తోడూ నీడా (1965 సినిమా)

తోడూ నీడ 1965 మే 12 న విడుదల.ఆదుర్తి సుబ్బారావు దర్శకత్వంలో,నందమూరి తారక రామారావు, భానుమతి , జమున, ఎస్.వి రంగారావు, నాగయ్య ముఖ్య పాత్రలు పోషించారు .సంగీతం కె వి మహదేవన్ అందించారు.

తోడూ నీడా (1965 తెలుగు సినిమా)
దర్శకత్వం	ఆదుర్తి సుబ్బారావు
నిర్మాణం	ఎన్.ఎన్.భట్, ఎ. రామిరెడ్డి
తారాగణం	నందమూరి తారక రామారావు, పి.భానుమతి, ఎస్.వి. రంగారావు, జమున, నాగయ్య, గీతాంజలి
సంగీతం	కె.వి.మహదేవన్
నిర్మాణ సంస్థ	విజయ భట్ మూవీస్
భాష	తెలుగు
ఐ.ఎమ్.డీ.బి పేజీ

కథ

దయామయుడైన ధర్మారావుకు రాజా అనే కుమారుడు, రాధ అనే కుమార్తె ఉంటారు. రాజా తన క్లాస్‌మేట్ రాణిని వివాహం చేసుకుంటారు. ధర్మరావు తన కుమార్తెను గోపీకి ఇచ్చి పెళ్లి చేస్తాడు. రాధ తన కూతురును పట్టించుకోకపోవడంతో ఆ పాప రాధ, గోపీలకు చేరువ అవుతుంది. వారిని అమ్మ, నాన్న అని పిలుస్తూ వుంటుంది. అది రాణి తండ్రి నాగరాజుకు కంటగింపుగా వుంటుంది. ఆ చిన్నారి పాప ధర్మారావు ఆస్తికి వారసురాలు అనే విషయం బాగా తెలిసిన నాగరాజు రాధ,గోపీలను విడగొట్టడానికి ప్రయత్నించి సఫలీకృతుడౌతాడు. గోపీ క్రుంగిపోతాడు. చివరకు కలెక్టరు ఆనందరావు కుమార్తె, రాధ స్నేహితురాలు లక్ష్మిని వివాహం చేసుకుంటాడు. కానీ అతడు రాధను మరిచిపోలేక పోతాడు. లక్ష్మిని తన జీవితంలోనికి ఆహ్వానిచలేక పోతాడు. అయితే లక్ష్మి అతని మనసును, పాప మనసును ఎలా గెలుచుకున్నది అనేది మిగతా కథ.

పాటలు

1. అత్త ఒడి పువ్వువలె మెత్తనమ్మ ఆదమరచి హాయిగా ఆడుకోమ్మా ఆడుకొని ఆడుకొని అలసిపోతివా అలుపు తీర బజ్జో మా అందాల బొమ్మా - పి.సుశీల, రచన: ఆత్రేయ
2. ఎందులకీ కన్నీరు, ఎందుకిలా వున్నారు, నేనేమైపోయాను వున్నాను నీడై వున్నాను - పి.సుశీల , రచన: ఆత్రేయ
3. అత్త ఒడి పూవువలె మెత్తనమ్మా ఆదమరచి హాయిగా ( బిట్) - పి. భానుమతి, రచన: ఆత్రేయ
4. జో ఆచ్యుతానందా జోజో ముకుందా..అత్త ఒడి పూవువలె మెత్తనమ్మా - పి. భానుమతి, రచన:ఆత్రేయ
5. మళ్ళున్నా మాన్యాలున్నా మంచెమీద మగువుండాలి - సుశీల,ఘంటసాల, రచన: ఆత్రేయ
6. వలపులోని చిలిపితనం ఇదేలే నీ చెలిమిలోని గట్టి సిగ్గు అదేలే - పి.బి. శ్రీనివాస్, ఎస్.జానకి, రచన: ఆత్రేయ
7. వెన్ ఐ వజ్ జెస్ట్ యె లిటిల్ గర్ల్ ( ఇంగ్లీష్ పాట ) - పి. భానుమతి , రచన: ఆత్రేయ
8. ఎన్నో రాత్రులు వస్తాయి కానీ, పి.భానుమతి, రచన: ఆత్రేయ.

మూలాలు, వనరులు

• ఘంటసాల గళామృతము బ్లాగు - కొల్లూరి భాస్కరరావు, ఘంటసాల సంగీత కళాశాల, హైదరాబాద్ - (చల్లా సుబ్బారాయుడు సంకలనం ఆధారంగా)
• డి.వి.వి.ఎస్.నారాయణ సంకలనం చేసిన మధుర గాయని పి.సుశీల మధుర గీతాలు, జె.పి.పబ్లికేషన్స్, విజయవాడ, 2007.