వల్లూరు పాలెం, కృష్ణా జిల్లా, తోట్లవల్లూరు మండలానికి చెందిన రెవెన్యూయేతర గ్రామం. ఇది కృష్ణా నది ఒడ్డున ఉంది. ఈ గ్రామం విజయవాడకు 35 కి.మీ. దూరంలో ఉంది. దగ్గరలోని పట్టణం కంకిపాడు. సముద్రమట్టానికి 11 మీ.ఎత్తులో ఉంది.

వల్లూరు పాలెం
—  రెవెన్యూయేతర గ్రామం  —
వల్లూరు పాలెం is located in Andhra Pradesh
వల్లూరు పాలెం
వల్లూరు పాలెం
ఆంధ్రప్రదేశ్ పటంలో గ్రామ స్థానం
అక్షాంశరేఖాంశాలు: 16°22′18″N 80°46′12″E / 16.371569°N 80.769936°E / 16.371569; 80.769936
రాష్ట్రం ఆంధ్రప్రదేశ్
జిల్లా కృష్ణా
మండలం తోట్లవల్లూరు
ప్రభుత్వం
 - సర్పంచి మాదల రంగారావు
పిన్ కోడ్ 521163
ఎస్.టి.డి కోడ్ 08676

సమీప గ్రామాలు మార్చు

తెనాలి, విజయవాడ, మంగళగిరి, గుడివాడ

గ్రామానికి రవాణా సౌకర్యాలు మార్చు

ఈ గ్రామానికి రావాలంటే విజయవాడ బందరు రోడ్డులో 209 నం. బస్సు ఎక్కవలెను. రైల్వేస్టేషన్: విజయవాడ 28 కి.మీ

గ్రామంలో విద్యా సౌకర్యాలు మార్చు

జిల్లా పరిషత్తు ఉన్నత పాఠశాల మార్చు

  • ఈ పాఠశాలలో 2014-15 విద్యా సంవత్సరంలో 10వ తరగతి పరీక్షలు వ్రాసిన విద్యార్థులందరూ ఉత్తీర్ణులై, 100% ఫలితాలు సాధించారు. [1]
  • ఈ పాఠశాలలో ప్రస్తుతం 261 మంది విద్యార్థులు విద్యనభ్యసించుచున్నారు. [2]
  • ఈ పాఠశాలలో 10వ తరగతి చదువుచున్న చిరుగురి నవీన్ రాజ్ అను విద్యార్థి రూపొందించిన, "నీటిలో ఘన వ్యర్ధాల నిర్వహణ" అను నమూనా ప్రాజెక్టు, రాష్ట్రస్థాయి వైఙానిక ప్రదర్శనకు ఎంపికైనది. 2015, సెప్టెంబరు-7 నుండి 9వ తేదీ వరకు, విజయవాడలోని డాన్-బాస్కో పాఠశాలలో నిర్వహించిన జిల్లాస్థాయి విద్యా వైఙానిక ప్రదర్శన (ఇన్స్ పైర్-2015) లో, ఈ నమూనా ప్రాజెక్టు, ప్రత్యేక ఆకర్షణగా నిలిచింది. [5]
  • ఈ పాఠశాలలో 2016-17 విద్యా సంవత్సరంలో పదవ తరగతి చదివిన తోటకూర ప్రశాంతి అను విద్యార్థిని, పదవ తరగతి వార్షిక పరీక్షలలో 9.7 జి.పి.ఏ సాధించడమేగాక, మండలంలోనే ప్రథమంగా నిలిచింది. ఈమెకు 2017, జూలై-17న నిర్వహించిన రెండవ విడత కౌన్సిలింగ్‌లో ఐ.ఐ.ఐ.టిలో ప్రవేశంం లభించింది. [8]

మండల పరిషత్తు పాఠశాల మార్చు

పి.ఇమ్మానియేలు మార్చు

ఈ పాఠశాలలో ఉపాధ్యాయులుగా పనిచేయుచున్న పి.ఇమ్మానియేలు, జిల్లా ఉత్తమ ఉపాధ్యాయ పురస్కారానికి ఎంపికైనాడు. 2015, సెప్టెంబరు-5న గురుపూజోత్సవంనాడు, విజయవాడలోని తుమ్మలపల్లి కళాక్షేత్రంలో నిర్వహించిన కార్యక్రమంలో పురస్కారాన్ని అందుకున్నాడు. 25 సంవత్సరాలుగా ఉపాధ్యాయ వృత్తిలో ఉన్న ఇతను వేసవిలో విద్యార్థులకు ఉచితంగా శిక్షణా తరగతుకు నిర్వహించడం, పాఠాశాలలో వార్షికోత్సవాలు నిర్వహించడం, ప్రైవేటు పాఠశాలలకు దీటుగా ప్రభుత్వ పాఠశాలలో విద్యార్థుల సంఖ్య పెంచడం, దాతల సహకారంతో పాఠశాలలోని విద్యార్థులకు మౌలిక సదుపాయాలు కల్పించడం వంటి సేవాకార్యక్రమాలు నిర్వహించినందుకు ఇతనికి ఈ పురస్కారం లభించింది. [4] విశాఖపట్నంలోని మదర్ థెరెస్సా సోషల్ వెల్ఫేర్ అర్గనైజేషన్, ఇతనిని "గురుబ్రహ్మ" రాష్ట్రస్థాయి పురస్కారానికి ఎంపిక చేసారు. ఇతనికి ఈ పురస్కారాన్ని, 11-2015 అక్టోబరున అందజేసారు. [6]

గ్రామ ప్రముఖులు మార్చు

 
చెన్నుపాటి జగదీశ్ : ఆస్ట్రేలియాలో నానో టెక్నాలజీలో చేసిన పరిశోధనలకు ఆస్ట్రేలియా ప్రభుత్వం, "ఆర్డర్ ఆఫ్ ఆస్ట్రేలియా" పురస్కారం ప్రదానం చేసింది.
  • చెన్నుపాటి జగదీశ్: ఆస్ట్రేలియాలో నానో టెక్నాలజీలో చేసిన పరిశోధనలకు, ఆస్ట్రేలియా ప్రభుత్వం, ఆ దేశ అత్యున్నత పురస్కారమైన, "ఆర్డర్ ఆఫ్ ఆస్ట్రేలియా" పురస్కారం ప్రదానం చేసి సత్కరించింది. [7]

గ్రామంలో రాజకీయాలు మార్చు

2006లో జరిగిన ఎంపిటిసి ఎన్నికలలో కాంగ్రెసు పార్టీ అభ్యర్థి చింతలపూడి గవాస్కర్ రాజు (దివంగత కాంగ్రెస్ పార్టీ నాయకుడు బాబూరావు కుమారుడు) ఎంపిటిసిగా ఎన్నికయ్యాడు.

గ్రామ పంచాయతీ మార్చు

2013 జూలైలో ఈ గ్రామ పంచాయతీకి నిర్వహించిన ఎన్నికలలో మాదల రంగారావు, సర్పంచిగా ఎన్నికైనాడు. [3]

గ్రామంలోని దర్శనీయ ప్రదేశాలు/దేవాలయాలు మార్చు

ఈ గ్రామంలో జరిగే "గొంతేనమ్మ పండుగ" (కుంతీదేవి ఉత్సవాలు) కన్నుల పండుగగా ఉంటుంది. ఈ ఉత్సవం అంబేద్కర్ నగర్ నుండి మొదలుపెట్టి ఊరు మొత్తం తిరుగుతుంది. గ్రామ దేవత 'పోతురాజు'. ఈ గ్రామంలో క్రైస్తవులు అధికంగా వున్నప్పటికీ హిందువులు కూడా అధిక సంఖ్యలో వున్నారు, ముస్లింలు తక్కువ మొత్తంలో ఉన్నారు. సుమారు 6 చర్చ్ లు (ఆర్ సి యం, సి బి యం, సెవెన్త్ డే అడ్వెంటిష్ట్, బైబిల్ మిషన్ ...),5 హిందూ దేవాలయాలు, ఒక మసీదు ఉన్నాయి. ముఖ్య పండుగలు: క్రిస్మస్, సంక్రాంతి, గొంతేనమ్మ పండుగ, గుడ్ ఫ్రైడే, దసరా.

శ్రీ ఉమా సమేత శ్రీ రామలింగేశ్వరస్వామివారి ఆలయం మార్చు

గ్రామంలో ప్రధాన వృత్తులు మార్చు

ఈ గ్రామ ఆర్థిక వ్యవస్థ వ్యవసాయాధారమైనది. కానీ విద్యావంతులైన వారు ఎక్కువమంది వుండటం వలన రాను రాను ఇది మారుతున్నది.

మూలాలు మార్చు

వెలుపలి లింకులు మార్చు

[1] ఈనాడు అమరావతి; 2015, మే-22; 38వపేజీ.[2] ఈనాడు అమరావతి; 2015, జూలై-14; 38వపేజీ.[3] ఈనాడు అమరావతి; 2015, ఆగస్టు-27; 24వపేజీ. [4] ఈనాడు అమరావతి; 2015, సెప్టెంబరు-5; 25వపేజీ. [5] ఈనాడు అమరావతి; 2015, సెప్టెంబరు-11; 23వపేజీ.[6] ఈనాడు అమరావతి; 2015, అక్టోబరు-10; 24వపేజీ.[7] ఈనాడు అమరావతి; 2016, ఫిబ్రవరి-1; 24వపేజీ.[8] ఈనాడు అమరావతి/పామర్రు; 2017, జూలై-10&18; 1వపేజీ.