ఎస్.కె. ఆంజనేయులు

ఎస్.కె. ఆంజనేయులు (ఏప్రిల్ 8, 1925 - సెప్టెంబరు 11, 2005) ప్రముఖ రంగస్థల నటుడు, రచయిత, దర్శకుడు.

ఎస్.కె. ఆంజనేయులు
జననం	ఏప్రిల్ 8, 1925
మరణం	సెప్టెంబరు 11, 2005
జాతీయత	భారతీయుడు
వృత్తి	రంగస్థల నటుడు, రచయిత, దర్శకుడు

జననం - ఉద్యోగ జీవితం

ఆంజనేయులు 1925, ఏప్రిల్ 8న జన్మించాడు. 1945లో నిజాం స్టేట్ రైల్వేలో ఉద్యోగంలో చేరాడు.

రంగస్థల ప్రస్థానం

సాంఘిక, చారిత్రక, పౌరాణిక నాటకాలలో నటించి, దర్శకత్వం చేపట్టిన ఆంజనేయులు, 1962లో సారంగధర నాటకానికి దర్శకత్వం వహించి అనేకసార్లు ప్రదర్శింపజేశాడు. 1987లో ఆంధ్రజ్యోతి నిర్వహించిన నాటిక రచనా పోటీలలో రాధికా స్వాంతం నాటికకు ప్రథమ బహుమతి, విశాఖ సాహితీ సేవా సమితి ట్రస్ట్ నిర్వహించిన నాటక రచనల పోటీలలో స్మృతి ప్రతీక నాటికకు తృతీయ బహుమతి అందుకున్నాడు. 1952లో లక్ష్మీపతి సహకారంతో హైదరాబాద్ లో విశ్రుతీ నాట్యమండలిని స్థాపించి అనేక నాటకాల్ని ప్రదర్శించాడు. 1955 నుంచి వందకుపైగా నాటక పరిషత్తులకు న్యాయనిర్ణేతగా వ్యవహరించాడు.

నటించినవి

• శిరోమణి
• వలయం
• ఆత్మీయులు
• రాగరాగిణి
• పవిత్రులు
• చావకూడదు
• నీడలు-నిందలు

మరణం

2005, సెప్టెంబర్ 11 న హైదరాబాద్ మరణించాడు.