విజయ్ ఆంటోని
విజయ్ ఆంటోనీ భారతీయ సంగీత స్వరకర్త, నేపధ్య గాయకుడు, నటుడు, సినిమా ఎడిటర్, గేయ రచయిత, ఆడియో ఇంజనీర్, చిత్ర నిర్మాత. అతను తమిళ చిత్ర పరిశ్రమలో ప్రధానంగా పనిచేస్తున్నాడు. అతను 2005 లో సంగీత దర్శకుడిగా చిత్రరంగంలో అరంగేట్రం చేసాడు. ఉత్తమ సంగీత విభాగంలో "నాక ముక్క" అనే సినిమా ప్రకటనల పాట కోసం 2009 కేన్స్ గోల్డెన్ లయన్‌ను గెలుచుకున్న మొదటి భారతీయుడు[1]. ఈ పాట ద్వారా అతను గుర్తింపు పొందాడు. 2011 క్రికెట్ ప్రపంచ కప్‌లో ఇది పాడబడింది. తన తొలి చిత్రం 2012 లో "నాన్" అయినప్పటికీ అతను సలీం (2014), పిచైకరన్ (2016), సైతాన్ (2017), యమన్ (2017), కొలైగరన్ (2019) వంటి యాక్షన్ థ్రిల్లర్ చిత్రాలలో తన పాత్రలకు మంచి పేరు తెచ్చుకున్నాడు.
విజయ్ ఆంటోని | |
|---|---|
 | |
| జననం | 24 జూలై 1975 తిరుచిరాపల్లి |
| వృత్తి | సినీ నటుడు దర్శకుడు నిర్మాత సంగీత దర్శకుడు |
| క్రియాశీల సంవత్సరాలు | 2005–ఇప్పటి వరకు |
| సుపరిచితుడు/ సుపరిచితురాలు | బిచ్చగాడు, భేతాళుడు |
| ఎత్తు | 1.71 m (5 ft 7 in) |
| జీవిత భాగస్వామి | ఫాతిమా విజయ్ ఆంటోని |
జీవిత విశేషాలు మార్చు
విజయ్ ఆంటోనీ కన్యాకుమారి జిల్లాలోని నాగర్‌కోయిల్‌లో 1975 జూలై 24న జన్మించాడు. అతని తండ్రి మరణించేనాటికి అతని వయస్సు ఏడు సంవత్సరాలు అయితే అతని సోదరి వయస్సు నాలుగు సంవత్సరాలు.[2] అందువలన అతని కుటుంబం కష్టాలకు గురి అయింది. అతని తల్లి పిల్లలకు విద్యను అందించడానికి, కుటుంబాన్ని పోషించడానికి ప్రభుత్వ ఉద్యోగాన్ని చేపట్టింది. విజయ్ లయోలా కాలేజ్ ఆఫ్ ఆర్ట్స్ అండ్ సైన్సెస్ నుండి పట్టభద్రుడయ్యాడు. తర్వాత సౌండ్ ఇంజనీర్ గా విద్యనభ్యసించాడు.[3] అతను తమిళ కవి, సమాజ సేవకుడు, సివిల్ సర్వంట్, "ప్రతాప ముదలియార్ చరిత్రం" రచయిత అయిన శామ్యూల్ వేదనాయగం పిళ్ళై (1826–1889) మనవడు.
సినిమా జీవితం మార్చు
క్రైమ్ థ్రిల్లర్ "నాన్" చిత్రంలో విజయ్ ఆంటోనీ ప్రధాన పాత్రలో నటించాడు. యాక్షన్ థ్రిల్లర్ సినిమ "సలీం" లో నటుడిగా, సంగీత దర్శకుడిగా పనిచేసాడు.[4] రెండు సినిమాలు స్లీపర్ హిట్స్.[5] 2015 లో, అతను రొమాంటిక్ కామెడీ "ఇండియా పాకిస్తాన్" లో నటించాడు, కానీ సంగీత స్వరకల్పన చేయలేదు.[5] 2016 లో యాక్షన్ థ్రిల్లర్ పిచైకరన్ (2016) లో తన "డిష్యూమ్" దర్శకుడు శశితో కలిసి నటించాడు.[6] ఇది వాణిజ్యపరంగా విజయవంతమైంది. మొత్తం వసూళ్లు 40 కోట్లకు చేరుకున్నాయి.[7] అతని తదుపరి చిత్రం ప్రదీప్ కృష్ణమూర్తి దర్శకత్వం వహించిన యాక్షన్ థ్రిల్లర్ "సైతాన్".
2017లో జీవ శంకర్ దర్శకత్వం వహించిన పొలిటికల్ యాక్షన్ థ్రిల్లర్ "యమన్" లో నటించాడు. లైకా ప్రొడక్షన్స్ & విజయ్ ఆంటోనీ ఫిల్మ్ కార్పొరేషన్ బ్యానర్‌లో ఎ. సుబస్కరన్ నిర్మించిన ఈ సినిమాలో మియా, త్యాగరాజన్ ప్రధాన పాత్రల్లో నటించారు. ఈ చిత్రం 2017 ఫిబ్రవరి 24న విడుదలైంది. అతని తదుపరి చిత్రం "అన్నాదురై".[8] 2018 లో, అతను కిరుతిగా ఉదయనిధి దర్శకత్వం వహించిన "కాళీ"లో నటించాడు[9]. తర్వాత గణేశ దర్శకత్వం వహించిన తిమిరు పుడిచవన్ లో నటించాడు..
2019 లో అతను ఆండ్రూ లూయిస్ దర్శకత్వం వహించిన యాక్షన్ థ్రిల్లర్ సినిమా "కొలైగరన్" లో నటించాడు[10]
తెలుగు సినిమాలు మార్చు
- లవ్ గురు(2024)
- హత్య (2023)
- విజయ్ రాఘవన్ (2021)
- జ్వాల (2021)
- కిల్లర్ (2019)
- బిచ్చగాడు
- ఇంద్రసేన (2017)
- భేతాళుడు (2016)
- డా. సలీమ్‌ (2015)
- డా.సలీం (2014)
- నకిలీ (2013)
వ్యక్తిగత జీవితం మార్చు
సినిమా నిర్మాత ఫాతిమాను 2006లో విజయ్ ఆంటోని వివాహం చేసుకున్నాడు. వారికి ఇద్దరు కుమార్తెలు ఉన్నారు. కాగా పెద్ద కూతురు మీరా 2023 సెప్టెంబరు 19న 16 ఏళ్ల వయసులో చెన్నైలోని నివాసంలో ఆత్మహత్య చేసుకుంది.[11]
మూలాలు మార్చు
- ↑ "Vijay Antony's 'Naaka Mukka' fetches Best Use of Music Award at Cannes". 27 June 2009. Archived from the original on 13 మే 2019. Retrieved 29 జూన్ 2020.
- ↑ "Music director Vijay Antony - Interview - Behindwoods.com - Music director Vijay Antony Kaadhalil Vizhundhen Sukran Dishyum By2 images Tamil picture gallery images". www.behindwoods.com.
- ↑ "Vijay Antony: కష్టాలు, కన్నీళ్లు, ఆకలికేకలు.. సినిమాని తలపించేలా విజయ్ ఆంటోనీ లైఫ్‌ స్టోరీ". EENADU. Retrieved 2023-05-16.
- ↑ Sudhir Srinivasan. "Same character different movie". The Hindu.
- ↑ 5.0 5.1 Vishal Menon. "I'm not a good actor: Vijay Antony". The Hindu.
- ↑ "No one will want to play a beggar in a film, but I did". The Times of India.
- ↑ "Review : Pichaikkaran review: Entertaining! (2016)". www.sify.com. Archived from the original on 2016-03-07. Retrieved 2019-05-09.
- ↑ "Annadurai review. Annadurai Tamil movie review, story, rating". IndiaGlitz.com.
- ↑ "Vijay Antony gets Superstar Rajinikanth's title for next". Top 10 Cinema (in అమెరికన్ ఇంగ్లీష్). 2017-04-01. Archived from the original on 2017-04-03. Retrieved 2017-04-02.
- ↑ "Kolaigaran to release on June 5th". Times of India.
- ↑ "Actor Vijay Antony's daughter allegedly dies by suicide". Hindustan Times (in ఇంగ్లీష్). 2023-09-19. Retrieved 2023-09-19.
బయటి లంకెలు మార్చు
