పుణ్యభూమి కళ్ళు తెరిచింది
పుణ్యభూమి కళ్ళు తెరిచింది 1982లో విడుదలైన తెలుగు చలనచిత్రం. దేవదాస్ కనకాల దర్శకత్వం వహించిన ఈ చిత్రంలో శ్రీధర్, సంగీత, రాళ్లపల్లి నటించగా, బి.గోపాలరావు సంగీతం అందించాడు.[1] భార్గవ ఆర్ట్ ప్రొడక్షన్స్ పతాకంపై ఈ సినిమాను బిక్కిన సత్యనారాయణమూఋతి, బడుగు విష్ణుమూర్తి లు నిర్మించారు.[2]
| పుణ్యభూమి కళ్ళు తెరిచింది (1982 తెలుగు సినిమా) | |
_Poster_Design.jpg) సినిమా పోస్టర్ | |
|---|---|
| దర్శకత్వం | దేవదాస్ కనకాల |
| తారాగణం | శ్రీధర్, సంగీత, రాళ్లపల్లి |
| సంగీతం | బి.గోపాలరావు |
| నిర్మాణ సంస్థ | భార్గవ ఆర్ట్ ప్రొడక్షన్స్ |
| భాష | తెలుగు |
కథ
మార్చుమనదేశానికి స్వాతంత్ర్యం రాకపూర్వం జమీందార్ల కబంధ హస్తాలలో గ్రామవసీలు ఎలా తల్లిడిల్లారో చూపడానికి గతంలో అనెక ప్రయత్నాలు జరిగాయి> ఈ చిత్రం ఆ కోవకు చెందినది.
రెండవ ప్రపంచయుద్ధం ముమ్మరంగా జరుగుతున్న రోజులలో క్విట్ ఇండియా ఉద్యమం అప్పుడే ఉధృత రూపాన్ని ధరిస్తోంది. గాంధీజీ నాయకత్వంలో అహింసా పోరాటం అంత్య దశకు చేరుకుంటున్నది. ఆ ఊరు జమీందారు క్రూరత్వానికి, కుతంత్రాలకు మారుపేరు. పేద రైతుల పొట్ట గొట్టడంలో స్త్రీల మానాలను హరించడాంలో అతనికి అతడే సాటి. అతనికి నమ్మిన బంటుల్లో పాలేరు నాగరాజు ఒకడు. అతని తమ్ముడు సాంబయ్య జమీందారు కూరుతుతో పాటు పట్నం కాలేజీలో చదువుతుంటాడు.
ఆ పూరు మాస్టారు పక్కా గాంధేయవాది. సాంబయ్య, జమీంద్రారు కూతురు కాంగ్రెస్ ఉద్యమ ప్రభావానికి లోనవుతారు. నమ్ముకున్న పాలేరు భార్యను జమీందారు కాటేస్తే అందుకు ఎదురు తిరిగిన పాలెరుకు ప్రాణమే శాపమవుతుంది. జమీందారు కూతురు తండ్రి ఆగడాలను ఎదిరిస్తే, సాంబయ్య విప్లవ కేతనం ఎగరేసి గ్రామంలోని దుష్టుల ఆగడాలకు అడ్డుకట్టా వేస్తాడు. అయితే బ్రిటిష్ ప్రభుత్వం అతన్ని పట్టుకోవడంతో, పాలేరు నాగరాజు పెళ్ళాం జమీందారు మీద తన కసి తీర్చుకోవడంతో చిత్రం ముగుస్తుంది.[3]
నటవర్గం
మార్చు- శ్రీధర్
- సంగీత (పాత నటి)
- రాళ్లపల్లి
- సతీష్ మధు
- జీవా
- వంకాయల సత్యనారాయణ
- దేవదాసు కనకాల
- టి.ఆర్. జయదేవ్
- డా. మదన్
- శ్రీలక్ష్మి
- విజయగౌరి
- ఫణి
- రాజేశ్వరి
- హేమ
- వల్లం నరసింహారావు
- మల్లికార్జునరావు
సాంకేతికవర్గం
మార్చు- దర్శకత్వం: దేవదాస్ కనకాల
- సంగీతం: బి.గోపాలరావు
- నిర్మాణ సంస్థ: భార్గవ ఆర్ట్ ప్రొడక్షన్స్
- నిర్మాతలు: బిక్కిన సత్యనారాయణమూర్తి, బడుగు విష్ణుమూర్తి
- విడుదల తేదీ: 1982 జూలై 31
పాటల జాబితా
మార్చు1.ఈ పుణ్యభూమి మనది ఈ మాన్య సీమ , రచన: డా.నేలుట్ల, గానం.జి.ఆనంద్, ఎస్ పి శైలజ బృందం
2.చూడ చక్కని చిన్నది ఇక్కడ మేడ గదిలో ఉన్నది, రచన: శ్రీ శ్రీ , డా.నేలుట్ల , గానం.పులపాక సుశీల బృందం
3.పట్టర నాగలి మల్లియలో ఎత్తర కొడవలి , రచన: శ్రీ శ్రీ , డా.నేలుట్ల, గానం.ఎం.రమేష్ , ఎస్ పి. శైలజ బృందం
4.భారత ఖండంబు చక్కని పాడి ఆవు (పద్యం), రచన: చిలకమర్తి, గానం.విజయలక్ష్మి శర్మ
5.మనసు మనసు కలిపి తుమ్మెద మల్లెపువ్వునే, రచన: శ్రీ శ్రీ , డా.నేలుట్ల, గానం.ఎస్.జానకి
6. శివ శివా సాంబశివ శివ శివా సాంబశివ, రచన:సలాడి భాస్కరరావు, గానం.విజయలక్ష్మి శర్మ బృందం
7.సిరి సిరి మువ్వల సవ్వడి చేసి మరి నాలో ఆశలు , రచన: శ్రీ శ్రీ , డా.నేలుట్ల, గానం.ఎస్ పి బాలసుబ్రహ్మణ్యం
మూలాలు
మార్చు- ↑ తెలుగు సినీ బ్లిట్జ్, The Complete Database of Telugu Cinema SEARCH. "Punyabhoomi Kallu Terichindi". telugucineblitz.blogspot.in. Archived from the original on 31 డిసెంబరు 2017. Retrieved 27 June 2017.
- ↑ "Punyabhumi Kallu Therichindi (1982)". Indiancine.ma. Retrieved 2020-08-18.
- ↑ "Indiancine.ma". Indiancine.ma. Retrieved 2020-08-18.
. 4.ఘంటసాల గళామృతము , కొల్లూరి భాస్కరరావు బ్లాగ్ .