జయమ్ము నిశ్చయమ్మురా (1989 సినిమా): కూర్పుల మధ్య తేడాలు

}}

 

 

 

[[శ్రీవారికి ప్రేమలేఖ]], [[నాలుగు స్తంభాలాట]] వంటి సినిమాలలో హాస్యయుతమైన క్యారెక్టర్లను సృష్టించి ఆ పాత్రల డైలాగులను తెలుగు భాష నుడికారంలో భాగంగా చేసిన జంధ్యాల ఈ సినిమాలో అదే ఒరవడిని కొనసాగించాడు.

 

రాముడు (రాజేంద్ర ప్రసాద్), సూరిబాబు (చంద్రమోహన్)లు చేతనైనంతలో ప్రేమజంటలకు వివాహాలు జరిపించడమే తమ సేవా కార్యక్రమంగా పెట్టుకొన్నారు. కాని వారి ప్రేమకధలలకు మాత్రం అనేక అడ్డంకులు ఎదురవుతాయి. సూరిబాబు ప్రేమించిన సీత (అవంతి) తన ఇంట్లో ఉన్న అన్ని సమస్యలూ (తమ్ముడి ఉద్యోగం, చెల్లెళ్ళ పెళ్ళిళ్ళు, తల్లి వైద్యం వంటి అనేక సమస్యలు) పరిష్కారమయ్యేదాకా (ఆరు నూరైనా నూరు ఆరైనా) పెళ్ళి చేసుకొనని సందు దొరికినప్పుడెల్లా శపధం చేసేస్తుంటుంది. రాముడు ప్రేమించిన శాంతి (సుమలత)ఏమో తన తల్లిదండ్రులు కుదిర్చిన పెండ్లి మాత్రమే సంప్రదాయబద్ధంగా చేసుకొంటానని భీష్మించుకొంటుంది. శాంతి తండ్రి (నూతన్ ప్రసాద్) మిలిటరీ ఆఫీసర్ స్టైల్లో అందరినీ క్షుణ్ణంగా పరిశీలించందే నిర్ణయించుకోడు. అతని కుక్క (పేరు హిట్లర్) వాళ్ళ ఇంట్లో తిని పక్కింట్లో మొరుగుతుంది. శాంతి తల్లి ఎక్కువ రోజులు మౌనవ్రతంలో ఉంటుంది. సూరిబాబు తండ్రి (కోట శ్రీనివాసరావు) పైసాపైసా కూడబెట్టి మద్రాసువెళ్ళి గొప్ప "సైన్మ" తీయాలని సంకల్పించుకొన్నాడు. కనుక పైసల విషయంలో చాలా ఖచ్చితంగా ఉంటాడు. తనింట్లో ఎవరైనా అతిధులు కాఫీ త్రాగితే కూడా వారికి వెంటనే బిల్లు ఇస్తుంటాడు. ఛాన్సు దొరికినప్పుడెల్లా దొరికినవారికి సినిమా కధలు (సవివర వ్యాఖ్యానంతో) వినిపిస్తుంటాడు.