చర్చ:నాయకత్వం

మార్పుల రద్దుపై స్పష్టత

సుజాతమ్మ గారు! నేను ఈ మధ్య నిర్వహణ పై వ్యాసాలు విస్తరిస్తున్న విషయం మీకు విదితమే. నా ప్రణాళిక లో తర్వాత విస్తరించవలసిన వ్యాసం Leadership, అనగా నాయకత్వం. ఇదివరకు ఈ వ్యాసానికి నేను చేర్చిన నిర్వహణ వర్గాన్ని, నిర్వహణ మూసని మీరు రద్దు చేశారు. కారణం తెలియజేస్తే, నాయకత్వం (నిర్వహణ) పేరుతో నేను వేరే వ్యాసాన్ని ప్రారంభిస్తాను. మరొక విధంగా అనుకోకండి. కేవలం స్పష్టత కోసమే ఈ సందేశాన్ని పంపుతున్నా గానీ, వేరే ఎటువంటి దురుద్దేశ్యం తో కాదు. ధన్యవాదాలు - శశి (చర్చ) 17:05, 19 జూలై 2015 (UTC)

శశిధర్ గరూ!

నేను టచ్ స్క్రీన్‌లో పనిచేస్తుంటాను కనుక ఇలాంటి పొరపాట్లు దొర్లుతున్నాయి. ఇది నేను ప్రయత్నపూర్వకంగా చేసినది కాదు. పొరపాటు జరిగినప్పుడు వెంటంనే సరిచేస్తుంటాను. ఇది నేను గమనించ లేదు. శశి గారూ నాణ్యమైన వ్యాసాలు తయారుచేయగలిగిన వారిలో మీరు ఒక్కరు. మీరు చేసే మార్పులు ఏవీ రద్దు చేయతగినవి కాదు. ఆసక్తికరమైన విషయాలు వ్రాసే మీ దిద్దుబాట్లు రద్దు చేయాలనే అనిపించదు. మీరు మీ పని ఎప్పటిలా కొనసాగించండి. మీకు నాపట్ల దురుద్దేశం అసలు ఉండదని నాకు బాగా తెలుసు. --t.sujatha (చర్చ) 02:30, 20 జూలై 2015 (UTC)

ధన్యవాదాలు సుజాతమ్మ గారు! పొరబాటే అయి ఉంటుందని నేను కూడా అనుకొన్నాను. అది నిర్ధారణ చేసుకొనటానికే ఈ సందేశం పంపాను. నా వ్యాసాలపై మీకున్న నమ్మకానికి కృతజ్ఞతలు. దీనిని నేను విస్తరిస్తాను. సెలవులకి ఇంటికి బంధువులు రావటంతో మీ ఫోన్ కాల్ ని అందుకోలేకపోయాను. క్షమించండి - శశి (చర్చ) 09:26, 20 జూలై 2015 (UTC)

వ్యాసము ప్రారంభ కాలము

ఈ వ్యాసము ప్రారంభించి తేదీ 20 ఫిబ్రవరి 2014‎, ఒక పేరా పూర్తి చేయగలిగినారు. ఈ వ్యాసము మీద తదుపరి చర్యలు ఏ విధముగా తీసుకోవచ్చునో అనుభవము ఉన్నవారు తెలియజేయగలరు. వేరొకరు ఈ పేరుతో వ్యాసము వ్రాయలేరు. వ్రాసినా ఇందులోనే వ్రాయలి కదా ! కొత్తగా వ్రాయాలనుకునేవారు, వారే వ్యాసనామ శంఖుస్థాపన కార్యక్రమము చేయాలనుకునే వారికి కాస్త ఇబ్బందే. ఇలాంటి వ్యాసముల మీద మనము మరో కోణములో నిర్ణయము ఆలోచించితే భవిష్యత్తులో సమస్యలు ఉత్పన్నము కావేమో అని నా అభిప్రాయము. JVRKPRASAD (చర్చ) 04:20, 20 జూలై 2015 (UTC)

పితృసమానులైన JVRKPRASADగారూ! నాయకత్వం విషయంలో నేను ఓహో పోటుగాడినని చెప్పను కానీ, సాఫ్టువేర్ రంగంలో పలు రకాల నాయకులని నా కళ్ళతో చూశాను. "ఈ క్షణం నుండే మన జట్టు కష్టపడి పని చేయాలి, ఇది నాయకుడిగా నాతోనే మొదలవుతుంది!" అని చెప్పే నిఖార్సైన నాయకులని చూశాను. "నీకు కావలసినంత అధికారం తీసుకో, నీకు కావలసిన వనరులని అడుగు, దినాంతానికి పని మాత్రం అసంపూర్తిగా ఉండకూడదు." అని మానవీయ కోణంలో తరచే నాయకులని చూశాను. "చచ్చైన పో! కానీ చచ్చే ముందు పని పూర్తి చేసి చావు!!" అనే కర్కోటక నాయకులని చూశాను. దీనికి తోడుగా MBAలో నేను నాయకత్వం పై చదువుకొన్న పాఠాలు ఎలాగూ నా జ్ఞాపకాల దొంతర్లలో ఉండిపోయాయి, వాటిని కూడా వెలికితీస్తాను. ప్రారంభం మాత్రం ఆంగ్ల వ్యాస అనువాదంతో చేస్తాను. నిర్వహణ కోణంలోనే కాక, మరే విధంగా (ఉదా:రాజకీయ నాయకత్వం, క్రీడారంగంలో నాయకత్వం వంటివి) ఎవరైననూ ఈ వ్యాస విస్తరణకి తోడ్పడగలిగిననూ ఎల్లవేళలా స్వాగతం. "ఈ క్షణం నుండే నేను ఈ పనిని మొదలుపెడుతున్నాను." :-) - శశి (చర్చ) 09:26, 20 జూలై 2015 (UTC)

శశి గారికి, ధన్యవాదములు. JVRKPRASAD (చర్చ) 11:54, 20 జూలై 2015 (UTC)