ఇండియన్ కాంగ్రెస్ (సోషలిస్ట్)
కాంగ్రెస్ (సెక్యులర్) అని కూడా పిలువబడే ఇండియన్ కాంగ్రెస్ (సోషలిస్ట్) (IC(S)) 1978, 1986 మధ్య క్రియాశీలంగా ఉన్న భారతదేశంలోని ఒక రాజకీయ పార్టీ.భారత జాతీయ కాంగ్రెస్‌లో చీలిక ద్వారా ఈ పార్టీ ఏర్పడింది. మొదట్లో పార్టీని ఇండియన్ నేషనల్ కాంగ్రెస్ (యు.ఆర్.ఎస్) అని పిలిచేవారు. దీనికి డి. దేవరాజ్ ఉర్స్ నాయకత్వం వహించాడు.
ఇండియన్ కాంగ్రెస్ | |
|---|---|
| నాయకుడు | శరద్ గోవిందరావు పవార్ |
| స్థాపకులు | శరద్ గోవిందరావు పవార్ ప్రియారంజన్ దాస్ మున్షీ ఎ.కె.ఆంటోనీ శరత్ చంద్ర సిన్హా |
| స్థాపన తేదీ | 1978 |
| రద్దైన తేదీ | 1986 |
| యువత విభాగం | ఇండియన్ యూత్ కాంగ్రెస్ (సోషలిస్ట్) |
| రంగు(లు) | గ్రీన్ |
1977 సార్వత్రిక ఎన్నికలలో ఇందిరా గాంధీ ఓటమి తరువాత 1978 లో మాతృ పార్టీ నుండి విడిపోయింది.ఉర్స్ తనతోపాటు కర్ణాటక, కేరళ, మహారాష్ట్ర, గోవా నుండి అనేక మంది శాసనసభ్యులు ఈ పార్టీ నుండి గెలుపొందారు. ఇందులోని వారు కేంద్ర మంత్రులు, ముఖ్యమంత్రులు ఎకె ఆంటోనీ, శరద్ పవార్,దేవ్ కాంత్ బారుహ్, ప్రియరంజన్ దాస్ మున్షీ, శరత్ చంద్ర సిన్హా,కెపి ఉన్నికృష్ణన్,మహ్మద్ యూనస్ సలీమ్ ఉన్నారు.
1981అక్టోబరులోశరద్ పవార్ పార్టీఅధ్యక్షబాధ్యతలుస్వీకరించినప్పుడు,పార్టీ పేరు ఇండియన్ కాంగ్రెస్ (సోషలిస్ట్)గామార్చబడింది.శరద్ పవార్ 1978లో వసంత్‌దాదా పాటిల్ నేతృత్వంలోని కాంగ్రెస్ ప్రభుత్వాన్ని పడగొట్టడం ద్వారా అతను మహారాష్ట్రకు అత్యంత పిన్న వయస్కుడైన ముఖ్యమంత్రి అయ్యాడు.మాతృపార్టీ నుండి విడిపోవడానికి 40 మంది శాసనసభ్యులు బృందానికి నాయకత్వం వహించాడు.జనతా పార్టీ మద్దతుతో ప్రభుత్వాన్ని ఏర్పాటు చేశాడు.
1980లో ఇందిరా గాంధీ లోక్‌సభ ఎన్నికల్లో విజయం సాధించడంత, పవార్ రాష్ట్ర ప్రభుత్వం రద్దు చేయబడింది.1980లో మహారాష్ట్ర ఎన్నికల్లో అతని పార్టీ ఓడిపోయింది. మళ్లీ 1985లో, పవార్ పార్టీ ఇండియన్ నేషనల్ కాంగ్రెస్ (సోషలిస్ట్) కేవలం 54 సీట్లు మాత్రమే గెలుచుకుంది.అతను మహారాష్ట్రలో ప్రతిపక్ష నాయకుడయ్యాడు. జాతీయంగా జనతా పార్టీ చీలిపోవడం, పతనం కావడంతో, మహారాష్ట్రలో తాను తిరిగి అధికారంలోకి రాలేనని పవార్ త్వరలోనే గ్రహించాడు.1986లో పవార్ తన పార్టీని తిరిగి కాంగ్రెస్‌లో విలీనం చేసాడు [1]
శరత్ చంద్ర సిన్హా నేతృత్వంలోని ఒక విభాగం1984లో IC(S) నుండి విడిపోయి ఇండియన్ కాంగ్రెస్ (సోషలిస్ట్) శరత్ చంద్ర సిన్హా అనే ప్రత్యేక పార్టీని ఏర్పాటు చేసింది. ఈ వర్గం 1999లో శరద్ పవార్ నేషనలిస్ట్ కాంగ్రెస్ పార్టీలో విలీనమైంది [2] అయినప్పటికీ, కేరళలో, కదన్నపల్లి రామచంద్రన్ నేతృత్వంలోని ఇండియన్ కాంగ్రెస్ (సోషలిస్ట్), కాంగ్రెస్ (సెక్యులర్) అవశేష వర్గం ఇప్పటికీ ఉనికిలో ఉంది. లెఫ్ట్ డెమోక్రటిక్ ఫ్రంట్‌లో భాగంగా ఉంది.2007లో డెమోక్రటిక్ ఇందిరా కాంగ్రెస్ (లెఫ్ట్) ఈ పార్టీలో విలీనమైంది.
ఇది కూడా చూడండి
మార్చు- భారత జాతీయ కాంగ్రెస్ విడిపోయిన పార్టీలు
సూచనలు
మార్చు- ↑ "Why Sharad Pawar is a politician obsessed with staying in power". www.dailyo.in. Retrieved 23 July 2018.
- ↑ "Spotlight: Merger with NCP". Tribune India. 1999-06-11. Retrieved 2009-05-19.