మామా అల్లుళ్ళ సవాల్

ఇది 1980 లో విడుదలైన ఒక తెలుగు చిత్రం'.మామా అల్లుళ్ళ సవాల్ ' చిత్రానికి కె. ఎస్. ఆర్ దాస్ దర్శకత్వం వహించారు. ఈ చిత్రంలో ఘట్టమనేని కృష్ణ, శ్రీదేవి,రంగనాథ్, జమున ముఖ్య పాత్రలు పోషించారు.సంగీతం చక్రవర్తి అందించారు.

మామా అల్లుళ్ళ సవాల్ (1980 తెలుగు సినిమా)
సినిమా పోస్టర్
దర్శకత్వం	కె.ఎస్.ఆర్.దాస్
తారాగణం	కృష్ణ, జమున , కైకాల సత్యనారాయణ, అల్లు రామలింగయ్య, సారధి, రమాప్రభ, రంగనాథ్, చంద్రమోహన్ , శ్రీదేవి
సంగీతం	కె. చక్రవర్తి
నిర్మాణ సంస్థ	శ్రీ లక్ష్మీ వినాయక ఆర్ట్ పిక్చర్స్
భాష	తెలుగు

చిత్ర కథ

రామాంజనేయయుద్ధం, కృష్ణార్జున యుద్ధం ఇతివృత్తాలని సమకాలీన కథగా మార్ఛి రూపొందించిన చిత్రం. చిత్ర కథను ఎమ్.డి.సుందర్ తయారు చేసారు. సత్యనారాయణ ఒక పోలీసు అధికారి,అతని భార్య జమున, వారి కూతురు శ్రీదేవి. జమున సోదరుడు కృష్ణ .వృత్తిరీత్యా లాయరు. అక్కకూతురును పెళ్ళాడాడు. ఒక కేసులో సత్యనారాయణ చంద్రమోహన్ నూ అరెస్టు చేసి దోషిగా నిలబెడతాడు. కృష్ణ చంద్రమోహన్ వైపు వాదించటానికి పూనుకుంటాడు. కృష్ణ చంద్రమోహన్ ను నమ్మడానికి కారణం - అతడు తన ప్రాణ స్నేహితుని (రంగనాథ్) సోదరుడు కావడం. ఎంత దరిద్రంలో ఉన్నా చనిపోయిన అన్నకు ఇస్టమైన బంగారు గొలుసును అమ్మకపోవడం ( ఆ గొలుసును గతంలో కృష్ణ, రంగనాథ్ కు బహూకరిస్తాడు). సత్యనారాయణ, (మామ) కృష్ణ (అల్లుడు) సంఘర్షణ చిత్ర కథ . చిత్రంలో సమాంతరంగా సాగే హాస్య కథ ఉంది. అల్లు ధనవంతుడైనా పాత వృత్తి పాత పేపర్లు,చిత్తు కాగితాల సేకరణ మానుకోడు. అతని కూతురు రమాప్రభకు కృష్ణుడంటే ఇష్టం. సారథి వాల్ పోస్టర్లు అంతించేవాడు. అల్లు అతని పొస్టర్లు దొంగిలించడం. సారథి,రమాప్రభ ప్రేమించుకోవడం ఆకథ. వారిద్దరి మధ్య ఒక డ్యూయెట్టు కూడా ఉంది.

తారాగణం

ఘట్టమనేని కృష్ణ

శ్రీదేవి

రంగనాథ్

జూలూరి జమున

కైకాల సత్యనారాయణ

అల్లు రామలింగయ్య

సారధి

రమాప్రభ

చంద్రమోహన్

నిర్మల

సాంకేతిక వర్గం

దర్శకుడు:కొండా సుబ్బరామ దాస్

సంగీతం:కొమ్మినేని చక్రవర్తి

నిర్మాణ సంస్థ:శ్రీలక్ష్మీనారాయణ ఆర్ట్ పిక్చర్స్

సాహిత్యం: వేటూరి సుందర రామమూర్తి , వీటూరి

నేపథ్య గానం: ఎస్ పి బాలసుబ్రహ్మణ్యం, పి సుశీల, ఎస్ పి శైలజ, ఎస్ జానకి, ఎం రమేష్ , జి.ఆనంద్

మాటలు: జంధ్యాల

కెమెరా: పుష్పాల గోపీకృష్ణ

నృత్యాలు: సలీం

ఎడిటింగ్: కె.నాగేశ్వరరావు, నరసింహరావు

ఆర్ట్: నాగరాజన్

స్టిల్స్:గంగాధరరావు

స్టంట్: గాఘవులు.

పాటలు

1. ఒకనాటిది కాదు వసంతం విడిపొనిది మా అనుబంధం , రచన: వేటూరి సుందర రామమూర్తి, గానం ఎస్ పి బాలసుబ్రహ్మణ్యం, గేదెల ఆనంద్

2.ఓ మండపేట మైనర్ హేయ్ పిండిమిల్లు ఓనర్, రచన: వీటూరి వెంకట సత్య సూర్యనారాయణ మూర్తి, గానం.శ్రీపతి పండితారాధ్యుల శైలజ

3.చక్కనమ్మ వచ్చింది ఒక్క నవ్వు నవ్వింది, రచన: వేటూరి, గానం.శ్రీపతి పండితారాధ్యుల బాలసుబ్రహ్మణ్యం , పులపాక సుశీల

4.చక్కనైన మా కృష్ణయ్యను ఎక్కడైనా చూసారా , రచన: వీటూరి, గానం.ఎస్ పి శైలజ, ఎం.రమేష్

5.చిటుక్కు చిటుక్కు చిటుక్కు చిలికింది వాన, రచన: రచన: వేటూరి, గానం.ఎస్ పి బాలసుబ్రహ్మణ్యం, పి సుశీల

6.మంచితనానికి మాయని మమతకు పుట్టినరోజు ఇది, రచన: వీటూరి వెంకట సత్య సూర్యనారాయణ మూర్తి, గానం.ఎస్ పి బాలసుబ్రహ్మణ్యం, పి సుశీల

7.శ్రీదేవి వంటి చిట్టితల్లికి సీమంతం చేయరండి, రచన: వీటూరి, గానం శిష్ట్లా జానకి బృందం .

మూలాలు

1.ఘంటసాల గళామృతము, కొల్లూరి భాస్కరరావు బ్లాగ్.