వరవిక్రయము (సినిమా)

ఇదే పేరుతో ప్రసిద్ధిచెందిన వరవిక్రయం నాటకం కూడా చూడండి.

'వరవిక్రయం తెలుగు చలన చిత్రం. ఈస్టిండియా కంపెనీ నిర్మించిన ఈ చిత్రానికి చిత్తజల్లు పుల్లయ్య దర్శకుడు కాగా, ఈ చిత్రంలో పుష్పవల్లి, సీనియర్ శ్రీరంజని,భానుమతి , రేలంగి, దాసరి కోటిరత్నం నటించారు.1939 ఏప్రిల్ 14 న విడుదలైన ఈ సినిమా కు సంగీతం దుర్గా సేన్ అందించారు.

వరవిక్రయం (1939 తెలుగు సినిమా)
వరవిక్రయం సినిమాపోస్టరు
దర్శకత్వం	సి.పుల్లయ్య
కథ	కాళ్ళకూరి నారాయణరావు
తారాగణం	పుష్పవల్లి శ్రీరంజని సీనియర్ భానుమతి బలిజేపల్లి లక్ష్మీకాంతకవి దైతా గోపాలం కొచ్చర్లకోట సత్యనారాయణ దాసరి కోటిరత్నం తుంగల చలపతిరావు
నిర్మాణ సంస్థ	ఈస్టిండియా ఫిలిమ్స్
భాష	తెలుగు

తెలుగు సినిమా ప్రారంభదశలో సందేశాత్మకంగా వచ్చిన చిత్రాలలో వరవిక్రయము ఒకటి. ఈ చిత్రంతో భానుమతి సినీ జీవితం మొదలయ్యింది.

నటవర్గం

• పుష్పవళ్లి
• సీనియర్ శ్రీరంజని
• పి.భానుమతి
• రేలంగి
• దాసరి కోటిరత్నం
• బలిజేపల్లి లక్ష్మీకాంతం
• దైతా గోపాలం
• తుంగల చలపతిరావు
• కొచ్చెర్లకోట సత్యనారాయణ

సాంకేతిక వర్గం

దర్శకుడు: చిత్తజల్లు పుల్లయ్య

కధ: కాళ్ళకూరి నారాయణ రావు

నిర్మాణ సంస్థ: ఈస్ట్ఇండియా ఫిలిం కంపెనీ

సంగీతం: దుర్గాసేన్

గీత రచయిత: బలిజేపల్లి లక్ష్మీకాంతం

నేపథ్య గానం: రేలంగి, మోహనరావు, భానుమతి, దాసరి కోటిరత్నం, పుష్పవళ్లి , శ్రీరంజని సీనియర్, బలిజేపల్లి లక్ష్మీకాంతం, కొచ్చేర్లకోట సత్యనారాయణ, తుంగల చలపతిరావు

విడుదల:14:04:1939.

కధ

వరకట్న వ్యవస్థ అనే సాఁఘిక దురాచారాన్ని ఎత్తిచూపే చిత్రం ఇది.

వరకట్నానికి వ్యతిరేకి అయనా ఒక రిటైర్డ్ ఉద్యోగి కూతురు 'కాళింది'([[భానుమతి]]) పెళ్ళికోసం అప్పు చేస్తాడు. ఆ పెళ్ళికొడుకు లింగరాజు (బలిజేపల్లి లక్ష్మీకాంత కవి) అనే ఒక ముసలి పినిగొట్టు వడ్డీ వ్యాపారి. అప్పటికే మూడు పెళ్ళిళ్ళు చేసుకొన్నవాడు. కట్నానికి వ్యతిరేకి అయిన కాళింది ఆత్మహత్య చేసుకొంటుంది. కాని లింగరాజు కట్నం తిరిగి ఇవ్వడానికి ఒప్పుకోడు. అప్పుడు కాళింది చెల్లెలు కమల (శ్రీరంజని) లింగరాజును పెళ్ళాడి, పెళ్ళి తరువాత తన భర్తను కోర్టుకీడుస్తుంది.

విశేషాలు

• ఇది భానుమతి మొదటి చిత్రం.
• ఇది శ్రీరంజని సీనియర్ చివరి చిత్రం.
• కాళ్ళకూరి నారాయణరావు రచించిన సాంఘిక నాటకం వర విక్రయం ఈ చిత్రానికి మూలకథ

పాటల జాబితా

1.జీవా మాయాకాయమురా మమతలలో బడి చెడితివిగదరా,, గానం.రేలంగి, మోహనరావు

2.ఈ మధుమాసవనీ సుమకేళి ప్రేమ సుధాధరా మానందమా, గానం.దాసరి కోటిరత్నం

3.ఎన్నడు నాపతీగూడి సుఖింతునో బన్నము తీరేదారి, గానం.పుష్పవళ్ళి

4.కన్నేయుసురు తగదండి వరకట్నాలను నిలపండి, గానం.బృందం

5.కొరగాని ఈతనువుకేల దైవమా, గానం.కొచ్చర్ల్లకోట సత్యనారాయణ

6.జాతికినీ సూత్రంబే సంపత్కరమౌ సాధనము, గానం.పాలువాయి భానుమతి

7.ధీరమతి దిగులేజికిరా ఊరకయేల నాదారి పోవ, గానం.దాసరి కోటిరత్నం

8.నానోముల ఫలమే మనసా కోర్కెలెల్ల మానుట, గానం.దాసరి కోటిరత్నం.

9.పరుగిడకే చంపకమే భ్రమరీ ప్రభాతము గని, గానం.పుష్పవళ్లి

10.పలుకవేమో నా దైవమా రామా పరులు నవ్వేది న్యాయమా, గానం.పి.భానుమతి

11.పూలమొక్క లేటులున్నావో పోయి చూచేదన్ , గానం.పుష్పవళ్లి

12.ప్రియ భారతమాతా నీ కన్యలగతి గనవమ్మా, గానం.బృందం

13.బ్రతుకీగతి కానేలా నాదగు పాపమా దేవీ స్వామి, రచన: కొచ్చర్లకోట సత్యనారాయణ

14.మంత్రివర్గములారా ఈ వరకట్నముల దొలగింపగా,

15.విధిగతి గడువతరమే పరమేశా విబుదేంద్రకైనా, గానం.శ్రీరంజని సీనియర్

16.సంగీత సారమేరా జగతిలో జాతీయ తేజోవికాసంబేరా, గానం.బృందం

17.సుందర నందకుమారా జయ బృందావన సంచారా, గానం పి.భానుమతి, పుష్పవళ్లి

18.స్వాతంత్రమే లేదా ఈ స్త్రీజాతిలోన జనియీoపనేల, గానం.పి.భానుమతి

19.హితవును వినవిదిఏమి ప్రారబ్దమే గతి వేగుదు, గానం.శ్రీరంజని సీనియర్ .

పద్యాలు జాబితా

1.ఆడబిడ్డల గన్నయయ్యాల రక్తమాంసాల బీల్చిన, గానం.పాలువాయి భానుమతి

2.ఎన్నడు నామాటకెదురు చెప్పగలేదు, గానం.శ్రీరంజని సీనియర్

3.కనికరమా కనపడదు కన్నడ బోవదు ప్రేమ, గానం.దాసరి కోటిరత్నం

4 .కలికమునకేనియును నోట గల్లలేదు, గానం.శ్రీరంజని సీనియర్

5..కులలోప గుణలోపములు మాపుకొనుటకు, గానం.బలిజేపల్లి లక్ష్మీకాంతం

6. చెడే ధర్మంబు నశించే నీతి హరియీoచెన్, గానం.తుంగల చలపతిరావు

7. నీటైన ఇంగ్లీష్ మోటారు సైకిల్ కొనిపెట్టి , గానం.తుంగల చలపతిరావు

8.పరువు నశించే బండితులు బామరున్విని ఇంట, గానం.కొచ్చెర్లకోట సత్యనారాయణ

9.పెరవారి పిల్లకు వరుడేరుపడేనన మన పిల్లకెవ్వడో, గానం.శ్రీరంజని సీనియర్

10.సీమ చదువు చాల సింపుల్ నన్నట, గానం.తుంగల చలపతిరావు

మూలాలు

ఘంటసాల గళామృతము, కొల్లూరి భాస్కరరావు బ్లాగ్.