యనమల దివ్య

యనమల దివ్య (జననం 1984) ఆంధ్రప్రదేశ్ రాష్ట్రానికి చెందిన రాజకీయ నాయకురాలు. యనమల దివ్య 2024 ఆంధ్రప్రదేశ్ శాసనసభ ఎన్నికలలో తూర్పు గోదావరి జిల్లా తుని శాసనసభ నియోజకవర్గం నుంచి పోటీ చేసి తొలిసారి ఎమ్మెల్యేగా గెలుపొందారు. యనమల దివ్య తెలుగు దేశం పార్టీ తరపున ఆంధ్రప్రదేశ్ శాసనసభ కు ప్రాతినిధ్యం వహిస్తున్నారు. .

యనమల దివ్య
ఎమ్మెల్యే
అధికారంలో ఉన్న వ్యక్తి
అధికార ప్రారంభం 4 జూన్ 2024 - ప్రస్తుతం
ముందు	దాడిశెట్టి రాజా
నియోజకవర్గం	తుని
వ్యక్తిగత వివరాలు
జననం	1984 ఎ.వి. నగరం గ్రామం, తొండంగి మండలం, కాకినాడ జిల్లా, ఆంధ్రప్రదేశ్ రాష్ట్రం
జాతీయత	భారతీయురాలు
రాజకీయ పార్టీ	తెలుగుదేశం పార్టీ
తల్లిదండ్రులు	యనమల రామకృష్ణుడు
జీవిత భాగస్వామి	చావాలి వెంకట గోపినాథ్
నివాసం	ఎ.వి. నగరం గ్రామం, తొండంగి మండలం, కాకినాడ జిల్లా, ఆంధ్రప్రదేశ్ రాష్ట్రం
వృత్తి	రాజకీయ నాయకురాలు

బాల్యం విద్యాభాస్యం

యనమల దివ్య తూర్పుగోదావరి జిల్లా తునిలో జన్మించింది. గృహిణి. యనమల దివ్య 2012లో హైదరాబాద్లోని ఉస్మానియా విశ్వవిద్యాలయం నుండి ఎంబీఏ పూర్తి చేసింది. అంతకుముందు, ఆమె 2006 లో ఉస్మానియా విశ్వవిద్యాలయం నుండి ఎలక్ట్రానిక్ కమ్యూనికేషన్ లో ఇంజనీరింగ్ పూర్తి చేసింది.. యనమల దివ్య ఆంధ్రప్రదేశ్ మాజీ ఆర్థిక శాఖ మంత్రి యనమల రామకృష్ణుడు కూతురు.[1]

రాజకీయ జీవితం

యనమల దివ్య తన తండ్రి యనమల రామకృష్ణుడు అడుగుజాడల్లో తెలుగుదేశం పార్టీ ద్వారా రాజకీయాలలోకి వచ్చి పార్టీలో వివిధ హోదాల్లో పని చేసి 2023 ఫిబ్రవరిలో తుని నియోజకవర్గ ఇంఛార్జ్‌గా నియమితురాలైంది.

దివ్య 2024 ఆంధ్రప్రదేశ్ శాసనసభ ఎన్నికల్లో తుని శాసనసభ నియోజకవర్గం నుండి తెలుగు దేశం పార్టీ తరపున పోటీ చేసి, అధికార వైయస్సార్ కాంగ్రెస్ పార్టీ అభ్యర్థి దాడిశెట్టి రాజాపై గెలుపొందింది. పోటీ చేసిన మొదటి ఎన్నికలలోనే ఆమె విజయం సాధించింది.