సి. జగన్నాథ రావు

చౌటి జగన్నాథ రావు తెలంగాణ రాష్ట్రానికి చెందిన రాజకీయ నాయకుడు. ఆయన ఉమ్మడి ఆంధ్రప్రదేశ్ రాష్ట్రంలో ఉప ముఖ్యమంత్రిగా పని చేశాడు.

సి. జగన్నాథ రావు
ఉప ముఖ్యమంత్రి
ఆంధ్రప్రదేశ్
In office
1982–1983
హోం మంత్రి
ఆంధ్రప్రదేశ్
In office
1980–1983
ఆంధ్రప్రదేశ్ శాసనసభ డిప్యూటీ స్పీకర్
ఆంధ్రప్రదేశ్
In office
28.03.1972–18.03.1974
వ్యక్తిగత వివరాలు
జననం6 మే 1932
నర్సాపూర్ , మెదక్ జిల్లా , తెలంగాణ రాష్ట్రం, భారతదేశం
మరణం23 జనవరి 2012
రాజకీయ పార్టీకాంగ్రెస్ పార్టీ
జీవిత భాగస్వామివనమాల
సంతానంఒక కుమారుడు శ్రీనివాస్, ఇద్దరు కూతుళ్లు శైలజ, నీరజ
నివాసంపద్మారావునగర్ , సికింద్రాబాద్

జననం, విద్యాభాస్యంసవరించు

సి. జగన్నాథ రావు 6 మే 1932లో మెదక్ జిల్లా, నర్సాపూర్ గ్రామంలో జన్మించాడు. ఆయన ఉస్మానియా యూనివర్సిటీ నుండి బిఏ మరియు లా పూర్తి చేసి కొంతకాలం న్యాయవాదిగా పని చేశాడు.

రాజకీయ జీవితంసవరించు

సి. జగన్నాథ రావు 1947లో జరిగిన క్విట్ హైదరాబాద్ ఉద్యమంలో పాల్గొన్ని 1948 వరకు జైలు జీవితం గడిపాడు. ఆయన 1959 నుండి 1964 వరకు నర్సాపూర్ గ్రామ సర్పంచ్‌గా పని చేశాడు. ఆయన 1967లో నర్సాపూర్ నియోజకవర్గం నుండి కాంగ్రెస్ పార్టీ తరపున పోటీ చేసి తొలిసారిగా ఎమ్మెల్యేగా అసెంబ్లీకి ఎన్నికయ్యాడు. జగన్నాథ రావు 1969లో వచ్చిన తెలంగాణ ఉద్యమ నేపథ్యంలో ప్రభుత్వం ఆయనను తెలంగాణ ప్రాంతీయ అభివృద్ధి మండలి చైర్మన్‌గా నియమించింది. ఆయన 28 మార్చి 1972 నుండి 18 మార్చి 1974 వరకు ఆంధ్రప్రదేశ్ శాసనసభ డిప్యూటీ స్పీకర్ గా పని చేశాడు. ఆయన 1974లో తెలంగాణ ప్రణాళిక, అభివృద్ధి కమిటీ చైర్మన్‌గా పని చేశాడు. సి. జగన్నాథ రావు 1978, 1983లో జరిగిన అసెంబ్లీ ఎన్నికల్లో తిరిగి ఎమ్మెల్యేగా ఎన్నికయ్యాడు.

సి. జగన్నాథ రావు 1980లో టంగుటూరి అంజయ్య మంత్రివర్గంలో హోం మరియు ఎక్సైజ్ శాఖ మంత్రిగా, 1982లో భవనం వెంకట్రామ్ మంత్రివర్గంలో ఉప ముఖ్యమంత్రిగా, హోం మరియు రవాణా శాఖ మంత్రిగా, కోట్ల విజయభాస్కర రెడ్డి మంత్రివర్గంలో పరిశ్రమల శాఖ మంత్రిగా పని చేశాడు.

మరణంసవరించు

సి. జగన్నాథ రావు 23 జనవరి 2012లో గుండెపోటు రావడంతో సికింద్రాబాద్ లోని పద్మారావునగర్ లోని ఆయన నివాసంలో మరణించాడు. ఆయనకు భార్య వనమాల, ఒక కుమారుడు శ్రీనివాస్, ఇద్దరు కూతుళ్లు శైలజ, నీరజ ఉన్నారు.[1][2][3]

మూలాలుసవరించు

  1. The New Indian Express (24 January 2012). "Ex-Deputy CM Jagannath Rao dead". Archived from the original on 26 జూలై 2021. Retrieved 26 July 2021.
  2. The Hindu (24 January 2012). "Jagannatha Rao passes away" (in Indian English). Archived from the original on 26 జూలై 2021. Retrieved 26 July 2021.
  3. "CM TO UNVEIL C JAGANNATHA RAO'S STATUE AT NARSAPUR". ipr.ap.nic.in. Retrieved 2019-07-05.