బసంతి (2014 సినిమా)

బసంతి చైతన్య దంతులూరి స్వీయ దర్శకత్వంలో నిర్మించిన తెలుగు సినిమా. ఈ సినిమా 2014, ఫిబ్రవరి 28న విడుదలయ్యింది. ఇదే సినిమాను 2018లో టెర్రర్ 2 అనే పేరుతో హిందీలోనికి డబ్ చేశారు.

బసంతి
బసంతి
దర్శకత్వం	చైతన్య దంతులూరి
స్క్రీన్ ప్లే	చైతన్య దంతులూరి
కథ	చైతన్య దంతులూరి
నిర్మాత	చైతన్య దంతులూరి
తారాగణం	రాజా గౌతమ్ అలీషా బేగ్ షాయాజీ షిండే తనికెళ్ల భరణి శ్రీకాంత్ అయ్యంగర్ రణధీర్ గట్ల
ఛాయాగ్రహణం	అనిల్ బండారి
కూర్పు	మార్తాండ్ కె.వెంకటేష్
సంగీతం	మణిశర్మ
నిర్మాణ సంస్థ	స్టార్ట్ కెమెరా పిక్చర్స్
విడుదల తేదీ	28 ఫిబ్రవరి 2014 (2014-02-28)
దేశం	భారతదేశం
భాష	తెలుగు

నటీనటులు

• రాజా గౌతమ్ - అర్జున్
• రణధీర్ గట్ల - అబ్బాస్
• నవీనా జాక్సన్ - స్వాతి
• ధనరాజ్ - మల్లి
• అలీషా బేగ్ - రోష్నీ
• షాయాజీ షిండే - అలీఖాన్
• తనికెళ్ల భరణి - అర్జున్ తండ్రి
• శ్రీకాంత్ అయ్యంగర్ - ఘాజీఖాన్
• సంజీవ్ శర్మ
• బిలాల్ వాహిబ్
• దయానంద్ రెడ్డి
• జెస్సీ స్మిత్

సాంకేతికవర్గం

• కథ, స్క్రీన్ ప్లే,దర్శకుడు, నిర్మాత: చైతన్య దంతులూరి
• మాటలు: శ్రీకాంత్ విస్సా
• సంగీతం: మణిశర్మ
• పాటలు: కృష్ణ చైతన్య, శ్రీమణి
• నేపథ్యగాయకులు: సాహితి చాగంటి, దీపు, దినకర్, హెచ్.జి.చైత్ర, ఎన్. సి. కారుణ్య, హేమచంద్ర, శ్రీకృష్ణ
• ఛాయాగ్రహణం: అనిల్ బండారి
• కూర్పు: మార్తాండ్ కె.వెంకటేష్

కథ

'బసంతి' ఓల్డ్ సిటీలోని ఓ కాలేజీ పేరు. అందులో తన తోటి స్నేహితులు అబ్బాస్, స్వాతి, మల్లితో కలిసి డిగ్రీ ఫైనల్ ఇయర్ చదువుకుంటూ ఉంటాడు అర్జున్. జీవితంలో పెద్ద ఆశలంటూ లేని సగటు కుర్రాడిలానే ప్రవర్తిస్తుంటాడు. అబ్బాస్ చెల్లి పెళ్ళికి వెళ్ళినప్పుడు రోష్ని (అలీషా బేగ్)ని చూసి ప్రేమలో పడతాడు అర్జున్. ఆమె సిటీ పోలీస్ కమీషనర్ ఆలీఖాన్ (షాయాజీ షిండే) కూతురు అని తెలిసినా... ఆ ప్రేమను కొనసాగిస్తాడు. ఓసారి అతను చేసిన రక్తదానం కారణంగా రోష్ని నానమ్మ అపాయంనుండి బయటపడుతుంది. ఆ రకంగా రోష్నితో పరిచయం పెరుగుతుంది. అయితే ఉన్నత చదువుల నిమిత్తం లండన్ వెళ్ళాలని రోష్ని నిర్ణయించుకుంటుంది. తండ్రి ప్రోత్సాహంతో తన మనసులోని ప్రేమను రోష్నికి తెలియచేయాలని ఎయిర్పోర్ట్కు వెళతాడు అర్జున్. సరిగ్గా అదే సమయంలో కొందరు టెర్రరిస్టులు అతను చదివే బసంతి కాలేజీని స్వాధీన పరుచుకుంటారు. బందీగా ఉన్న తమ నాయకుడు బాబార్ ఖాన్‌ను వదిలిపెడితేనే విద్యార్థులను తాను వదిలిపెడతామని హెచ్చరికలు జారీ చేస్తాడు ఘాజీఖాన్. తన స్నేహితులతోపాటే... రోష్ని కూడా టెర్రరిస్టుల కబంధ హస్తాలలో చిక్కుకుందనే విషయం అర్జున్‌కు తెలుస్తుంది. ఆ పైన అతనేం చేశాడన్నదే మిగతా కథ!

పాటలు

ఈ చిత్రంలోని పాటలకు మణిశర్మ సంగీతం సమకూర్చగా శ్రీమణి, కృష్ణ చైతన్యలు సాహిత్యాన్ని అందించారు.

క్రమసంఖ్య	పేరు	గాయనీ గాయకులు	నిడివి
1.	"తిరుగుబాటిది తిరుగుబాటిది"	శ్రీకృష్ణ, కారుణ్య, హేమచంద్ర, సాహితి
2.	"పారిపోతున్నా..బంగారు లోకంలోకి వాలిపోతున్నా"	పవన్
3.	"ప్రతిక్షణం పెదాలతో ప్రతిక్షణం నిరీక్షణ"	దినకర్, చైత్ర
4.	"స్పిరిట్ ఆఫ్ బసంతి"	శ్రీకృష్ణ, కారుణ్య, హేమచంద్ర
5.	"వెళ్ళకురా"	దీపు

స్పందనలు

• రాజా గౌతమ్‌కు నటుడిగా ఇది మూడో సినిమా. కాలేజీ విద్యార్థిగా బాగానే నెగ్గుకొచ్చిన గౌతం, ఎమోషనల్ సీన్స్ను పండించలేక పోయాడు. అలానే బాలనటిగా పలు హిందీ చిత్రాలలో నటించి, రంగస్థలంలోనూ అనుభవం సంపా దించుకున్న అలీషా బేగ్ సైతం కొన్ని సన్నివేశాలలో తేలిపోయింది. ఇక సిటీ పోలీస్ కమీషనర్ అలీఖాన్ పాత్రలో షాయాజీ షిండే రొటీన్ నటనే కనబరిచాడు. ఘాజీఖాన్ పాత్రను శ్రీకాంత్ అయ్యంగార్ పోషించాడు. అయితే అతని పక్కన ఉన్న తోటి టెర్రరిస్టులంతా పేలవమైన నటన కనబరిచారు. ఓ జటిలమైన, వాస్తవమైన కథాంశాన్ని ప్రేక్షకుల ముందు ఆవిష్కరించేప్పుడు దానిని ఉత్కంఠభరితంగానూ, హృదయానికి హత్తుకునేలానూ చెబితేనే వాళ్ళను ఆకట్టుకోగలం. ఆ విషయంలో ‘బసంతి' చిత్రం విఫలమైందనే చెప్పాలి. మణిశర్మ సంగీతంకూడా సినిమాకు పెద్దగా ఉపయోగ పడలేదు. 'తిరుగు బాటిది...' లాంటి మంచి పాట సరైనచోట పడలేదు! సంభాషణలు బాగున్నా, పేలవమైన సన్నివేశాల నడుమ అవి తేలిపోయాయి! అయితే యేడాదిలో వందకు పైగా వస్తున్న రోటీన్ యాక్షన్ ఎంటర్టైన్ మెంట్ చిత్రాలకు ‘బసంతి' పూర్తిగా భిన్నమైంది. - వడ్డి ఓంప్రకాశ్ నారాయణ్ ఫిల్మ్ జర్నలిస్ట్

బయటి లింకులు

• ఇంటర్నెట్ మూవీ డేటాబేసు లో బసంతి