లలితా పవార్

మహారాష్ట్రకు చెందిన సినిమా నటి.

లలితా పవార్ (1916 ఏప్రిల్ 18 - 1998 ఫిబ్రవరి 24) మహారాష్ట్రకు చెందిన సినిమా నటి. హిందీ, మరాఠీ, గుజరాతీ సినిమారంగాలలో దాదాపు 700 సినిమాలలో నటించింది. తన 70 ఏళ్ళ నటనా జీవితంలో గిన్నిస్ ప్రపంచ రికార్డును కూడా సొంతం చేసుకుంది. అనారీ సినిమాలోని నటనకు ఉత్తమ సహాయ నటిగా ఫిల్మ్‌ఫేర్ అవార్డు అందుకుంది. భల్జీ పెంధార్కర్ రూపొందించిన నేతాజీ పాల్కర్ (1938), న్యూ హనా పిక్చర్స్ సంత్ దామాజీ, విఎస్ ఖండేకర్ రాసిన నవయుగ్ చిత్రపత్ వారి అమృత్, ఛాయా ఫిల్మ్స్ వారి గోరా కుంభార్ వంటి హిట్ సినిమాలలో నటించింది. అనారి (1959), శ్రీ 420, మిస్టర్ & మిసెస్ 55, రామానంద్ సాగర్ టెలివిజన్ ఎపిక్ సీరియల్ రామాయణంలో మంథర పాత్రలో ప్రసిద్ధి పొందింది.[1]

లలితా పవార్
జననం
అంబా లక్ష్మణ్ రావు సగుణ్‌

(1916-04-18)1916 ఏప్రిల్ 18
మరణం1998 ఫిబ్రవరి 24(1998-02-24) (వయసు 81)
క్రియాశీల సంవత్సరాలు1928-1997
పిల్లలు1
పురస్కారాలు1960: ఉత్తమ సహాయ నటి ఫిల్మ్‌ఫేర్ అవార్డు - అనారీ (1959)
1961: సంగీత నాటక అకాడమీ అవార్డు - నటన

జననం మార్చు

లలితా పవార్ (అంబా లక్ష్మణ్ రావు సగుణ్‌) 1916 ఏప్రిల్ 18న నాసిక్‌లోని యోలాలో ఒక సనాతన కుటుంబంలో జన్మించింది.[2] తండ్రి లక్ష్మణ్ రావ్ షగుణ్ గొప్ప పట్టు, పత్తి ముక్కల వ్యాపారి.[3]

సినిమారంగం మార్చు

 
హిమ్మత్-ఎ-మర్దా (1935) చిత్రంలో ప్రధాన పాత్రలో లలితా పవార్

తన తొమ్మిదేళ్ళ వయసులో రాజా హరిశ్చంద్ర (1928) చిత్రంతో తన నటనా జీవితాన్ని ప్రారంభించింది. తరువాత ఏడు దశాబ్దాల సినిమా జీవితంలో 1940ల సినిమాలలో ప్రధాన పాత్రలు పోషించింది. 1932లో కైలాష్ అనే మూకీ సినిమాకు సహ-నిర్మాత వ్యవహరించడంతోపాటు సినిమాలో నటించింది. ఆ తర్వాత 1938లో దునియా క్యా హై అనే టాకీ సినిమాను కూడా నిర్మించింది.

1942లో, జంగ్-ఎ-ఆజాదీ సినిమాలో ఒక సన్నివేశంలో భాగంగా, కొత్త నటుడు మాస్టర్ భగవాన్ లలితను గట్టిగా కొట్టాడు. దాంతో ముఖ పక్షవాతం వచ్చి, ఎడమ కంటి సిర పగిలిపోయింది. మూడు సంవత్సరాల చికిత్స తీపుకున్న తర్వాత, లలిత ఎడమ కన్ను చూపు కోల్పోయింది. అప్పుడు ప్రధాన పాత్రలను మానేసి, క్యారెక్టర్ రోల్స్‌కు మారవలసివచ్చింది. అయినప్పటికి క్యారెక్టర్ ఆర్టిస్టుగా ఖ్యాతిని సంపాదించింది.[4]

లలిత ముఖ్యంగా తల్లి, అత్త పాత్రలలో ప్రసిద్ధి చెందింది. రాజ్ కపూర్‌తో అనారీ (1959)లో ఫిల్మ్‌ఫేర్ ఉత్తమ సహాయ నటి అవార్డును అందుకుంది.[5] రామానంద్ సాగర్ టెలివిజన్ ధారావాహిక రామాయణంలో మంథరగా నటించింది. 1961లో భారత సినిమా తొలి మహిళగా భారత ప్రభుత్వం సత్కరించింది.[6]

వ్యక్తిగత జీవితం మార్చు

గణపత్రావ్ పవార్‌తో లలిత మొదటి వివాహం జరిగింది. కానీ, ఆమె చెల్లెలితో అతని అనుబంధంతో విసిగిపోయిన లలిత, తర్వాత బొంబాయిలోని అంబికా స్టూడియోస్‌కు చెందిన సినీ నిర్మాత రాజ్‌ప్రకాష్ గుప్తాను వివాహం చేసుకుంది. ప్రస్తుతం తన మనవడు సంజయ్ పవార్, తన భర్తతో కలిసి జుహులో నివసిస్తోంది. తన కుమారుడు జై పవార్ నిర్మాతగా కొనసాగుతూ మంజిల్ వంటి సినిమాల్లో లలితతో కలిసి పనిచేశాడు. తన కుమారుడు జై పవార్‌కు సంజయ్ పవార్, మనోజ్ పవార్ అనే ఇద్దరు కుమారులు ఉన్నారు.[7] 1998 ఫిబ్రవరి 24న పూణేలోని ఔంధ్‌లో మరణించింది.

సినిమాలు మార్చు

సంవత్సరం సినిమా పాత్ర
1944 రామ్ శాస్త్రి ఆనందీబాయి (పీష్వా రఘునాథరావు భార్య)
1950 దహేజ్ శ్రీమతి బిహారిలాల్ (సూరజ్ తల్లి)
1951 ది ఇమోర్టల్ సాంగ్ వితాబాయి
1952 దాగ్ శంకర్ (దిలీప్ కుమార్) తల్లి
పర్చైన్ బడి రాణి
1955 శ్రీ 420 గంగా మాయి
మిస్టర్ & శ్రీమతి 55 సీతా దేవి, అనిత అత్త
1957 నౌ దో గయారా
1959 అనారీ శ్రీమతి ఎల్. డిసౌజ
ఉత్తమ సహాయ నటిగా ఫిల్మ్‌ఫేర్ అవార్డు
సుజాత గిరిబాల, బుయాజి/అత్త
1960 ఝుమ్రూ ఝుమ్రూ తల్లి
జిస్ దేశ్ మే గంగా బేహ్తీ హై (1960)
1961 జంగ్లీ (సుబోధ్ ముఖర్జీ తీసిన చిత్రం) శేఖర్ తల్లి
హమ్ దోనో[8] మేజర్ తల్లి
సంపూర్ణ రామాయణం మంథర
మేమిడిది
1962 ప్రొఫెసర్ సీతాదేవి వర్మ
బనార్సీ తుగ్
1963 సెహ్రా అంగార తల్లి
గ్రహస్తి హరీష్ ఖన్నా సోదరి
ఘర్ బసకే దేఖో శ్రీమతి శాంతా మెహ్రా
1964 షరాబి
1966 ఫూల్ ఔర్ పత్తర్ శ్రీమతి జీవన్ రామ్
లవ్ ఇన్ టోక్యో గాయత్రీ దేవి
ఖండన్ ఫుఫీ
1967 బూంద్ జో బాన్ గయీ మోతీ షెఫాలీ తల్లి
నూర్ జెహాన్
1968 అంఖేన్ మేడమ్/నకిలీ అత్త
నీల్ కమల్ ఠాకురైన్
అబ్రూ శ్రీమతి వర్మ
తీన్ బహురానియన్ సీత తల్లి
1969 మేరీ భాభి గంగాజలి
1970 ఆనంద్ మాట్రాన్
పుష్పాంజలి రాణి సాహిబా
గోపి లీలావతి దేవి
దర్పణ్ డాడిమా
1971 జ్వాలా
1972 గావ్ హమారా షహెర్ తుమ్హారా లజ్వంతి పాండే
బొంబాయి నుండి గోవా కాశీబాయి
1974 హమ్రాహీ
నయా దిన్ నై రాత్ మెంటల్ హాస్పిటల్ పేషెంట్ (ప్రత్యేక ప్రదర్శన)
దూశ్రీ సీత
1976 ఆజ్ కా యే ఘర్ శ్రీమతి శాంతి దీనానాథ్
తపస్య శ్రీమతి వర్మ
1977 జై వెజయ్ నందిని
ప్రాయశ్చిత్
ఐనా జాంకి
1979 మంజిల్ శ్రీమతి చంద్ర (అజయ్ తల్లి)
1980 యారణ తల్లి
కాళీ ఘట అంబు, హౌస్ కీపర్
ఫిర్ వోహీ రాత్ హాస్టల్ వార్డెన్
సౌ దిన్ సాస్ కే భవానీ దేవి (ప్రకాష్ తల్లి)
1981 నసీబ్ శ్రీమతి గోమ్స్
1983 ఏక్ దిన్ బహు కా కళావతి
1986 ప్యార్ కే దో పాల్
ఘర్ సన్సార్ సత్యనారాయణ తల్లి
1987 వతన్ కే రఖ్వాలే రాధ అమ్మమ్మ
ఉత్తర్ దక్షిణ్
1988 జల్జాలా శిలా తల్లి
ప్యసి ఆత్మ
1989 బహురాణి
1992 ముస్కురాహత్ లాండ్రీ మహిళ
1997 భాయ్[9]

టెలివిజన్ మార్చు

సంవత్సరం కార్యక్రమం పాత్ర ఛానల్ మూలాలు
1987 రామాయణం మంథర డిడి నేషనల్

అవార్డులు మార్చు

మూలాలు మార్చు

  1. "Bollywood's most dangerous mother-in-law, a slap caused eye light". Aaj Tak. 24 February 2018.
  2. "Lalitha, an actress and a gentlewoman". Rediff.com. 26 February 1998. Retrieved 2022-07-10.
  3. "Tribute to Laita Pawar". Screen (magazine).
  4. "Lalita Pawar – Memories". cineplot.com.
  5. Anari Archived 19 సెప్టెంబరు 2008 at the Wayback Machine Indian Cinema, University of Iowa.
  6. "Lalita Pawar – Memories". cineplot.com.
  7. "Lalita Pawar." Indian Express. 26 February 1998.
  8. Filmography at Upperstall.com.
  9. Pawar, Lalita. "Lalita Pawar Filmography". Muvi. Archived from the original on 12 April 2012. Retrieved 7 May 2014.
  10. Awards Internet Movie Database.
  11. Sangeet Natak Akademi Award - Acting Archived 27 జూలై 2011 at the Wayback Machine Official listing at కేంద్ర సంగీత నాటక అకాడమీ Official website.

బయటి లింకులు మార్చు