రాజేష్ టచ్‌రివర్
రాజేష్ టచ్‌రివర్ (ఎం.ఎస్. రాజేష్) ఒక భారతీయ సినిమా దర్శకుడు, స్క్రీన్ ప్లే రచయిత, నిర్మాత. ఇంగ్లీష్, మలయాళం, తెలుగు, హిందీ భాషా సినిమాల రచనతో ప్రసిద్ధి పొందాడు. తన రచనలకు వివిధ జాతీయ, అంతర్జాతీయ గౌరవాలను కూడా అందుకున్నాడు.[2][3] 2002 రాజేష్ దర్శకత్వం వహించిన ఇన్ ది నేమ్ ఆఫ్ బుద్ధా సినిమా, 2003లో జరిగిన కేన్స్ ఫిల్మ్ ఫెస్టివల్‌లో స్పాట్‌లైట్ ఆన్ ఇండియా విభాగంలో ప్రదర్శించబడింది.[4][5] 2013లో సామాజిక సమస్యలపై నా బంగారు తల్లి పేరుతో వచ్చిన సినిమాకి స్క్రిప్ట్, దర్శకత్వం వహించాడు. ఈ సినిమా ఐదు అంతర్జాతీయ గౌరవాలు, తెలుగులో ఉత్తమ చలనచిత్రంగా జాతీయ చలనచిత్ర అవార్డు,[6] రెండవ ఉత్తమ చలన చిత్రంతో సహా నాలుగు రాష్ట్ర నంది అవార్డులను గెలుచుకుంది.[7][8]
రాజేష్ టచ్‌రివర్ | |
|---|---|
 | |
| జననం | ఎం.ఎస్. రాజేష్ 1972 మార్చి 6 అరకులం, ఇడుక్కి, కేరళ |
| వృత్తి | సినిమా దర్శకుడు, స్క్రీన్ ప్లే రచయిత, నిర్మాత |
| క్రియాశీల సంవత్సరాలు | 1992 – ప్రస్తుతం |
| జీవిత భాగస్వామి | సునీతా కృష్ణన్[1] |
జననం
మార్చురాజేష్ టచ్‌రివర్ 1972, మార్చి 6న కేరళ రాష్ట్రం, ఇడుక్కి జిల్లాలోని అరకులంలో శివశంకరన్ నాయర్ - రుక్మిణి అమ్మ దంపతుల చిన్న కొడుకుగా జన్మించాడు. కలరిపయట్టులో శిక్షణ పొందాడు.[9] 1992లో కేరళ రాష్ట్రం, త్రిసూర్‌లోని స్కూల్ ఆఫ్ డ్రామా అండ్ ఫైన్ ఆర్ట్స్ నుండి డిజైన్, డైరెక్షన్‌లో బ్యాచిలర్ డిగ్రీని అందుకున్నాడు.[10]
తొలి జీవితం
మార్చు1995లో నేషనల్ స్కూల్ ఆఫ్ డ్రామా, న్యూఢిల్లీలో డిజైనర్‌గా పనిచేశాడు. 1998 నాటికి మలయాళం, ఇంగ్లీష్, తెలుగు భాషలలో 30కి పైగా నాటకాలకు దర్శకత్వం వహించాడు. 2001లో చార్లెస్ వాలెస్ ట్రస్ట్ అవార్డును గెలుచుకున్నాడు. లండన్‌లోని వింబుల్డన్ కాలేజ్ ఆఫ్ ఆర్ట్ నుండి విజువల్ లాంగ్వేజ్/సినోగ్రఫీ, డైరెక్షన్‌లో మాస్టర్స్ డిగ్రీని అభ్యసించాడు.[9]
రాజేష్ తీసిన తొలి సినిమా ఇన్ ది నేమ్ ఆఫ్ బుద్ధా (2002) ఓస్లో ఇంటర్నేషనల్ ఫిల్మ్ ఫెస్టివల్‌లో ప్రదర్శించబడింది, విమర్శకుల ప్రశంసలు అందుకుంది.[2] 2003లో అంతర్జాతీయ చలనచిత్రోత్సవాలలో ప్రదర్శించబడింది, అదే సంవత్సరంలో బెవర్లీ హిల్స్ ఇంటర్నేషనల్ ఫిల్మ్ ఫెస్టివల్, న్యూపోర్ట్ బీచ్ ఇంటర్నేషనల్ ఫిల్మ్ ఫెస్టివల్, వైన్ కంట్రీ ఇంటర్నేషనల్ ఫిల్మ్ ఫెస్టివల్‌లో ఉత్తమ విదేశీ చిత్రం అవార్డును గెలుచుకుంది.[3] రాజేష్ 10 ది స్ట్రేంజర్స్, అలెక్స్-ది బ్లూ ఫాక్స్ అనే రెండు తెలుగు సినిమాలకు దర్శకత్వం వహించాడు.[11][12]
సినిమాలు
మార్చు| సంవత్సరం | సినిమా పేరు | విభాగం | ||
|---|---|---|---|---|
| దర్శకత్వం | నిర్మాణం | స్క్రీన్ ప్లే రచన | ||
| 2002 | బుద్ధుని పేరులో | అవును | అవును | అవును |
| 2005 | 10-ది స్ట్రేంజర్స్ | అవును | కాదు | అవును |
| 2005 | అలెక్స్-ది బ్లూ ఫాక్స్ | అవును | కాదు | అవును |
| 2013 | నా బంగారు తల్లి (తెలుగు) ఎంటే ఇన్ (మలయాళం) |
అవును | అవును | అవును |
| 2019 | రక్తం - రక్తం | అవును | కాదు | అవును |
| 2019 | పట్నాగర్ | అవును | కాదు | అవును |
| 2022 | దహిని - మంత్రగత్తె | అవును | కాదు | అవును |
డాక్యుమెంటరీలు, షార్ట్ ఫిల్మ్‌లు
మార్చురాజేష్ మానవ అక్రమ రవాణా, హెచ్.ఐ.వి./ఎయిడ్స్, మతపరమైన అల్లర్లపై అనేక షార్ట్ ఫిల్మ్‌లు, డాక్యుమెంటరీలను తీశారు. అవన్ని ఐక్యరాజ్యసమితి, ఎన్జీఓలు, జాతీయ, అంతర్జాతీయ మీడియా న్యాయవాద కార్యక్రమాలకు మద్దతునిస్తాయి. మానవ అక్రమ రవాణాకు వ్యతిరేకంగా ఐక్యరాజ్యసమితి కోసం రాజేష్ రూపొందించిన వన్ లైఫ్, నో ప్రైస్ ఫర్ సోషల్ సెన్సిటైజేషన్‌ వంటి సినిమాలు అంతర్జాతీయంగా పౌర సమాజ సంస్థలు మంచి ఆదరణ పొందాయి.[13]
ముంబై, కోల్‌కతా, పూణె, ఢిల్లీలోని రెడ్ లైట్ ఏరియాలలో చిత్రీకరించబడిన అనామిక అనే డాక్యుమెంటరీ,[14] "ఉత్తమ విదేశీ అవార్డు - డాక్యుమెంటరీ షార్ట్ ఫిల్మ్" విభాగంలో ఏసీ అవార్డును, హైదరాబాద్ ఇంటర్నేషనల్ ఫిల్మ్ ఫెస్టివల్‌లో ఉత్తమ డాక్యుమెంటరీ ఫిల్మ్ అవార్డులను గెలుచుకుంది.[15] ఈ సినిమా నేషనల్ పోలీస్ అకాడమీ, నేషనల్ జ్యుడీషియల్ అకాడమీ పాఠ్యాంశాల్లో చేర్చబడింది.[16]
పిల్లల లైంగిక వేధింపులపై తీసిన ది సేక్రేడ్ ఫేస్ అనే షార్ట్ ఫిల్మ్ హైదరాబాద్‌లో ప్రదర్శించబడింది.[17] ఇన్ నేమ్ ఆఫ్ బుద్ధా విజయవంతమైన తర్వాత, మాయ అరుల్‌ప్రగాసం కోసం "సన్‌షవర్స్" కోసం మ్యూజిక్ వీడియోకి దర్శకత్వం వహించాడు.[18]
మ్యూజిక్ వీడియోలు - స్క్రీన్ ప్లే, దర్శకత్వం
మార్చుఅవార్డులు
మార్చు- రెండవ ఉత్తమ చలన చిత్రం - నా బంగారు తల్లి (2013)
ఇతర గౌరవాలు
మార్చు- ఉత్తమ దర్శకుడు (ప్రాంతీయ సినిమా) - రాజస్థాన్ ఇంటర్నేషనల్ ఫిల్మ్ ఫెస్టివల్ 2018
- ఉత్తమ విదేశీ సినిమా అవార్డు – క్రాసింగ్ ది స్క్రీన్ ఇంటర్నేషనల్ ఫిల్మ్ ఫెస్టివల్ 2017
- ఇండోనేషియా నుండి అవార్డు ఆఫ్ ఎక్సలెన్స్ – 2013[3]
- ఉత్తమ చిత్రనిర్మాత అవార్డు - జకార్తా, ఇండోనేషియా – 2013
- ఇండోనేషియా నుండి అవార్డు ఆఫ్ ఎక్సలెన్స్ - 2013
- బెస్ట్ ఫీచర్ ఫిల్మ్ అవార్డు - ట్రినిటీ ఇంటర్నేషనల్ ఫిల్మ్ ఫెస్టివల్ – 2013
- ఉత్తమ డాక్యుమెంటరీ ఫిల్మ్ అవార్డు - హైదరాబాద్ ఇంటర్నేషనల్ ఫిల్మ్ ఫెస్టివల్ – 2008
- బెస్ట్ ఎడిటింగ్ అవార్డు - ఫెస్టివల్ డి సినీ డి గ్రనడా – 2007
- ఉత్తమ విదేశీ డాక్యుమెంటరీ చిత్రం అవార్డు - యాక్షన్ కట్ ఇంటర్నేషనల్ ఫిల్మ్ ఫెస్టివల్ 2006
- అత్యుత్తమ పూర్వ విద్యార్థి అవార్డు – స్కూల్ ఆఫ్ డ్రామా- 2003
- బెస్ట్ ఫిల్మ్ అవార్డు - వైన్ కంట్రీ ఇంటర్నేషనల్ ఫిల్మ్ ఫెస్టివల్- 2003
- బెస్ట్ ఫిల్మ్ అవార్డు - న్యూ పోర్ట్ బీచ్ ఇంటర్నేషనల్ ఫిల్మ్ ఫెస్టివల్ – 2003
- ఉత్తమ విదేశీ చిత్రం అవార్డు - బెవర్లీ హిల్స్ ఇంటర్నేషనల్ ఫిల్మ్ ఫెస్టివల్- 2003
- చార్లెస్ వాలెస్ ఇండియా ట్రస్ట్ అవార్డు- 2001[16][17]
- ఇండీ ఇంటర్నేషనల్ బెస్ట్ ఫారిన్ ఫీచర్ ఫిల్మ్ – రక్తం - ది బ్లడ్ [20]
- ఇండీ ఇంటర్నేషనల్ బెస్ట్ ఓవరాల్ ఫీచర్ ఫిల్మ్ – పీపుల్స్ ఛాయిస్ – రక్తం - ది బ్లడ్ [20]
మూలాలు
మార్చు- ↑ "Keeping hope alive Real-life hero". The Hindu. 30 July 2009. Archived from the original on 13 June 2011. Retrieved 2023-03-06.
- ↑ 2.0 2.1 "Trouble in paradise". the Guardian. 9 May 2003.
- ↑ 3.0 3.1 3.2 "The Hindu : Touch and go". web.archive.org. 11 July 2003. Archived from the original on 11 జూలై 2003. Retrieved 6 మార్చి 2023.
- ↑ "Touch and go". The Hindu. 2003-06-12. Archived from the original on 2003-08-21.
- ↑ http://rrtd.nic.in/Film%20Bulletin-Apl03.htm
- ↑ 6.0 6.1 "61st National Film Awards" (PDF). Directorate of Film Festivals. 16 April 2014. Archived from the original (PDF) on 16 April 2014. Retrieved 2023-03-06.
- ↑ "National Film Awards: And the winners are - IBNLive". web.archive.org. 16 April 2014. Archived from the original on 2014-04-16. Retrieved 2023-03-06.
- ↑ "Loading..." www.alllightsfilmmagazine.com. Archived from the original on 2023-03-06. Retrieved 2023-03-06.
- ↑ 9.0 9.1 "Real story in reel life". 2 February 2012 – via www.thehindu.com.
- ↑ "Theatre of the real". fountainink.in.
- ↑ "10 – The Strangers Telugu Movie – Preview, Trailers, Gallery, Review, Events, Synopsis". Archived from the original on 2018-05-26. Retrieved 2023-03-06.
- ↑ "cinegoer.net". ww12.cinegoer.net.
- ↑ "UNODC and Bollywood unite against trafficking". United Nations : Office on Drugs and Crime.
- ↑ "The Hindu : Life Thiruvananthapuram : Speaking out for the `nameless'". web.archive.org. 7 November 2012. Archived from the original on 2012-11-07. Retrieved 6 మార్చి 2023.
- ↑ 15.0 15.1 "Best film award for docu on sex trade | Hyderabad News - Times of India". The Times of India.
- ↑ 16.0 16.1 "Latest News". Business Standard India.
- ↑ 17.0 17.1 "The Hindu : Andhra Pradesh / Hyderabad News : Documentary on incest shocks viewers". web.archive.org. 19 March 2008. Archived from the original on 19 మార్చి 2008. Retrieved 6 మార్చి 2023.
- ↑ https://www.imdb.com/title/tt9008672/
- ↑ "M.I.A.: Sunshowers". IMDb.
- ↑ 20.0 20.1 "2017 – the International Indie Gathering".