వెంకటేష్ కుమార్
పండిట్ ఎం. వెంకటేష్ కుమార్ (జననం 1953 జూలై 1) భారతీయ హిందుస్థానీ గాయకుడు. అతను స్వామి హరిదాస్, కనకదాసు స్వరపరిచిన భక్తిగీతాలకు ప్రసిద్ధి చెందాడు. కుమార్ కిరానా, గ్వాలియర్ ఘరానాలకు చెందినవాడు.
| ఎమ్. వెంకటేష్ కుమార్ | |
|---|---|
 | |
| జననం | 1953 జూలై 1 |
| వృత్తి | singer |
| క్రియాశీలక సంవత్సరాలు | 1970–ఇప్పటి వరకు |
| పురస్కారాలు |
|
| సంగీత ప్రస్థానం | |
| మూలం | బళ్ళారి, కర్ణాటక |
| సంగీత శైలి | హిందూస్థానీ సంగీతం, దసరా పాడ, భక్తి పాటలు |
ప్రారంభ జీవితం, సంగీత శిక్షణ
మార్చుకుమార్ ఉత్తర కర్ణాటకలో బళ్లారి ప్రాంతంలో లక్ష్మీపురలో జన్మించాడు.[1][2] కుమార్ తండ్రి హులెప్ప జానపద గాయకుడు, తోలు బొమ్మల కళాకారుడు. 1968 లో, అతనికి 15 సంవత్సరాల వయస్సు ఉన్నప్పుడు, వెంకటేష్‌ను అతని తల్లి సోదరుడు, మామగారి నాడోజ బెళగల్లు వీరన్న, వీరశైవ సన్యాసి, హిందూస్థానీ సంగీత విద్వాంసుడు పుత్తరాజ్ గవాయి గడగ్‌లో నడుపుతున్న వీరేశ్వర పుణ్యాశ్రమానికి తీసుకెళ్లారు. తరువాతి 12 సంవత్సరాలు, అతను ఆశ్రమంలో నివసిస్తూ గవాయి ఆధ్వర్యంలో గ్వాలియర్, కిరాణా శైలులలో హిందుస్థానీ గానం నేర్చుకున్నాడు. కుమార్ తన ప్రదర్శనలలో ఈ శైలులను మిళితం చేసాడు. అయితే తనపై ఈ ఘరానాలకు మించిన ప్రభావాలు పడ్డాయని అతను అన్నాడు. వాటిలో ప్రధానమైనది పాటియాలా ఘరానాకు చెందిన బడే గులాం అలీ ఖాన్.[3] అతని గురువు కర్ణాటక సంగీతంలో కూడా శిక్షణ పొందాడు. ఫలితంగా, పండిట్ కుమార్ సంగీతంలో, ముఖ్యంగా అతని సర్గమ్ నమూనాలలో, కర్ణాటక సంగీత జాడలు ఉంటాయి.[1]
కెరీర్
మార్చు1993 లో, ఆశ్రమాన్ని విడిచిపెట్టిన 14 సంవత్సరాల తర్వాత, పూణేలోని సవాయి గంధర్వ సంగీత మహోత్సవ్‌లో ప్రదర్శన ఇవ్వడానికి భీమ్‌సేన్ జోషి నుండి ఆహ్వానం అందుకున్నాడు. అది అతనికి తొలి పెద్ద అవకాశం.[1] అయితే, అతను జాతీయ పండుగల సర్క్యూట్‌లో క్రమం తప్పకుండా పాల్గొనడానికి దాదాపు పదేళ్లు వేచి ఉండాల్సి వచ్చింది. అప్పటి నుండి, అతను అనేక జాతీయ సంగీత కార్యక్రమాలలో కనిపించాడు. 1988 నుండి ఆల్ ఇండియా రేడియోలో "A టాప్" గ్రేడ్ కళాకారుడిగా ఉన్నాడు.
భక్తి సంగీతంలో తన కన్నడ వచనం, దసరా పదాల గానానికి గాను కుమార్ చాలా ప్రశంసలు పొందాడు.[3] అతను అనేక భక్తి, క్లాసికల్ ఆల్బమ్‌లను వెలువరించాడు.
బోధన
మార్చుకుమార్ తన ఉపాధ్యాయ వృత్తిని గదగ్ సమీపంలోని విజయ్ మహంతేష్ ఆర్ట్స్ కళాశాలలో ప్రారంభించాడు. అక్కడ అతను ఒకటిన్నర సంవత్సరాలు బోధించాడు. అతను ఉడిపిలోని ముకుంద కృపాలో కూడా బోధించాడు.
గంధర్వ మహావిద్యాలయం నుండి సంగీతంలో పోస్ట్ గ్రాడ్యుయేట్ పట్టా పొందాడు.[3] అతను కర్ణాటక ప్రభుత్వం నిర్వహించే పరీక్ష కోసం సంగీత పాఠ్యపుస్తకాన్ని రచించాడు. [4]
కుమార్ 33 సంవత్సరాల పాటు ధార్వాడ్‌లోని యూనివర్శిటీ కాలేజ్ ఆఫ్ మ్యూజిక్‌లో బోధించాడు.[5] ఈ ఉద్యోగం వలన అతను కచేరీలను తిరస్కరించాల్సి వచ్చేది. కానీ కచేరీలు రావడం కష్టంగా ఉన్న సమయంలో ఆర్థిక స్థిరత్వాన్ని అందించే ఉద్యోగాన్ని వదులుకోవడానికి అతను నిరాకరించాడు. అతను 2015లో పదవీ విరమణ చేశాడు. [3]
అవార్డులు
మార్చుకుమార్ పురస్కారాలు, గౌరవాలు అందుకున్నాడు:
- కర్ణాటక రాజ్యోత్సవ అవార్డు (1999)
- కర్ణాటక సంగీత నాట్య అకాడమీ అవార్డు (2007)
- వత్సల భీంసేన్ జోషి అవార్డు (2008)
- కృష్ణ హంగల్ అవార్డు (2009)
- సంగీత నాటక అకాడమీ అవార్డు (2012)
- కర్ణాటక విశ్వవిద్యాలయం, ధార్వాడ్ నుండి గౌరవ డాక్టరేట్ (2014)
- భారత ప్రభుత్వం నుండి పద్మశ్రీ అవార్డు (2016) [6]
- గంగూబాయి హంగల్ జాతీయ అవార్డు (2017) [7]
- మధ్యప్రదేశ్ ప్రభుత్వంచే కాళిదాస్ సమ్మాన్. (2017 సంవత్సరానికి. 2021లో ప్రదానం చేసారు). [8]
- ముద్దెనహళ్లిలోని శ్రీ సత్యసాయి విశ్వవిద్యాలయం నుండి గౌరవ డాక్టరేట్ (2022).
మూలాలు
మార్చు- ↑ 1.0 1.1 1.2 Deb, Arunabha (18 August 2012). "The Unsung Singer". Irish Express. Retrieved 13 November 2022. ఉల్లేఖన లోపం: చెల్లని
<ref>ట్యాగు; "IE1" అనే పేరును విభిన్న కంటెంటుతో అనేక సార్లు నిర్వచించారు - ↑ Ganesh, Deepa (27 November 2010). "Evocative moments". The Hindu.
- ↑ 3.0 3.1 3.2 3.3 Govind, Rajani (22 May 2022). "A picture of poise and fortitude". Deccan Herald. Retrieved 8 November 2022. ఉల్లేఖన లోపం: చెల్లని
<ref>ట్యాగు; "DH" అనే పేరును విభిన్న కంటెంటుతో అనేక సార్లు నిర్వచించారు - ↑ Khurana, Suanshu (12 October 2017). "When the glory comes". Indian Express. Retrieved 12 November 2022.
- ↑ Rakshith, Ram (5 August 2022). "'Naadada Navaneeta: For classical music lovers". Deccan Herald. Retrieved 8 November 2022.
- ↑ "Padma Awards 2016: Complete list | India News - Times of India". The Times of India.
- ↑ "Gangubai award for Venkatesh Kumar". Deccan Herald. 26 September 2017. Retrieved 12 November 2022.
- ↑ "Kalidas Samman for Pt. Venkatesh Kumar". The Hindu. 4 February 2022. Retrieved 8 November 2022.