జయతి భాటియా
జయతి భాటియా (జననం 1970 జూలై 28) ఒక భారతీయ నటి.[1] కలర్స్ టీవిలో ప్రసారమైన భారతీయ టెలివిజన్ ధారావాహికలలో ఒకటైన ససురల్ సిమర్ కా (2011–2018)లో నిర్మలా "మాతాజీ" భరద్వాజ్ పాత్రకు ఆమె బాగా ప్రసిద్ధి చెందింది. ఆమె ససురల్ సిమర్ కా 2 (2021–2023)లో గీతాంజలి గోపీచంద్ ఓస్వాల్‌గా కూడా నటించింది.
జయతి భాటియా | |
|---|---|
 2013లో జయతి భాటియా | |
| జననం | జయతి ఛటర్జీ 1970 జూలై 28 |
| వృత్తి | నటి |
| సుపరిచితుడు/ సుపరిచితురాలు | ససురల్ సిమర్ కా |
| జీవిత భాగస్వామి | కిరణ్ భాటియా |
| తల్లిదండ్రులు |
|
| బంధువులు | సూరజీత్ ఛటర్జీ (సోదరుడు) మితుల్ ఛటర్జీ (సోదరి) |
వ్యక్తిగత జీవితం
మార్చునిజానికి బెంగాలీ అయిన జయతి భాటియా భారతదేశంలోని ఒడిషాలో చోబా ఛటర్జీకి జయతి ఛటర్జీగా జన్మించింది, కానీ ఆమె ఒక నెల వయస్సులో ఢిల్లీకి మారింది.[2] చిన్నతనంలో, ఆమె క్లాసికల్ ఒడిస్సీలో శిక్షణ పొందింది, కానీ పాశ్చాత్య నృత్య రూపాలు తనకు కష్టమని అంటుంది.[3] జయతి భాటియాకు ఇద్దరు తోబుట్టువులు ఒక సోదరుడు సూరజీత్ ఛటర్జీ, ఒక సోదరి మితుల్ ఛటర్జీ ఉన్నారు.
ఆమె తన మొదటి నాటకంలో తన భర్త కిరణ్ భాటియాను కలిసింది. థియేటర్ సర్క్యూట్‌లో మరింత చురుకుగా ఉండమని అతనిచే ప్రోత్సహించబడింది. ఏప్రిల్ 2017లో, ససురల్ సిమర్ కా సెట్స్‌కి వెళుతుండగా, కిరణ్ భాటియా వాగ్వాదానికి దిగాడు.[4] అయితే, ఆమెకు తన అత్తగారు మద్దతు ఇచ్చారని, అలాగే తన విజయానికి కూడా చాలా సహకరించిందని చెప్తుంది.[5]
జయతి భాటియా ఎల్జీబీటీ (లెస్బియన్, గే, బైసెక్సువల్, ట్రాన్స్ జెండర్) హక్కులకు మద్దతుదారుగా నలిచింది.[6]
ఆమె తల్లి, చోబా ఛటర్జీ (1947 జూన్ 21 - 2022 మే 26) 74 సంవత్సరాల వయస్సులో 2022లో మరణించింది.
కెరీర్
మార్చుఆమె 1995లో ఖుష్నుమాగా ఛాలెంజ్‌తో హిందీ టెలివిజన్ పరిశ్రమలోకి అడుగుపెట్టింది.[7] స్టార్ ప్లస్‌లోని టు తు మెయిన్ మెయిన్ అనే సిట్‌కామ్‌లో, ఆమె కుముద్‌ను వ్రాసింది.[8] అనేక సహకారాలలో మొదటిది, ఆమె కన్యాదాన్‌లో నిర్మాత ఏక్తా కపూర్‌తో జతకట్టింది. ఆమె నిర్మించిన ఇతిహాస్‌లో చిన్న పాత్ర పోషించింది.[9]
జీ టీవీలో కైసే కహూన్‌లో అరుణ్ గోవిల్ పాత్రకు భార్యగా ఆమె నటించింది.[10] ఆమె తదుపరి మూడు ప్రాజెక్టులను ఏక్తా కపూర్ నిర్మించింది. వీటిలో, మొదటిది హాస్య నాటకం కిత్నే కూల్ హై హమ్,[11] రెండవది సోనీ టీవీ కుటుంబ్, ఇందులో ఆమె పురుష ప్రధాన అత్త కవితా మిట్టల్‌గా నటించింది.[12] ఇక మూడవది, ఆమె 2003 నుండి 2006 వరకు మూడు సంవత్సరాల పాటు కల్ట్ క్లాసిక్ డైలీ సోప్ కసౌతి జిందగీ కేలో గీతు బసు పాత్రను పోషించింది.
2003లో, సోనీ టీవీలో జస్సీ జైస్సీ కోయి నహిన్‌లో ఆమె టైటిల్ లీడ్ స్నేహితురాలు బిండియాగా చేసింది. 2005లో, ఆమె జీ టీవీలో సిందూర్ తేరే నామ్ కాలో తిత్లీగా నటించింది.[13] జీ టీవి మరొక వెంచర్ మమతలో, ఆమె 2006 నుండి 2007 వరకు మిష్టిగా నటించింది.
ఆమె హిందీ సినిమా దిగ్గజం శ్రీధర్ రంగయాన్ దర్శకత్వం వహించిన 68 పేజెస్ తో తన చలనచిత్ర జీవితాన్ని ప్రారంభించింది. ఎయిడ్స్ మహమ్మారిపై అవగాహన కథాంశంగా వచ్చిన ఈ చిత్రంలో, ఆమె వాణిజ్య సెక్స్ వర్కర్ పాయల్‌గా నటించింది.[14] ఇది కేరళలోని ఇంటర్నేషనల్ ఫిల్మ్ ఫెస్టివల్‌లో ప్రపంచవ్యాప్తంగా ప్రదర్శించబడింది. అలాగే, అనేక అంతర్జాతీయ ఫిల్మ్ ఫెస్టివల్స్‌లో ప్రదర్శించబడింది. ఆమె 2007 నుండి 2008 వరకు సోనీ టీవి రోమ్-కామ్ కుచ్ ఈజ్ తారాలో పమ్మీ గాడ్‌బోలే పాత్రను పోషించింది. ఆమె కెరీర్‌లో మొదటిసారిగా, సహారా వన్ డ్యాన్స్ టెలివిజన్ సిరీస్ సాస్ v/s బహులో పోటీదారుగా పాల్గొని నెగ్గింది.[15]
2009లో, స్టార్ ప్లస్ సబ్కి లాడ్లీ బెబోలో ఆమె గుర్షీల్ మల్హోత్రా పాత్రను పోషించింది.[16] ఆమె రెండవ చిత్రం, రాజా కృష్ణ మీనన్ బ్లాక్ కామెడీ బరాహ్ ఆనా, అదే విడుదలైంది.[17] 2010 నుండి 2011 వరకు ఆమె స్టార్ ప్లస్ ససురల్ గెండా ఫూల్‌లో మంజు అనే పాత్రలో నటించింది.[18] రోనిత్ రాయ్, స్మితా సింగ్ హోస్ట్ చేసిన వంటల ఆధారిత రియాలిటీ షో కిచెన్ ఛాంపియన్ నాల్గవ సీజన్‌లో ఆమె మొదటి ప్రాజెక్ట్ 2011లో పోటీదారుగా చేరి, ఫైనల్‌లో షో విజేతగా నిలిచింది.[19]
ఏప్రిల్ 2011లో, ఆమె కలర్స్ టీవి సోప్ ఒపెరా ససురాల్ సిమర్ కాలో తన కెరీర్‌లో అతిపెద్ద విజయాన్ని సాధించింది. ఆమె భరద్వాజ్ కుటుంబానికి మాతృమూర్తి అయిన నిర్మల "మాతాజీ" భరద్వాజ్‌గా నటించింది. ఈ కార్యక్రమం టీఆర్పీ చార్ట్‌లలో అత్యధిక రేటింగ్ పొందిన టెలివిజన్ షోలలో ఒకటిగా నిలిచింది. అలాగే, ఇది ఏడు సంవత్సరాల పాటు విజయవంతంగా ప్రసారమై అత్యధిక కాలం కొనసాగిన భారతీయ టెలివిజన్ ధారావాహికలలో ఒకటిగా నిలిచి మార్చి 2018లో ముగిసింది.
ససురాల్ సిమార్ కా షూట్‌తో పాటు, ఆమె జూన్ 2012లో రియాల్టీ షో ఝలక్ దిఖ్లా జా ఐదవ సీజన్‌లో పాల్గొంది, కానీ ఆ తర్వాతి నెలలోనే ఆమె ఎలిమినేట్ చేయబడింది. ఆ సంవత్సరం ఆమె అనురాగ్ బసు కామెడీ-డ్రామా బర్ఫీలో నటి ఇలియానా పాత్రకు గాత్రదానం చేసింది. ఈ చిత్రం ₹175 కోట్లకు పైగా ప్రపంచ ఆదాయాలతో పెద్ద ఆర్థిక విజయాన్ని సాధించింది.
ససురల్ సిమర్ కా షూట్‌లో ఆమె నటించింది. అనంత్ నారాయణ్ మహదేవన్ ఫీచర్ ఫిల్మ్ రఫ్ బుక్, రియాలిటీ కామెడీ సిరీస్ కామెడీ నైట్స్ బచావోలోనూ చేసింది.[20] 2017లో, ఆమె ది విషింగ్ ట్రీ చిత్రంలో నటించింది.[21]
మార్చి 2018లో ససురల్ సిమర్ కా ముగిసిన వెంటనే, ఆమె స్టార్ ప్లస్ నామ్‌కరన్‌లో విరోధి కామినీ కపూర్‌గా చేసింది. ధారావాహిక రెండు నెలల తర్వాత, మే 2018లో ముగిసింది.[22] ఆగస్ట్ 2018లో, ఆమె కలర్స్ టీవీ ఇంటర్నెట్ వాలా లవ్‌లో రూపా మిట్టల్, మరొక విరుద్ధమైన పాత్రను మార్చి 2019లో ముగిసే వరకు పోషించింది.[23] ఓటీటీ ప్లాట్‌ఫారమ్ జీ5లో ప్రసారమైన భయానక-కామెడీ భూత్ పూర్వతో ఆమె 2019లో తన డిజిటల్ రంగ ప్రవేశం చేసింది.[24]
2020లో, ఆమె మొదటి వెబ్ సిరీస్ ప్రాజెక్ట్ తాన్సెనర్ తాన్‌పురా ఓటీటీ ప్లాట్‌ఫారమ్ హోయిచోయ్‌(Hoichoi)లో ప్రదర్శించబడింది.[25] ఆగస్ట్ 2020 నుండి జనవరి 2021 వరకు ఆమె స్టార్ ప్లస్ రోమ్-కామ్ లాక్‌డౌన్ కి లవ్ స్టోరీలో నూతన్ జైస్వాల్‌గా చేసింది. ఓటీటీ ప్లాట్‌ఫారమ్ సోనీలివ్(SonyLIV)లో డిజిటల్‌గా ప్రసారం చేయబడిన గర్ల్స్ హాస్టల్ వెబ్ సిరీస్ రెండవ సీజన్‌లో, ఆమె డీన్‌గా నటించింది.
జయతి భాటియా ససురల్ సిమర్ కా 2లో గీతాంజలి గోపీచంద్ ఓస్వాల్‌గా నటించింది, ఇది కలర్స్ టీవీ, వూట్‌(voot)లలో 2021 ఏప్రిల్ 26న ప్రీమియర్ చేయబడి 2023 ఏప్రిల్ 7న ముగిసింది.[26]
మూలాలు
మార్చు- ↑ "Jayati Bhatia On Her New Glamorous & Fashionable Character In 'Internet Wala Love'". Times Now News (in బ్రిటిష్ ఇంగ్లీష్). 2018-08-22. Retrieved 2019-07-14.
- ↑ "Jayati Bhatia: The Glistening Star of Indian Television". Darpan Magazine. 31 July 2013.
- ↑ "All Western dances are difficult for me: Jayati Bhatia". Times of India. 15 June 2012.
- ↑ "Sasural Simar Ka's Mataji aka Jayati Bhatia's husband gets beaten up". Pinkvilla. 8 April 2017. Archived from the original on 11 జూలై 2019. Retrieved 14 మార్చి 2024.
- ↑ "Jayati Bhatia owes her success to real life mom-in-law". Zee News India. 10 May 2013.
- ↑ "Annual LGBTQ film festival kick-starts in Mumbai". Times of India. 24 May 2018.
- ↑ "Jayati Bhatia: The Glistening Star of Indian Television". Darpan Magazine. 31 July 2013.
- ↑ "All Western dances are difficult for me: Jayati Bhatia". Times of India. 15 June 2012.
- ↑ "Sasural Simar Ka's Mataji aka Jayati Bhatia's husband gets beaten up". Pinkvilla. 8 April 2017. Archived from the original on 11 జూలై 2019. Retrieved 14 మార్చి 2024.
- ↑ "Jayati Bhatia owes her success to real life mom-in-law". Zee News India. 10 May 2013.
- ↑ "Annual LGBTQ film festival kick-starts in Mumbai". Times of India. 24 May 2018.
- ↑ "Tu Tu Main Main: The sitcom about love and hate between saas-bahu". Hindustan Times. 11 November 2016.
- ↑ "Sasural Simar Ka going off-air; actors who were a part of it". Times of India. 3 September 2017.
- ↑ "Sasural Simar Ka's Jayati Bhatia aka Mataji to enter Naamkarann". Times of India. 19 March 2018.
- ↑ "Mohit Malik on working with 'inspiration' Jayati Bhatia: I had ..." The Times of India. 19 August 2020.
- ↑ "Khatijabai of Karmali Terrace". The Hindu. 21 July 2010.
- ↑ "Jayati Bhatia performs mono-acting at its best". Times of India. 11 November 2016.
- ↑ "Theatre Review: The Vagina Monologues". Times of India. 18 May 2012.
- ↑ "This play addresses pressing issues with a hint of humour". Hindustan Times. 30 January 2017.
- ↑ "Theatre Review: Mughal-e-Azam". Times of India. 13 January 2017.
- ↑ "'The Wishing Tree': Good intention bad execution (IANS Review, Rating: *1/2)". Business Standard. 9 June 2017.
- ↑ "Naamkarann: Sasural Simar Ka's Mataji aka Jayati Bhatia enters the show". India Today (in ఇంగ్లీష్). Retrieved 2019-07-14.
- ↑ "Jayati Bhatia On Her New Glamorous & Fashionable Character In 'Internet Wala Love'". Times Now News (in బ్రిటిష్ ఇంగ్లీష్). 2018-08-22. Retrieved 2019-07-14.
- ↑ "Lillete Dubey: A lukewarm greeting". Livemint. 3 November 2017.
- ↑ "Lillette Dubey and Jayati Bhatia perform their play Salaam Noni Appa in Delhi". Times of India. 30 January 2018.
- ↑ "Television helps me do theatre: Jayati Bhatia". Times of India. 7 November 2017.