పాతూరి రాజగోపాల నాయుడు

పాతూరి రాజగోపాల నాయుడు (1920 ఏప్రిల్ 5 – 1997 సెప్టెంబరు 21) ఆంధ్రప్రదేశ్, చిత్తూరు జిల్లాకు చెందిన స్వాతంత్ర్య సమర యోధుడు. మాజీ పార్లమెంటు సభ్యుడు. రైతు నాయకుడు. సాహితీవేత్త. సంఘసంస్కర్త, రచయిత. ఈయనను రాజన్న అని కూడా అంటారు.

పాతూరి రాజగోపాలనాయుడు
జననం	(1920-04-05)1920 ఏప్రిల్ 5 దిగువమాఘం
మరణం	1997 సెప్టెంబరు 21(1997-09-21) (వయసు 77)
వృత్తి	రాజకీయ నాయకుడు, రచయిత
పిల్లలు	[[గల్లా అరుణకుమారి]]

రాజకీయ జీవితం

రాజగోపాల నాయుడు, 1955లో తవనంపల్లె శాసనసభ నియోజకవర్గం నుండి కృషీకార్ లోక్ పార్టీ అభ్యర్ధిగా పోటీ చేసి, ఆంధ్ర రాష్ట్ర శాసనసభకు ఎన్నికయ్యాడు. 1962లో అదే నియోజకవర్గం నుండి స్వతంత్ర పార్టీ అభ్యర్ధిగా గెలిచి సమైఖ్య ఆంధ్రప్రదేశ్ రాష్ట్ర శాసనసభకు ఎన్నికయ్యాడు. రాజన్న ఆ తర్వాత కాంగ్రేసు పార్టీలో చేరి, ఆ పార్టీ తరపున చిత్తూరు లోక్‌సభ నియోజకవర్గం నుండి వరుసగా రెండు సార్లు లోక్ సభకు ఎన్నికయ్యారు. 6 వ లోక్ సభకు 1977-1980 మధ్య కాలంలోనూ, 7 వ లోక్ సభకు 1980-1984 మధ్య కాలంలో వీరు పార్లమెంటు సభ్యునిగా వ్యవహరించారు.

సంతానము

ఈయన కుమార్తె [[గల్లా అరుణ కుమారి]] కూడా రాజకీయ నాయకురాలే. కాంగ్రెస్, తెలుగుదేశం పార్టీ తరపున ఆంధ్రప్రదేశ్ శాసనసభకు ప్రాతినిథ్యం వహించింది. ఈమె వ్యాపారవేత్త [[గల్లా రామచంద్ర నాయుడు]]ని వివాహమాడింది. వీరి కుమారుడు [[గల్లా జయదేవ్]] కూడా వ్యాపారవేత్త, రాజకీయ నాయకుడు.

రచనలు

ఛత్రపతి శివాజీ, రామానుజం ప్రతిజ్ఞ, కురుక్షేత్రం, సారాసీసా (నాటకం), కూలోళ్ళు, తమసోమా, చంద్రగిరి దుర్గం, ఓరుగల్లు పీఠం, అనార్కలి, జేజవ్వ (నాటకం), లకుమ (అనువాదం)