చింతల రామచంద్రా రెడ్డి

చింతల రామచంద్రా రెడ్డి ఆంధ్రప్రదేశ్ రాష్ట్రానికి చెందిన రాజకీయ నాయకుడు. ఆయన 2019లో జరిగిన అసెంబ్లీ ఎన్నికల్లో పీలేరు నియోజకవర్గం నుండి ఎమ్మెల్యేగా గెలిచాడు.

చింతల రామచంద్రా రెడ్డి
ఎమ్మెల్యే
ప్రస్తుత పదవిలో
అధికార కాలం 23 మే 2019 - ప్రస్తుతం
ముందు	దిరిశం ప‌ద్మ‌జ్యో‌తి
నియోజకవర్గం	పీలేరు నియోజకవర్గం
వ్యక్తిగత వివరాలు
జననం	13 సెప్టెంబర్ 1962 వాయల్పాడు, వాల్మీకిపురం మండలం, చిత్తూరు జిల్లా, ఆంధ్రప్రదేశ్
జాతీయత	భారతీయుడు
రాజకీయ పార్టీ	వైఎస్సార్ కాంగ్రెస్ పార్టీ
జీవిత భాగస్వామి	నీరజమ్మ
సంతానం	సాయికృష్ణారెడ్డి చింతల
పూర్వ విద్యార్థి	బీఏ

జననం, విద్యాభాస్యం

చింతల రామచంద్రా రెడ్డి ఆంధ్రప్రదేశ్ రాష్ట్రం, చిత్తూరు జిల్లా, వాల్మీకిపురం మండలం, వాయల్పాడు లో 13 సెప్టెంబర్ 1962లో జన్మించాడు. ఆయన బీఏ వరకు చదువుకున్నాడు.

రాజకీయ జీవితం

చింతల రామచంద్రా రెడ్డి తెలుగుదేశం పార్టీ ద్వారా రాజకీయాల్లోకి వచ్చి 1987లో వాయల్పాడు ఎమ్మెల్యేగా ఉన్న నల్లారి అమరనాథ రెడ్డి మరణించడంతో 1988లో వాయల్పాడు అసెంబ్లీ నియోజకవర్గానికి జరిగిన ఉపఎన్నికలలో టీడీపీ అభ్యర్థిగా పోటీచేసి కాంగ్రెస్ అభ్యర్థి నల్లారి సరోజమ్మ పై గెలిచి తొలిసారి ఎమ్మెల్యేగా అసెంబ్లీకి ఎన్నికయ్యాడు. ఆయన 1989లో ఎన్నికల్లో ఓటమిపాలై, తిరిగి 1994లో జరిగిన ఎన్నికల్లో రెండోసారి ఎమ్మెల్యేగా ఎన్నికయ్యాడు. రామచంద్రా రెడ్డి 1999లో ఓటమిపాలై 2004 , 2009 ఎన్నికలకు దూరంగా ఉన్నాడు. 2008లో జరిగిన నియోజకవర్గాల పునర్విభజనలో భాగంగా వాయల్పాడు నియోజకవర్గం పీలేరు నియోజకవర్గం లో విలీనమైంది.

రామచంద్రా రెడ్డి 2014లో పీలేరు నియోజకవర్గం నుండి వైసీపీ తరుపున పోటీ చేసి జై సమైక్యాంధ్ర పార్టీ అభ్యర్థి నల్లారి కిషోర్ కుమార్ రెడ్డి పై ఎమ్మెల్యేగా గెలిచాడు. ఆయన 2019లో జరిగిన ఎన్నికల్లో 7,874 ఓట్ల మెజారిటీతో నాల్గొవసారి ఎమ్మెల్యేగా గెలిచాడు.