కాట్రావులపల్లి
కాట్రావులపల్లి , కాకినాడ జిల్లా, జగ్గంపేట మండలానికి చెందిన గ్రామం.[3]
కాట్రావులపల్లి | |
|---|---|
 | |
.svg)  కాట్రావులపల్లి | |
| అక్షాంశ రేఖాంశాలు: 17°7′39.252″N 82°5′5.496″E / 17.12757000°N 82.08486000°E | |
| దేశం | భారతదేశం |
| రాష్ట్రం | ఆంధ్రప్రదేశ్ |
| జిల్లా | కాకినాడ |
| మండలం | జగ్గంపేట |
| విస్తీర్ణం | 10.82 కి.మీ2 (4.18 చ. మై) |
| జనాభా (2011)[2] | 11,530 |
| • జనసాంద్రత | 1,100/కి.మీ2 (2,800/చ. మై.) |
| అదనపు జనాభాగణాంకాలు | |
| • పురుషులు | 5,785 |
| • స్త్రీలు | 5,745 |
| • లింగ నిష్పత్తి | 993 |
| • నివాసాలు | 3,258 |
| ప్రాంతపు కోడ్ | +91 ( ) |
| పిన్‌కోడ్ | 533437 |
| 2011 జనగణన కోడ్ | 587255 |
ఇది మండల కేంద్రమైన జగ్గంపేట నుండి 5 కి. మీ. దూరం లోను, సమీప పట్టణమైన పెద్దాపురం నుండి 8 కి. మీ. దూరంలోనూ ఉంది.
గణాంకాలు
మార్చు2001 వ.సంవత్సరం జనాభా లెక్కల ప్రకారం గ్రామ జనాభా 10,731.[4] ఇందులో పురుషుల సంఖ్య 5,447, మహిళల సంఖ్య 5,284, గ్రామంలో నివాసగృహాలు 2,779 ఉన్నాయి.
2011 భారత జనగణన గణాంకాల ప్రకారం ఈ గ్రామం 3258 ఇళ్లతో, 11530 జనాభాతో 1082 హెక్టార్లలో విస్తరించి ఉంది. గ్రామంలో మగవారి సంఖ్య 5785, ఆడవారి సంఖ్య 5745. షెడ్యూల్డ్ కులాల సంఖ్య 1285 కాగా షెడ్యూల్డ్ తెగల సంఖ్య 34. గ్రామం యొక్క జనగణన లొకేషన్ కోడ్ 587255.[5].
కాట్రావులపల్లి దివానం
మార్చుపౌరాణికంగా చారిత్రకంగా కాట్రావులపల్లికి ఎంతో ప్రాధాన్యత ఉంది.కాట్రావులపల్లి చరిత్ర పరిశీలిస్తే... కొంతకాలం రాజమహేంద్రవరం లోనూ కొంతకాలం పెద్దాపురం సంస్థానం పరిధిలోనూ ఉన్నట్లుగా తెలుస్తుంది. పెద్దాపురం మహారాజులతో కలసి కాట్రావులపల్లి దివానం జమిందారులు అనేక దాన కార్యక్రమాలు చేసారని దేవాలయాలకు ఎకరాలకు ఎకరాల భూములు దానం చేసినట్లుగా చరిత్ర పుస్తకాలు చెబుతున్నాయి... అందులో భాగంగానే జగ్గంపేట లోని రాజగోపాల స్వామి చంద్రశేఖర స్వామి ఆలయానికి కాట్రావులపల్లి దివానం వారు విరివిగా భూములివ్వడం జరిగింది... ఇటీవల ఆ భూములు అన్యాక్రాంతం అయిన విషయం తెలుసుకుని వారి పూర్వీకులు దేవాలయానికి ఇచ్చిన భూములను దేవాదాయశాఖకి అప్పగించవలసినదిగా కోరడం కాట్రావులపల్లి దివానం వారసుల ఔదాత్యానికి నిదర్శనం.. Edited By Ravi Babu Kasturi.
చరిత్రలో కాట్రావులపల్లి
మార్చుఆంధ్ర రచయిత అల్లమరాజు సుబ్రహ్మణ్యకవి 1831 - 1892 కాట్రావులపల్లి నూతులపై నొక పద్యం చెప్పాడు.
దేవాసురు లబ్ధిదరువ
నావిర్భూతమయి హాలహల మపుడు మహా
దేవునకున్ భీతిలి కా
ట్రావులపలి నూతులందు డాగెంజుండీ.[6]
కోర్టులకు కోట్లు కుట్టిన కాట్రావులపల్లి
మార్చుజవ్వాది భాస్కరరావు: జగ్గంపేట ప్రతిభ ఎక్కడున్నా వెలుగుతుంది.. పది మందినీ ఆకర్షిస్తుంది.. ఔరా అనిపిస్తోంది.. జగ్గంపేట మండలం కాట్రావులపల్లికి చెందిన జవ్వాది భాస్కరరావే ఇందుకు నిదర్శనం.సూటు, కోటు కుట్టాలంటే అతనే కుట్టాలి. పట్టణం నుంచి మహానగరం వరకు అతను కుట్టే కోటుకు ఎందరో అభిమానులు ఉన్నారు.అందుకే మారుమూలనున్న ఈ పల్లెకు రెక్కలు కట్టుకు వాలిపోతుంటారు.జవ్వాది నైపుణ్యం పుణ్యమాని కాట్రావులపల్లికి గుర్తింపు లభిస్తోంది. పెళ్ళికి చేసుకునే సూటు నుంచి జడ్జీలు, న్యాయవాదులు, కార్పొరేటు సారధులు, రాజకీయ నాయకులు వేసుకొనే కోటు వరకు... ఎవరికి నచ్చినట్టు... మెచ్చినట్లు కుట్టివ్వడం జవ్వాది ప్రత్యేకత.దర్జీ పనిపై మక్కువతోనే పదో ఏటే కుట్టు పనిలో శిక్షణ పొందాడు భాస్కరరావు.జవ్వాది భాస్కరరావు సొంతూరు అనపర్తి నియోజకవర్గంలో బిక్కవోలు. 40 ఏళ్లుగా దర్జీ వృత్తిలో తన కంటూ ప్రత్యేకతను సంపాదించుకున్నాడు. 20 ఏళ్ల వయస్సు నుంచే జగ్గంపేట మండలం కాట్రావులపల్లిలో స్థిరపడ్డారు.దర్జీ వృత్తిలో ఫస్ట్‌క్లాస్‌ లండన్‌ డిప్లొమో చేసిన గుల్లంకి వీరభద్రరావు వద్ద శిక్షణ పొంది, కోటు, సూటు కుట్టడంలో మెలకువలు నేర్చుకున్నాడు. ప్రతిభ ఉంటే పట్టణాలకే వెళ్లాల్సిన పని లేదు... ఎక్కడ ఉన్నా వెతుక్కుంటూ వస్తారని నమ్మే జవ్వాది కాట్రావులపల్లికే పరిమితమయ్యాడు
రివర్స్‌బుల్‌ కోటు (రెండు వైపులా వేసుకునే కోటు) కుట్టడంతో పేరొందాడు. జవ్వాది కోటుకు కాట్రావులపల్లి నుంచి హైదరాబాద్‌ వరకు ఎందరో అభిమానులు. ఇప్పటి వరకు 60 మంది జడ్జీలు, వందల మంది న్యాయవాదులు, ప్రముఖులకు కోట్లు కుట్టినట్లు భాస్కరరావు 'న్యూస్‌టుడే'కి తెలిపారు. హైదరాబాద్‌ లోకాయుక్త జడ్జి మొదలు... రాజమండ్రిలోని రిటైర్డు జడ్జి వరకు అంతా ఆయన వద్ద కోటు కుట్టించుకున్న వారే. జిల్లాలో పెద్దాపురం, రామచంద్రపురం, ప్రత్తిపాడు, కాకినాడ, రాజమండ్రి విశాఖపట్నం వంటి పట్టాణాల నుంచి జవ్వాది వద్ద కోటు కుట్టించుకున్న వారు అనేక మంది ఉన్నారు.
విద్యా సౌకర్యాలు
మార్చుగ్రామంలో రెండుప్రైవేటు బాలబడులు ఉన్నాయి. ప్రభుత్వ ప్రాథమిక పాఠశాలలు ఐదు, ప్రైవేటు ప్రాథమిక పాఠశాలలు రెండు, ప్రభుత్వ ప్రాథమికోన్నత పాఠశాల ఒకటి , ప్రైవేటు ప్రాథమికోన్నత పాఠశాలలు రెండు, ప్రభుత్వ మాధ్యమిక పాఠశాల ఒకటి, ప్రైవేటు మాధ్యమిక పాఠశాలలు రెండు ఉన్నాయి.సమీప జూనియర్ కళాశాల, ప్రభుత్వ ఆర్ట్స్ / సైన్స్ డిగ్రీ కళాశాల జగ్గంపేటలోను, ఇంజనీరింగ్ కళాశాల సూరంపాలెంలోనూ ఉన్నాయి. సమీప మేనేజిమెంటు కళాశాల సూరంపాలెంలోను, వైద్య కళాశాల, పాలీటెక్నిక్‌లు కాకినాడలోనూ ఉన్నాయి.సమీప వృత్తి విద్యా శిక్షణ పాఠశాల జగ్గంపేటలోను, అనియత విద్యా కేంద్రం పెద్దాపురంలోను, దివ్యాంగుల ప్రత్యేక పాఠశాల కాకినాడ లోనూ ఉన్నాయి.
వైద్య సౌకర్యం
మార్చుప్రభుత్వ వైద్య సౌకర్యం
మార్చుకాట్రావులపల్లిలో ఉన్న ప్రాథమిక ఆరోగ్య ఉప కేంద్రాల్లో డాక్టర్లు ఉన్నారు. నలుగురు పారామెడికల్ సిబ్బంది ఉన్నారు. ఒక పశు వైద్యశాలలో ఒక డాక్టరు, ఒకరు పారామెడికల్ సిబ్బందీ ఉన్నారు.
సమీప సామాజిక ఆరోగ్య కేంద్రం, ప్రాథమిక ఆరోగ్య కేంద్రం, మాతా శిశు సంరక్షణ కేంద్రం గ్రామం నుండి 5 నుండి 10 కి.మీ. దూరంలో ఉన్నాయి. డిస్పెన్సరీ గ్రామం నుండి 5 నుండి 10 కి.మీ. దూరంలో ఉంది. టి. బి వైద్యశాల గ్రామం నుండి 10 కి.మీ. కంటే ఎక్కువ దూరంలో ఉంది. అలోపతి ఆసుపత్రి, ప్రత్యామ్నాయ ఔషధ ఆసుపత్రి, సంచార వైద్య శాల, కుటుంబ సంక్షేమ కేంద్రం గ్రామం నుండి 10 కి.మీ. కంటే ఎక్కువ దూరంలో ఉన్నాయి.
ప్రైవేటు వైద్య సౌకర్యం
మార్చుగ్రామంలో2 ప్రైవేటు వైద్య సౌకర్యాలున్నాయి. డిగ్రీ లేని డాక్టర్లు నలుగురు ఉన్నారు. 3 మందుల దుకాణాలు ఉన్నాయి.
తాగు నీరు
మార్చుగ్రామంలో కుళాయిల ద్వారా రక్షిత మంచినీటి సరఫరా జరుగుతోంది. గ్రామంలో ఏడాది పొడుగునా చేతిపంపుల ద్వారా నీరు అందుతుంది. బోరుబావుల ద్వారా కూడా ఏడాది పొడుగునా నీరు అందుతుంది. చెరువు ద్వారా గ్రామానికి తాగునీరు లభిస్తుంది.
పారిశుధ్యం
మార్చుమురుగునీరు బహిరంగ కాలువల ద్వారా ప్రవహిస్తుంది. మురుగునీటిని నేరుగా జలవనరుల్లోకి వదులుతున్నారు. గ్రామంలో సంపూర్ణ పారిశుధ్య పథకం అమలవుతోంది. సామాజిక మరుగుదొడ్డి సౌకర్యం లేదు. ఇంటింటికీ తిరిగి వ్యర్థాలను సేకరించే వ్యవస్థ ఉంది. సామాజిక బయోగ్యాస్ ఉత్పాదక వ్యవస్థ లేదు. చెత్తను వీధుల పక్కనే పారబోస్తారు.
సమాచార, రవాణా సౌకర్యాలు
మార్చుకాట్రావులపల్లిలో సబ్ పోస్టాఫీసు సౌకర్యం ఉంది. పోస్టాఫీసు సౌకర్యం, పోస్ట్ అండ్ టెలిగ్రాఫ్ ఆఫీసు గ్రామానికి 5 నుండి 10 కి.మీ. దూరంలో ఉన్నాయి. లాండ్ లైన్ టెలిఫోన్, పబ్లిక్ ఫోన్ ఆఫీసు, మొబైల్ ఫోన్ మొదలైన సౌకర్యాలు ఉన్నాయి. ఇంటర్నెట్ కెఫె / సామాన్య సేవా కేంద్రం, ప్రైవేటు కొరియర్ గ్రామానికి 5 నుండి 10 కి.మీ. దూరంలో ఉన్నాయి.
గ్రామానికి సమీప ప్రాంతాల నుండి ప్రభుత్వ రవాణా సంస్థ బస్సులుప్రైవేటు బస్సులు తిరుగుతున్నాయి. సమీప గ్రామాల నుండి ఆటో సౌకర్యం కూడా ఉంది. వ్యవసాయం కొరకు వాడేందుకు గ్రామంలో ట్రాక్టర్లున్నాయి. రైల్వే స్టేషన్ గ్రామం నుండి 12 కి.మీ.కి పైబడిన దూరంలో ఉంది.
ప్రధాన జిల్లా రహదారి, జిల్లా రహదారి గ్రామం గుండా పోతున్నాయి. జాతీయ రహదారి, రాష్ట్ర రహదారి గ్రామం నుండి 5 నుండి 10 కి.మీ. దూరంలో ఉన్నాయి. గ్రామంలో తారు రోడ్లు, కంకర రోడ్లు, మట్టిరోడ్లూ ఉన్నాయి.
మార్కెటింగు, బ్యాంకింగు
మార్చుగ్రామంలో వాణిజ్య బ్యాంకు ఉంది. గ్రామంలో స్వయం సహాయక బృందం, పౌర సరఫరాల కేంద్రం, వారం వారం సంత ఉన్నాయి. ఏటీఎమ్ కాట్రావులపల్లి లో ఉంది , సహకార బ్యాంకు, వ్యవసాయ పరపతి సంఘం గ్రామం నుండి 5 నుండి 10 కి.మీ. దూరంలో ఉన్నాయి. వ్యవసాయ మార్కెటింగ్ సొసైటీ గ్రామం నుండి 5 నుండి 10 కి.మీ. దూరంలో ఉంది.
ఆరోగ్యం, పోషణ, వినోద సౌకర్యాలు
మార్చుగ్రామంలో సమీకృత బాలల అభివృద్ధి పథకం, అంగన్ వాడీ కేంద్రం, ఇతర పోషకాహార కేంద్రాలు, ఆశా కార్యకర్త ఉన్నాయి. గ్రామంలో ఆటల మైదానం, పబ్లిక్ రీడింగ్ రూం ఉన్నాయి. గ్రామంలో వార్తాపత్రిక పంపిణీ జరుగుతుంది. అసెంబ్లీ పోలింగ్ స్టేషన్, జనన మరణాల నమోదు కార్యాలయం ఉన్నాయి. సినిమా హాలు, గ్రంథాలయం గ్రామం నుండి 5 నుండి 10 కి.మీ. దూరంలో ఉన్నాయి.
విద్యుత్తు
మార్చుగ్రామంలో గృహావసరాల నిమిత్తం విద్యుత్ సరఫరా వ్యవస్థ ఉంది. రోజుకు 7 గంటల పాటు వ్యవసాయానికి, 14 గంటల పాటు వాణిజ్య అవసరాల కోసం కూడా విద్యుత్ సరఫరా చేస్తున్నారు.
భూమి వినియోగం
మార్చుకాట్రావులపల్లిలో భూ వినియోగం కింది విధంగా ఉంది:
- వ్యవసాయేతర వినియోగంలో ఉన్న భూమి: 184 హెక్టార్లు
- బంజరు భూమి: 652 హెక్టార్లు
- నికరంగా విత్తిన భూమి: 245 హెక్టార్లు
- నీటి సౌకర్యం లేని భూమి: 897 హెక్టార్లు
ఉత్పత్తి
మార్చుకాట్రావులపల్లిలో ఈ కింది వస్తువులు ఉత్పత్తి అవుతున్నాయి.
ప్రధాన పంటలు
మార్చువరి, Maize, Chilli, vegetables ,
మూలాలు
మార్చు- ↑ 2011 ఆంధ్ర ప్రదేశ్ జనగణన డేటా - గ్రామాలు దత్తాంశ సమితి (in ఇంగ్లీష్), భారత రిజిస్ట్రార్ జనరల్, జనగణన కమిషనరు కార్యాలయం, Wikidata Q42501043, archived from the original on 11 July 2017
- ↑ http://www.censusindia.gov.in/2011census/dchb/DCHB_Village_Release_2800.xlsx.
{{cite web}}: Missing or empty|title=(help) - ↑ "భారత ప్రభుత్వం నిర్వహించిన 2011 గణాంకాల జాలగూడు". Archived from the original on 2014-07-19. Retrieved 2013-12-01.
- ↑ "ఆర్కైవ్ నకలు". Archived from the original on 2014-07-19. Retrieved 2013-12-01.
- ↑ "Office of the Registrar General & Census Commissioner, India - Village amenities of 2011".
- ↑ ఆంధ్ర రచయితలు (1950) రచించినవారు మధునాపంతుల సత్యనారాయణ శాస్త్రి అల్లమరాజు సుబ్రహ్మణ్యకవి, 45
వెలుపలి లంకెలు
మార్చు