ఆనందవాణి

ఆనందవాణి వారపత్రిక ప్రతి ఆదివారం మద్రాసు నుండి వెలువడేది. ఉప్పులూరి కాళిదాసు ఈ పత్రికకు సంపాదకుడు, ప్రచురణకర్త. ఆండ్ర శేషగిరిరావు, ముద్దా విశ్వనాథంలు ఈ పత్రికకు అసోసియేట్ ఎడిటర్లుగా పనిచేశారు.శ్రీశ్రీ,ఆరుద్ర,రావి కొండలరావు వంటివారు ఈ పత్రికలో సబ్‌ఎడిటర్లుగా పనిచేశారు. 1934లో తొలి సంచిక వెలువడింది. వారం వారం తెనుగువారికి అన్నిసంగతులూ కమ్మని మాటలతో, వన్నెలతో, బొమ్మలతో అందించే పత్రికగా ఇది పేర్కొనింది. ఈ పత్రికలో సంపాదకీయం, మీ నక్షత్రఫలం, భారత రాజకీయాలు: అవీ-ఇవీ-అన్నీ, విచిత్రాలు, మంచీచెడ్డా, పెద్దల పిన్న కథలు, హాస్యం మొదలైన శీర్షికలతో పాటు కథలు, జోకులు, వ్యాసాలు, పుస్తక సమీక్షలు ప్రచురించబడ్డాయి. దేవతల యుద్ధం, కొండయ్య వంటి నవలలు ధారావాహికగా ప్రచురితమయ్యాయి. ఇంటూరి వెంకటేశ్వరరావు, విశ్వనాథ కవిరాజు, కవికొండల వెంకటరావు, పఠాభి, గరిమెళ్ల సత్యనారాయణ, పురిపండా అప్పలస్వామి, అడపా రామకృష్ణారావు, శ్రీశ్రీ,భోగరాజు పట్టాభిసీతారామయ్య,బుచ్చిబాబు మొదలైన వారి రచనలు ఈ పత్రికలో చోటు చేసుకున్నాయి.

ఆనందవాణి

ఆనందవాణి
రకం	వారపత్రిక
రూపం తీరు	డైజెస్ట్
ప్రచురణకర్త	వి.కాళిదాసు
సంపాదకులు	వి.కాళిదాసు
సహ సంపాదకులు	ఆండ్ర శేషగిరిరావు, ముద్దా విశ్వనాథం
భాష	తెలుగు
కేంద్రం	మద్రాసు

ఆనందవాణి పత్రికలో రచనలకు పారితోషికం ఇచ్చేవారు కాదు. అయితే వెంబడి ఉత్తరాలు వ్రాసి చివరకు తివిరి ఇసుమున తైలము తీసినట్లు ఆనందవాణి నుంచి పారితోషికం పొందినందుకు పారితోషిక వీరుడిగా పేరొచ్చేసిందని ప్రముఖ రచయిత, సాహిత్య అకాడమీ అవార్డు గ్రహీత భమిడిపాటి రామగోపాలం వ్రాసుకున్నారు.

ఇతర లింకులు

1. | ఇంగ్లీషు వికీపీడియాలో వ్యాసం