కమ్లి (2006 సినిమా)

కమ్లి 2006లో కె. ఎన్. టి. శాస్త్రి దర్శకత్వం వహించిన తెలుగు చలనచిత్రం. ఈ చిత్రంలో నందితా దాస్ లంబాడా అమ్మాయి టైటిల్ రోల్‌లో నటించింది. ఈ చిత్రానికి మాటలు సుద్దాల అశోక్ తేజ రాశారు. ఈ చిత్రం దక్షిణ కొరియాలోని బుసాన్ ఇంటర్నేషనల్ ఫిల్మ్ ఫెస్టివల్, ముంబైలో జరిగిన ఆసియన్ ఫిల్మ్ ఫెస్టివల్‌లో ప్రదర్శించబడింది.

కమ్లి
దర్శకత్వం	కె. ఎన్. టి. శాస్త్రి
రచన	కె. ఎన్. టి. శాస్త్రి
నిర్మాత	అపూర్వ చిత్ర బి.సి. హరి చరణప్రసాద్ సుకన్య
తారాగణం	నందితా దాస్ తనికెళ్ల భరణి షఫి ఎల్.బి. శ్రీరామ్ రూపా దేవి
ఛాయాగ్రహణం	సన్నీ జోసెఫ్
కూర్పు	బీనా పాల్
సంగీతం	ఐజాక్ థామస్ కొట్టుకాపల్లి
విడుదల తేదీ	2006 (2006)
దేశం	భారతదేశం
భాష	తెలుగు

అపూర్వ చిత్ర బ్యానర్ పై బి.సి. హరి చరణప్రసాద్, సుకన్య సంయుక్తంగా నిర్మించిన ఈ చిత్రం విశేష ఆధరణ పొందడమే కాక తెలుగులో ఉత్తమ చలనచిత్రంగా జాతీయ చలనచిత్ర పురస్కారం దక్కించుకుంది. నందితా దాస్ కు ఉత్తమ నటిగా నంది అవార్డు కూడా తెచ్చిపెట్టింది.

తారాగణం

• కమ్లీగా నందితా దాస్
• బద్యగా తనికెళ్ల భరణి
• రెడ్యాగా షఫీ
• పోలీస్ కానిస్టేబుల్ గా ఎల్.బి. శ్రీరామ్
• రూపాదేవి
• కోట శంకర్‌రావు
• వై.కె.నాగేశ్వరరావు
• పావలా శ్యామల
• విజయలక్ష్మి
• సత్యప్రియ
• భారతి
• లక్ష్మి
• సుధాకర్‌
• తాడివేలు
• ఆశాలత
• దామోదర్
• శ్రీనివాసరావు
• కళాచంద్ర

ప్రేరణ

అవార్డు గెలుచుకున్న డాక్యుమెంటరీ హార్వెస్టింగ్ బేబీస్ చే కె.ఎన్.టి.శాస్త్రి ప్రేరణ పొందాడు. గిరిజన స్త్రీలు తమ బిడ్డలను అమ్ముకుంటున్న దుస్థితి పై వచ్చిన ఈ డాక్యుమెంటరీ ఆధారంగా ఆయన ఒక చలన చిత్రాన్ని రూపొందించాలనుకున్నాడు. సౌందర్య కథానాయికగా కమ్లి సినిమా చేయాలనుకున్నాడు, కానీ ఆమె హెలికాప్టర్ ప్రమాదంలో మరణించింది. ఆ పాత్రతో నందితా దాస్‌ తెలుగు తెరపై అరంగేట్రం చేసింది.

పురస్కారాలు

• తెలుగులో ఉత్తమ చలనచిత్రంగా జాతీయ చలనచిత్ర పురస్కారం
• నందితా దాస్ కు ఉత్తమ నటిగా నంది అవార్డు