర్యం ఉంది. డిగ్రీ లేని డాక్టరు ఒకరు ఉన్నారు.
తాగు నీరు
మార్చుగ్రామంలో కుళాయిల ద్వారా రక్షిత మంచినీటి సరఫరా జరుగుతోంది. గ్రామంలో ఏడాది పొడుగునా చేతిపంపుల ద్వారా నీరు అందుతుంది. బోరుబావుల ద్వారా కూడా ఏడాది పొడుగునా నీరు అందుతుంది.
పారిశుధ్యం
మార్చుమురుగునీరు బహిరంగ కాలువల ద్వారా ప్రవహిస్తుంది. మురుగునీరు బహిరంగంగా, కచ్చా కాలువల ద్వారా కూడా ప్రవహిస్తుంది. మురుగునీటిని నేరుగా జలవనరుల్లోకి వదులుతున్నారు. గ్రామంలో సంపూర్ణ పారిశుధ్య పథకం అమలవుతోంది. సామాజిక మరుగుదొడ్డి సౌకర్యం లేదు. ఇంటింటికీ తిరిగి వ్యర్థాలను సేకరించే వ్యవస్థ లేదు. సామాజిక బయోగ్యాస్ ఉత్పాదక వ్యవస్థ లేదు. చెత్తను వీధుల పక్కనే పారబోస్తారు.
సమాచార, రవాణా సౌకర్యాలు
మార్చుఇంద్రకల్లో పోస్టాఫీసు సౌకర్యం ఉంది. సబ్ పోస్టాఫీసు సౌకర్యం గ్రామానికి 5 కి.మీ. లోపు దూరంలో ఉంది. పోస్ట్ అండ్ టెలిగ్రాఫ్ ఆఫీసు గ్రామం నుండి 10 కి.మీ.కి పైబడిన దూరంలో ఉంది. లాండ్ లైన్ టెలిఫోన్, పబ్లిక్ ఫోన్ ఆఫీసు, మొబైల్ ఫోన్ మొదలైన సౌకర్యాలు ఉన్నాయి. ఇంటర్నెట్ కెఫె / సామాన్య సేవా కేంద్రం, ప్రైవేటు కొరియర్ గ్రామానికి 5 నుండి 10 కి.మీ. దూరంలో ఉన్నాయి.
గ్రామానికి సమీప ప్రాంతాల నుండి ప్రభుత్వ రవాణా సంస్థ బస్సులు తిరుగుతున్నాయి. సమీప గ్రామాల నుండి ఆటో సౌకర్యం కూడా ఉంది. వ్యవసాయం కొరకు వాడేందుకు గ్రామంలో ట్రాక్టర్లున్నాయి. ప్రైవేటు బస్సు సౌకర్యం గ్రామానికి 5 నుండి 10 కి.మీ. దూరంలో ఉంది. రైల్వే స్టేషన్ గ్రామం నుండి 10 కి.మీ.కి పైబడిన దూరంలో ఉంది.
జాతీయ రహదారి, రాష్ట్ర రహదారి, ప్రధాన జిల్లా రహదారి, జిల్లా రహదారి గ్రామం నుండి 10 కి.మీ.కి పైబడిన దూరంలో ఉన్నాయి. గ్రామంలో తారు రోడ్లు, కంకర రోడ్లు, మట్టిరోడ్లూ ఉన్నాయి.
మార్కెటింగు, బ్యాంకింగు
మార్చుగ్రామంలో స్వయం సహాయక బృందం, పౌర సరఫరాల కేంద్రం, వారం వారం సంత ఉన్నాయి. ఏటీఎమ్, వాణిజ్య బ్యాంకు, సహకార బ్యాంకు, వ్యవసాయ పరపతి సంఘం గ్రామం నుండి 5 నుండి 10 కి.మీ. దూరంలో ఉన్నాయి. రోజువారీ మార్కెట్ గ్రామం నుండి 5 నుండి 10 కి.మీ. దూరంలో ఉంది. వ్యవసాయ మార్కెటింగ్ సొసైటీ గ్రామం నుండి 10 కి.మీ.కి పైబడిన దూరంలో ఉంది.
ఆరోగ్యం, పోషణ, వినోద సౌకర్యాలు
మార్చుగ్రామంలో సమీకృత బాలల అభివృద్ధి పథకం, అంగన్ వాడీ కేంద్రం, ఇతర పోషకాహార కేంద్రాలు, ఆశా కార్యకర్త ఉన్నాయి. గ్రామంలో ఆటల మైదానం ఉంది. గ్రామంలో వార్తాపత్రిక పంపిణీ జరుగుతుంది. అసెంబ్లీ పోలింగ్ కేంద్రం, జనన మరణాల నమోదు కార్యాలయం ఉన్నాయి. సినిమా హాలు, గ్రంథాలయం, పబ్లిక్ రీడింగ్ రూం గ్రామం నుండి 5 నుండి 10 కి.మీ. దూరంలో ఉన్నాయి.
విద్యుత్తు
మార్చుగ్రామంలో గృహావసరాల నిమిత్తం విద్యుత్ సరఫరా వ్యవస్థ ఉంది. రోజుకు 7 గంటల పాటు వ్యవసాయానికి, 10 గంటల పాటు వాణిజ్య అవసరాల కోసం కూడా విద్యుత్ సరఫరా చేస్తున్నారు.
భూమి వినియోగం
మార్చుఇంద్రకల్లో భూ వినియోగం కింది విధంగా ఉంది:
- వ్యవసాయేతర వినియోగంలో ఉన్న భూమి: 130 హెక్టార్లు
- వ్యవసాయం సాగని, బంజరు భూమి: 37 హెక్టార్లు
- తోటలు మొదలైనవి సాగవుతున్న భూమి: 16 హెక్టార్లు
- వ్యవసాయం చేయదగ్గ బంజరు భూమి: 22 హెక్టార్లు
- బంజరు భూమి: 292 హెక్టార్లు
- నికరంగా విత్తిన భూమి: 1400 హెక్టార్లు
- నీటి సౌకర్యం లేని భూమి: 1372 హెక్టార్లు
- వివిధ వనరుల నుండి సాగునీరు లభిస్తున్న భూమి: 320 హెక్టార్లు
నీటిపారుదల సౌకర్యాలు
మార్చుఇంద్రకల్లో వ్యవసాయానికి నీటి సరఫరా కింది వనరుల ద్వారా జరుగుతోంది.
- బావులు/బోరు బావులు: 300 హెక్టార్లు* చెరువులు: 20 హెక్టార్లు
ఉత్పత్తి
మార్చుఇంద్రకల్లో ఈ కింది వస్తువులు ఉత్పత్తి అవుతున్నాయి.
ప్రధాన పంటలు
మార్చుమూలాలు
మార్చు- ↑ తెలంగాణ ప్రభుత్వ ఉత్తర్వులు GO. Ms. No. 243, Revenue (DA-CMRF) Department, Date: 11.10.2016
- ↑ "నాగర్ కర్నూల్ జిల్లా" (PDF). తెలంగాణ గనుల శాఖ. Archived (PDF) from the original on 2021-12-28. Retrieved 2021-01-06.
- ↑ "Office of the Registrar General & Census Commissioner, India - Village amenities of 2011".
వెలుపలి లింకులు
మార్చు- 1977 భారతి మాసపత్రిక. వ్యాసం:ఇంద్రకల్లు. వ్యాసకర్త:కే.కిశోర్ బాబు.