ఏమో గుర్రం ఎగరావచ్చు
ఏమో గుర్రం ఎగరావచ్చు 2013 లో విడుదలవబోతున్న తెలుగు చిత్రం.
| ఏమో గుర్రం ఎగరావచ్చు | |
|---|---|
 | |
| దర్శకత్వం | చంద్ర సిద్దార్థ |
| రచన | ఎస్. ఎస్. కాంచి |
| నిర్మాత | పూదోట సుధీర్ కుమార్ |
| తారాగణం | సుమంత్, పింకీ సావిక |
| ఛాయాగ్రహణం | చంద్రమౌళి |
| సంగీతం | ఎం.ఎం.కీరవాణి |
విడుదల తేదీ | జనవరి 25, 2014 |
| దేశం | భారతదేశం |
| భాష | తెలుగు |
కథ సవరించు
టెన్త్‌ క్లాస్‌ పాస్‌ కావడానికి గజిని మొహమ్మద్‌లా దండయాత్రలు చేసే పల్లెటూరి బుల్లెబ్బాయికి (సుమంత్) తన మరదలు నీలవేణి (పింకీ) అంటే చాలా ఇష్టం. అమెరికాలో స్థిరపడిన నీలవేణికి పెళ్ళి సంబంధాలు చూస్తుంటే, తన చాదస్తపు తండ్రికి నచ్చజెప్పలేక బుల్లెబ్బాయిని పెళ్ళి చేసుకోవడానికి ఒప్పుకుంతుంది నీలవేణి. అతడిని చేసుకుని అమెరికా తీసుకెళ్లి... ఆ తర్వాత విడాకులు ఇచ్చి నచ్చిన పెళ్ళి చేసుకోవాలనేది నీలవేణి ఆలోచన. ఇదంతా తెలిసినా కానీ పెళ్ళికి సరేనంటాడు బుల్లెబ్బాయి. జీవితం క్రమ పద్ధతిలో జరిగిపోవాలనేది నీలవేణి సిద్దాంతం.దీనికి పూర్తి విరుద్దంగా జీవితం ఒక పద్ధతి ప్రకారం కాకుండా, ఎలాంటి ప్రణాళికలు లేకుండా సరదాగా సాగిపోవాలనేది బుల్లబ్బాయి నైజం. వీరిద్దరికీ పెళ్ళి చేస్తారు పెద్దలు. తదనంతరం వీరి జీవితం ఎలా సాగిపోతుంది? భిన్న మనస్తత్వాలు కలిగిన వీరు కలిసి జీవనయానం సాగించగలుగుతారా? ఎవరు ఎవరితో సర్దుకుపోతారు అన్నది కథా గమనం.
నటవర్గం సవరించు
- సుమంత్
- పింకీ సావిక
- తాగుబోతు రమేశ్
- హర్షవర్ధన్
- అస్మిత
సాంకేతికవర్గం సవరించు
- కథ, స్క్రీన్ ప్లే, మాటలు - ఎస్. ఎస్. కాంచి
- దర్శకుడు - చంద్ర సిద్దార్థ
- సంగీతం - ఎం.ఎం.కీరవాణి
- ఛాయాగ్రహణం - చంద్రమౌళి
- నిర్మాత - పూదోట సుధీర్ కుమార్
- బ్యానర్‌: చెర్రీ ఫిలింస్‌ ప్రై.లి.