కొండబాలవారి పాలెం

కొండబాలవారిపాలెం, గుంటూరు జిల్లా, కాకుమాను మండలానికి చెందిన రెవెన్యూయేతర గ్రామం.

కొండబాలవారి పాలెం
—  రెవెన్యూయేతర గ్రామం  —
కొండబాలవారి పాలెం ఆంధ్రప్రదేశ్ పటంలో గ్రామ స్థానం
అక్షాంశరేఖాంశాలు:
రాష్ట్రం	ఆంధ్రప్రదేశ్
జిల్లా	గుంటూరు
మండలం	కాకుమాను
ప్రభుత్వం
- సర్పంచి	శ్రీమతి పెద్ది లక్ష్మి
పిన్ కోడ్	522 124
ఎస్.టి.డి కోడ్	08645

గ్రామానికి వ్యవసాయం, సాగునీటి సౌకర్యం

ఈ గ్రామంలో మూడు ఎకరాల విస్తీర్ణంలో ఉన్న చెరువు, గత 20 సంవత్సరాలుగా నిరుపయోగంగా ఉంది. ప్రస్తుతం రజక సంఘం పర్యవేక్షణలో ఉన్న ఈ చెరువును, సర్పంచి శ్రీమతి పెద్ది లక్ష్మి, త్రవ్వించి, కట్టవేసి, ఒక రూపానికి తెచ్చారు.

గ్రామ పంచాయతీ

2013 జూలైలో ఈ గ్రామ పంచాయతీకి జరిగిన ఎన్నికలలో పెద్ది లక్ష్మి, సర్పంచిగా ఎన్నికైనాడు.

దర్శనీయ ప్రదేశాలు/దేవాలయాలు

శ్రీ పోలేరమ్మ తల్లి ఆలయం

ఈ ఆలయంలో 2014, మే-27 మంగళవారం నాడు అమ్మవారి తిరునాళ్ళు అత్యంతవైభవంగా నిర్వహించారు. అమ్మవారిని అత్యంత శోభాయమానంగా అలంకరించారు. భక్తులు పొంగళ్ళు పెట్టి నైవేద్యాలు చెల్లించి మొక్కుబడులు తీర్చుకున్నారు. శిడిమానుకు బొట్లు పెట్టి పూజలు చేసారు. గ్రామవీధులలో డప్పు వాద్యాలతో శిడిమానును ఊరేగింపు చేసారు. బొడ్డురాయికి గూడా పూజలు చేసారు. పరిసరగ్రామాల ప్రజలు గూడా ఉత్సవాలలో పాల్గొని పూజలుచేసి తమ భక్తిప్రవుత్తులు చాటుకున్నారు.

శ్రీ షిర్డీ సాయిబాబా మందిరం

ఈ మందిర నవమ వార్షికోత్సవం సందర్భంగా, 2016, ఫిబ్రవరి-14వ తేదీ ఆదివారంనాడు ప్రత్యేకపూజలు నిర్వహించారు. ఉదయం అభిషేకాలు, బిల్వార్చన, సామూహిక కుంకుమార్చన, అన్నదానం, రాత్రికి భజన, వీధులలో పల్లకీ ఊరేగింపు నిర్వహించారు.

గ్రామంలో ప్రధానమైన పంటలు

వ్యవసాయం, అపరాలు, కాయగూరలు

గామంలో ప్రధాన వృత్తులు

వ్యవసాయం, వ్యవసాయాధారిత వృత్తులు