తాసిల్దార్ (సినిమా)
తాసిల్దార్ 1944 సంవత్సరంలో విడుదలై ఆర్థికంగా ఘన విజయం సాధించిన తెలుగు సినిమా. దీనిని జగదీష్ పతాకంపై దర్శకుడు వై.వి.రావు నిర్మించాడు. బలిజేపల్లి లక్ష్మీకాంతం, కమల కొట్నిస్, పి.భానుమతి, చదలవాడ నారాయణరావు మొదలగు వారు నటించిన ఈ చిత్రానికి సంగీతం, హెచ్. ఆర్. పద్మనాభ శాస్త్రి సమకూర్చారు.
| తాసిల్దార్ (1944 తెలుగు సినిమా) | |
 | |
|---|---|
| దర్శకత్వం | వై.వి.రావు |
| నిర్మాణం | వై.వి.రావు |
| కథ | వై.వి.రావు |
| తారాగణం | భానుమతి (కమల పాత్ర), డి.హేమలతాదేవి, కమల కోట్నిస్ (రజని పాత్ర), బలిజేపల్లి లక్ష్మీకాంతం, చదలవాడ నారాయణరావు, బి.ఆర్.పంతులు, బెజవాడ రాజారత్నం, వై.వి.రావు, ఎమ్.ఎస్.రామారావు |
| సంగీతం | హెచ్.ఆర్.పద్మనాభశాస్త్రి |
| గీతరచన | బలిజేపల్లి లక్ష్మీకాంతం, నండూరి సుబ్బారావు |
| సంభాషణలు | బలిజేపల్లి లక్ష్మీకాంతం |
| ఛాయాగ్రహణం | పురుషోత్తమ్ |
| నిర్మాణ సంస్థ | జగదీష్ |
| భాష | తెలుగు |
| ఐ.ఎమ్.డీ.బి పేజీ | |
సంక్షిప్త చిత్రకథ
మార్చుహీరో నరసయ్య ఒక తహసీల్దారు (నారాయణరావు). సామాన్య కుటుంబానికి చెందిన కమల (భానుమతి) ని పెళ్ళిచేసుకుంటాడు. ఆమె ఫ్యాషన్లకు, ఇంగ్లీషు భాషకు దూరం. లేనిపోని ఆడంబరాలకు పోయే తాసిల్దార్ తన పేరు తారాలేగా మార్చుకొని పాశ్చాత్య నాగరికతతో ప్రభావితమైన రజని (కమలా కోట్నిస్) పట్ల ఆకర్షితుడౌతాడు. ఒక ఫంక్షన్ లో కమల మన సాంప్రదాయం ప్రకారం ప్రవర్తించడంతో నవ్వుల పాలైన తాసిల్దార్ రజనిని రెండో భార్యగా ఇంటికి తీసుకొస్తాడు. అక్కడినుండి ఇద్దరు భార్యల మధ్య ఘర్షణ మొదలౌతుంది. డబ్బుపట్ల మోజుతో హీరో పంచన చేరిన రజనివల్ల తాసిల్దార్ ప్రభుత్వపరమైన చిక్కుల్లో పడతాడు. తర్వాత కామేశం (వై.వి.రావు) అనే స్నేహితుని హితబోధతో కళ్ళు తెరిచి పొరపాటును గ్రహించిన తాసిల్దార్ భార్య విలువను గుర్తిస్తాడు.
తారాగణం
మార్చు- చదలవాడ నారాయణరావు
- పాలువాయి భానుమతి
- కమల కొట్నీస్
- డి.హేమలత దేవి
- బలిజేపల్లి లక్ష్మీకాంతం
- బి.ఆర్.పంతులు
- బెజవాడ రాజారత్నం
- వై.వి.రావు
- ఎం.ఎస్.రామారావు
- త్రిపుర సుందరి
సాంకేతిక వర్గం
మార్చు- దర్శకుడు:యరగుడిపాటి వరదారావు
- కధ, నిర్మాత: వై.వి.రావు
- గీత రచయితలు: నండూరి సుబ్బారావు , బలిజేపల్లి లక్ష్మీకాంతం
- మాటలు: బలిజేపల్లి లక్ష్మీకాంతం
- గాయనీ గాయకులు: కె.జమునారాణి, ఎం.ఎస్.రామారావు, పి.భానుమతి, కమలా కోట్నీస్
- సంగీతం: హెచ్.ఆర్.పద్మనాభ శాస్త్రి
- ఛాయా గ్రహణం: పురుషోత్తం
- నిర్మాణ సంస్థ: జగదీష్ ఫిలింస్
- విడుదల:14:12:1944
పాటలు
మార్చు- అహా ఏమందునే చినవదినా నీ నిక్కు నీ టెక్కు - కె. జమునారాణి
- ఈ రేయి నన్నొలనేరవా రాజా యెన్నెలల సొగసంతా (యెంకి పాట) - ఎం. ఎస్. రామారావు
- మావారు తాసిల్దార్ కొదువలు తీరె కోరికలూరె - పి.భానుమతి
- ప్రేమలీలా మోహనకలశి చేకొనుమా కలశి - ఎం. ఎస్. రామారావు
- చిన్నారి చిలుకవే నా గౌరి అల్లారు బంగారు గౌరి - - పి.భానుమతి, ఎం.ఎస్.రామారావు
- పట్నం పోయి నీకు నేను పట్టుచీర తెస్తినే కట్టుకుంటే- పి.భానుమతి
- భారతీయ గృహనారి ఆహా పరమ ధర్మ సహచారి- పి.భానుమతి
- సుఖదాయి సదారేయీ పున్నమి వెన్నెల హాయి - ఎం.ఎస్.రామారావు, కమలా కొట్నీస్
- వగపేల విధి గతికి జీవా స్వప్న కథాగతి కదా-
- వలదే వలదే ఓ మనసా తాలిమి కోల్పోవలదే-
- ఆనందమానందమే మహానందమానందమే - పి.భానుమతి, ఎం.ఎస్.రామారావు.
మూలాలు
మార్చు- నాటి 101 చిత్రాలు, ఎస్.వి.రామారావు, కిన్నెర పబ్లికేషన్స్, హైదరాబాదు, 2006.
- ఘంటసాల గళామృతము, కొల్లూరి భాస్కరరావు బ్లాగ్.
బయటి లింకులు
మార్చు