సుందరకాండ (1992 సినిమా)

సుందరకాండ వెంకటేష్ కథానాయకునిగా కె.రాఘవేంద్ర రావు దర్శకత్వంలో 1992లో వచ్చిన చిత్రం. ఈ చిత్రానికి ఎం. ఎం. కీరవాణి సంగీతం అందించాడు.

సుందరకాండ
దర్శకత్వం	కె. రాఘవేంద్రరావు
రచన	భాగ్యరాజా (కథ)
తారాగణం	వెంకటేష్, మీనా, అపర్ణ
ఛాయాగ్రహణం	కె. రవీంద్రబాబు
కూర్పు	కోటగిరి వెంకటేశ్వరరావు
సంగీతం	ఎం. ఎం. కీరవాణి
నిర్మాణ సంస్థ	శ్రీ సౌదామిని క్రియేషన్స్
విడుదల తేదీ	1992
సినిమా నిడివి	148 ని.
దేశం	భారతదేశం
భాష	తెలుగు

లెక్చరర్ ను ప్రేమించి ఒక అమ్మాయి కథ ఇది. ఇందులో వెంకటేష్ లెక్చరర్ గా నటించాడు.

ఈ చిత్రం తమిళంలో కె. భాగ్యరాజా స్వీయదర్శకత్వంలో నటించిన సుందరకాండం అనే చిత్రానికి పునర్నిర్మాణం. ఈ సినిమా బాక్సాఫీసు వద్ద విజయం సాధించింది. ఈ చిత్రంలో వేటూరి రాసిన ఆకాశాన సూర్యుడుండడు తెల్లవారితే పాటకు నంది పురస్కారం లభించింది.

కథ

వెంకటేశ్వర్లు (వెంకటేష్) తను చదువుకున్న కళాశాలకే తెలుగు లెక్చరర్ గా పనిచేయడానికి వస్తాడు. అక్కడ రోజా (అపర్ణ) అనే అల్లరి పిల్ల తన స్నేహ బృందంతో కలిసి ఆట పట్టిస్తుంది. దాంతో వెంకటేశ్వర్లు ఆ అమ్మాయి ఏ పని చేసినా అందులో తప్పులు వెతుకుతుంటాడు. అయినా సరే రోజా మాత్రం అతన్ని ఆటపట్టించడం మానదు. ఒకరోజు అదే కళాశాలలో చాలా రోజుల నుంచీ చదువుతున్న తుకారాం (బ్రహ్మానందం) మరికొంత మంది విద్యార్థులతో కలిసి రోజా రాసినట్టుగా ఒక ప్రేమలేఖ రాసి అది వెంకటేశ్వర్లు బల్లలో దాస్తారు. వెంకటేశ్వర్లు రోజానే తప్పుపట్టి, మందలించి ఆ లేఖను ఆమెకు ఇచ్చేస్తాడు. కానీ రోజా మాత్రం ఆ లేఖను వెంకటేశ్వర్లే రాశాడని అతన్ని ఆరాధించడం మొదలు పెడుతుంది.

తారాగణం

• వెంకటేశ్వర్లుగా వెంకటేష్
• నాంచారిగా మీనా
• రోజాగా అపర్ణ
• హేమాచౌదరి
• గొల్లపూడి మారుతీ రావు
• కోట శ్రీనివాసరావు
• తుకారాంగా బ్రహ్మానందం
• బాబు మోహన్

పాటలు

ఈ చిత్రానికి ఎం. ఎం. కీరవాణి సంగీతం అందించాడు. వేటూరి రాసిన ఆకాశాన సూర్యుడుండడు తెల్లవారితే పాటకు నంది పురస్కారం లభించింది.

1. ఆకాశాన సూర్యుడుండడు తెల్లవారితే
2. కోకిలమ్మ కొత్త
3. సుందరాకాండకు సందడే సందడి