కాంగేర్ లోయ జాతీయ వనం
కాంగేర్ లోయ జాతీయ అరణ్యం చత్తీస్‌గఢ్‌లోని జగదల్‌పుర్ పట్టణానికి దక్షిణాన 35 కిలో మీటర్లు దూరాన ఉన్న జాతీయ అరణ్యం. ఈ అరణ్యం పులులు, చిరుత పులులు, అడవి కోళ్ళు, ఇతర జంతువులు, పక్షులకి ప్రసిద్ధి. తీరత్‌గఢ్ జలపాతాలు, కోతుంసర్ గుహలు, కైలాస గుహలు ఈ అరణ్యంలోనే ఉన్నాయి. 1982 లో ప్రభుత్వం దీన్ని జాతీయ వనంగా గుర్తించింది. చత్తీస్ గఢ్ రాష్ట్ర పక్షి అయిన బస్తరు కొండ మైనాకు ఈ వనం నెలవు.
| కాంగర్ లోయ జాతీయ వనం | |
|---|---|
| కాంగర్ లోయ జాతీయ వనం | |
IUCN category II (national park) | |
   | |
| ప్రదేశం | జగదల్ పూర్, చత్తీస్ గఢ్ |
| సమీప నగరం | జగదల్ పూర్ |
| విస్తీర్ణం | 200 కి.మీ2 (77 చ. మై.) |
| స్థాపితం | 1982 |
| పాలకమండలి | Conservator of Forest |
| http://www.kvnp.in | |
34 కి.మీ. పొడవైన కాంగేర్ లోయలో ఈ వనాన్ని స్థాపించారు. దీని విస్తీర్ణం సుమారు 200 చ.కి.మీ. ఇది ఎక్కువగా పర్వత ప్రాంతం. ఈ పార్కు గుండా ప్రవహించే కాంగేర్ నది వలన దీనికి ఈ పేరు వచ్చింది. ఈ వనంలో మైదాన ప్రాంతం, పర్వత ప్రాంతం, పీఠభూమి ప్రాంతం, లోయలు, వాగుల వంటి వివిధ భౌగోళిక విశేషాలున్నాయి. అనేక జాతుల వృక్ష జంతు జాలానికి ఈ వనం నెలవు. పార్కులో కొన్ని గిరిజన జాతుల ప్రజలు కూడా అవాసముంటారు.
జంతుజాలంసవరించు
ఈ వనంలో పులి, చిరుతపులి, జింక, అడవి పిల్లి, జింక, సాంబార్, నక్క, లంగూర్, ఎలుగుబంటి, ఎగిరే ఉడుత, అడవి పంది, చారల దుమ్ములగొండి, కుందేలు, కొండచిలువ, తాచుపాము, మొసలి వంటి జంతువులున్నాయి. కొండ మైనా, మచ్చల గూడ్లగూబ, అడవి కోడి, చిలుక, నెమలి, మైదాన గద్ద వంటి పక్షులు కూడా ఉన్నాయి. మొత్తం 49 రకాల క్షీరదాలు, 144 రకాల పక్షులూ ఈ వనంలో ఉన్నాయి.
మానవ ఆవసాలుసవరించు
ఈ జాతీయ వనంలో రెండు శ్రేణులున్నాయి - కోతుంసర్, కోలెంగ్. కోతుంసర్ శ్రేణి పార్కు పశ్చిమ భాగంలో ఉంది. ఇక్కడ అనేక మానవ ఆవాసాలున్నాయి. తూర్పున ఉండే కోలెంగ్ శ్రేణిలో గ్రామాలు తక్కువ. మొత్తమ్మీద ఈ వనంలో 48 గ్రామాలున్నాయి. [1]
మూలాలుసవరించు
- ↑ "Kanger Valley National Park Bastar, kvnp, kvnp bastar, Kanger Ghati rashtriya udyan". Kvnp.in. Archived from the original on 2013-12-31. Retrieved 2012-03-28.