కాసుల ప్రతాపరెడ్డి
కాసుల ప్రతాపరెడ్డి | |
|---|---|
 | |
| జననం | కాసుల ప్రతాపరెడ్డి 1962 జూలై 10 |
| సుపరిచితుడు/ సుపరిచితురాలు | రచయిత, పాత్రికేయుడు |
జీవిత విశేషాలు
మార్చురాంరెడ్డి, సత్తెమ్మ దంపతులకు 1962, జులై 10 వ తేదీన యాదాద్రి - భువనగిరి జిల్లా, రాజాపేట మండలం, బొందుగుల గ్రామంలో జన్మించాడు.[1] ఇతని ప్రాథమిక విద్య, ఉన్నత పాఠశాల విద్య స్వగ్రామంలోనే నడిచింది. ఇంటర్‌మీడియట్ హైదరాబాదు లోని ఆలియా కాలేజిలో చదివాడు. తరువాత సికందరాబాదు లోని సర్దార్ పటేల్ కాలేజిలో బి.ఎస్.సి. చదివాడు. అక్కడ తిరుమల శ్రీనివాసాచార్య ఇతని గురువు. డిగ్రీ అయిపోయిన తర్వాత ఉస్మానియా విశ్వవిద్యాలయం ఎం.ఎ తెలుగు సాహిత్యంలో చేరాడు. సి.నారాయణరెడ్డి, నాయని కృష్ణకుమారి, ఎస్వీ రామారావు, ఎల్లూరి శివారెడ్డి, సుమతీ నరేంద్ర ఎం.ఎ.లో ఇతని గురువులు. ఎం.ఎ. తరువాత "తెలుగు నవల- వ్యాపారధోరణి" అనే అంశంపై పరిశోధించి ఎంఫిల్ పట్టా సంపాదించాడు. ఆ తర్వాత ఉదయం దినపత్రికలో ఉపసంపాదకుడిగా ఉద్యోగం ప్రారంభించాడు. ప్రస్తుతం వన్ ఇండియా డాట్ కామ్‌లో తెలుగు విభాగానికి సంపాదకుడిగా ఎనిమిదేళ్ల పాటు పనిచేశారు. ప్రస్తుతం ఏషియానెట్ న్యూస్ తెలుగు వెబ్ సైట్ సంపాదకుడిగా పనిచేస్తున్నారు.
.jpg)
కాసుల ప్రతాపరెడ్డి సుప్రభాతం అసిస్టెంట్ ఎడిటర్ గా పనిచేస్తున్న కాలంతో పలువురు కొత్త రచయితలను ఆయన వెలుగులోకి తెచ్చారు. ఆయన రాసిన వెంటాడిన అవమానం కథ హైదరాబాద్ కేంద్రీయ విశ్వవిద్యాలయం లోనూ కాకతీయ విశ్వవిద్యాలయం లోనూ ఎం.ఎ విద్యార్థులకు పాఠ్యాంశంగా ఉంది. ఆయన సాహిత్యంపై కాకతీయ విశ్వవిద్యాలయంలో కాసుల ప్రతాపరెడ్డి సాహిత్యం: సమగ్ర విశ్లేషణ పేరుతో మద్దిరాల సత్యనారాయణ రెడ్డి పరిశోధన చేసి పిహెచ్ డి పట్టా పొందారు.
రచనలు
మార్చు- తెలుగు నవల- వ్యాపారధోరణి
- ఎల్లమ్మ ఇతర కథలు
- గుక్క దీర్ఘకవిత, ఇతర కవితలు
- తెలంగాణ తోవలు (సంపాదకత్వం)
- తెలంగాణ కథ -దేవులాట (సంపాదకత్వం)
- మే 31 (సంపాదకత్వం)
- ఇరుసు (వ్యాసాలు)
- భౌగోళిక సందర్భం (వ్యాసాలు)
- తెలంగాణ సందర్భాలు (వ్యాసాలు)
- తెలంగాణ రాష్ట్ర ఏర్పాటు- రాజకీయ, సాంస్కృతికోద్యమాలు (వ్యాసాల సంకలనం)
- తెలంగాణ సాహిత్యోద్యమాలు (వ్యాసాల సంకలనం) [2][3]
- కొమురం భీమ్ (మోనోగ్రాఫ్)
- జీవితమే ఉద్యమమై.. (శంకర్ గుహ నియోగి జీవితంపై అనువాదం)
- పడి లేచిన తెలంగాణ (అనువాదం)
- బోజ జంగయ్య (మోనో గ్రాఫ్)
- కొలుపు (సాహిత్య వ్యాసాలు)
పురస్కారాలు
మార్చు- ఎల్లమ్మ ఇతర కథలు పుస్తకానికి సురమౌళి అవార్డు
- 2013లో పొట్టి శ్రీరాములు తెలుగు విశ్వవిద్యాలయం వారి అబ్బూరి రామకృష్ణారావు – అబ్బూరి వరదరాజేశ్వరరావు కీర్తి పురస్కారం.
ఇతర లంకెలు
మార్చుమూలాలు
మార్చు- ↑ తెంపులేని దేవులాటే నా సాహిత్య విమర్శ: కాసుల ప్రతాపరెడ్డి
- ↑ నిజామాబాద్ న్యూస్ (November 24, 2015). "సాహితీ సర్జన్ ప్రతాపరెడ్డి". సంగిశెట్టి శ్రీనివాస్. Archived from the original on 22 ఏప్రిల్ 2016. Retrieved 27 July 2016.
- ↑ ఆంధ్రజ్యోతి, సాహిత్యం. "తెలంగాణ సాహిత్య చరిత్ర దిశగా..." Retrieved 27 July 2016.