ఖడ్గం (సినిమా)

ఖడ్గం 2002 లో కృష్ణవంశీ దర్శకత్వంలో విడుదలైన దేశభక్తి ప్రధాన చిత్రం. ఇందులో శ్రీకాంత్, రవితేజ, ప్రకాష్ రాజ్, సోనాలి బెంద్రే, సంగీత, కిమ్ శర్మ, షఫీ ప్రధాన పాత్రల్లో నటించారు. ఈ చిత్రాన్ని సుంకర మధుమురళి కార్తికేయ మూవీస్ పతాకంపై నిర్మించాడు. కృష్ణవంశీ, ఉత్తేజ్, సత్యానంద్ రచన చేశారు. దేవిశ్రీప్రసాద్ సంగీతం అందించాడు.

ఖడ్గం
దర్శకత్వం	కృష్ణవంశీ
రచన	కృష్ణవంశీ, సత్యానంద్, ఉత్తేజ్ (మాటలు)
నిర్మాత	సుంకర మధుమురళి
తారాగణం	మేకా శ్రీకాంత్ రవితేజ ప్రకాశ్ రాజ్
ఛాయాగ్రహణం	భూపతి
సంగీతం	దేవిశ్రీ ప్రసాద్
విడుదల తేదీ	2002 నవంబరు 29 (2002-11-29)
సినిమా నిడివి	144 నిమిషాలు
దేశం	భారతదేశం
భాష	తెలుగు

నవంబరు 29, 2002 లో విడుదలైన ఈ చిత్రం మంచి విజయాన్ని సాధించింది. ఐదు నంది పురస్కారాలను అందుకుంది.

కథ

కోటి సినిమా నటుడు కావాలని హైదరాబాదులో అడుగు పెడతాడు. అంజాద్ దైవభక్తి కలిగిన డ్రైవరు. మంచి దేశభక్తి కలవాడు. అతని తమ్ముడు అజర్ ఒక సంవత్సరం పాటు కనిపించకుండాపోయి ఉంటాడు. హైదరాబాదు పోలీసులు మసూద్ అనే తీవ్రవాదిని నిర్బంధిస్తారు. అతన్ని విడిపించడానికి పాకిస్థాన్ తీవ్రవాదులు అజహర్ కు శిక్షణ ఇచ్చి హైదరాబాదులో మతకలహాలు రేపడానికి పథకం వేస్తారు. అజర్ శిక్షణ తర్వాత ఏమీ ఎరగనట్లు వచ్చి తన అన్న అంజాద్ తో కలిసి నివాసం ఉంటూ జైలులో ఉన్న మసూద్ ని ఎలా విడుదల చేయాలో పథకాలు వేస్తుంటాడు.

రాధాకృష్ణ ఒక నిజాయితీ గల పోలీసు అధికారి. అతనికి పాకిస్థాన్ అంటే ద్వేషం. అందుకు కొన్ని వ్యక్తిగత కారణాలు ఉంటాయి. గతంలో అతని ప్రేయసి స్వాతిని ఐఎసై తీవ్రవాదులు చంపేసి ఉంటారు. కోటి, రాధాకృష్ణ, అంజాద్ లు కలిసి మసూద్ ని విడుదల చేసే పథకాన్ని ఎలా అడ్డుకున్నారన్నది మిగతా చిత్ర కథ.

తారాగణం

• కోటిగా రవితేజ
• రాధాకృష్ణగా శ్రీకాంత్
• అంజాద్ గా ప్రకాష్ రాజ్
• స్వాతిగా సోనాలి బెంద్రే
• సంగీత
• కిం శర్మ
• షఫీ
• పావలా శ్యామల
• ఉత్తేజ్
• పృథ్వీరాజ్
• బ్రహ్మాజీ
• సుబ్బరాజు
• రఘుబాబు
• ఎం. ఎస్. నారాయణ

బహుమతులు

సంవత్సరం	ప్రతిపాదించిన విభాగం	పురస్కారం	ఫలితం
2002	సుంకర మధు మురళి	సరోజినీ దేవి అవార్డు పొందిన జాతీయ సమైక్యతా చిత్రాలు	Won
	కృష్ణవంశీ	నంది ఉత్తమ దర్శకులు	Won
	ప్రకాష్ రాజ్	నంది ఉత్తమ సహాయనటులు	Won
	పి రంగా రావు	నంది ఉత్తమ కళా దర్శకులు	Won
	కిషోర్	నంది ఉత్తమ మేకప్ కళాకారులు	Won
	రవి తేజ	నంది విశేష పురస్కారం	Won
	కృష్ణవంశీ	ఫిల్మ్ ఫేర్ ఉత్తమ తెలుగు దర్శకులు	Won
	సంగీత	ఫిల్మ్ ఫేర్ ఉత్తమ తెలుగు సహాయ నటి	Won
	షఫీ	ఫిల్మ్ ఫేర్ ఉత్తమ తెలుగు విలన్	Won