కొత్త మల్లాయపాలెం

కొత్తమల్లాయపాలెం గుంటూరు జిల్లా, ప్రత్తిపాడు మండలంలోని ఒక్క​ ముఖ్యమైన గ్రామ పంచాయతీ, రెవెన్యూయేతర గ్రామం.మండల కేంద్రం ప్రత్తిపాడు నుంచి​ 7 కిలో మీటర్ల దూరంలో ఉంటుంది. జిల్లా కేంద్రమైన గుంటూరు నుంచి 20 కిలో మీటర్ల దూరంలో ఉంది.

కొత్త మల్లాయపాలెం
—  రెవెన్యూయేతర గ్రామం  —
కొత్త మల్లాయపాలెం
అక్షాంశరేఖాంశాలు:
రాష్ట్రం	ఆంధ్ర ప్రదేశ్
జిల్లా	గుంటూరు
మండలం	ప్రత్తిపాడు
ప్రభుత్వం
- సర్పంచి	వణూకూరి వీరా రెడ్డి
- ఉప సర్పంచి	మున్నంగి సుబ్బా రెడ్డి
కాలాంశం	IST (UTC)
పిన్ కోడ్	522019
ఎస్.టి.డి కోడ్	0863

గ్రామానికి రవాణా సౌకర్యం

మండల కేంద్రము ప్రత్తిపాడు నుండి 7 కిలో మీటర్ల దూరంలో ఉంటుంది. జిల్లా కేంద్రమైన గుంటూరు నుండి 20 కిలోమీటర్లు దూరంలో ఉంటుంది

గ్రామంలో విద్యా సౌకర్యాలు

కొత్త మల్లాయపాలెంలో మండల పరిషత్ ప్రాథమిక పాఠశాల ఏకైక పాఠశాల. ఇక్కడ చదివివే విద్యార్థులు చాలా తక్కువ. గ్రామం లోని ఎక్కువ మంది ప్రాథమిక, ఉన్నత విద్య కోసం మండల కేంద్రమైన ప్రత్తిపాడు లోని ప్రయివేటు పాఠశాలలను ఆశ్రయిస్తున్నారు.

గ్రామ పంచాయతీ

1. 2013 జూలైలో ఈ గ్రామ పంచాయతీకి జరిగిన ఎన్నికలలో వణుకూరి వీరారెడ్డి, సర్పంచిగా ఏకగ్రీవంగా ఎన్నికైనాడు. ఉప సర్పంచిగా మున్నంగి సుబ్బా రెడ్డి ఏకగ్రీవంగా ఎన్నికైనాడు.
2. ఈ గ్రామాన్ని కేంద్రప్రభుత్వ నిర్మల్ పురస్కారానికి ఎంపికచేసారు. ఈ పురస్కారం క్రింద రు. 2 లక్షల రూపాయల నగదు మరియూ ఆ గ్రామ ప్రజాప్రతినిధులను ప్రభుత్వం సత్కరించనున్నది. ఈ పురస్కారాన్ని, ఈ గ్రామ పంచాయతీ సర్పంచి, కార్యదర్శి, 2015, ఆగస్టు-22న, విశాఖపట్నంలోని ఆంధ్రా విశ్వవిద్యాలయంలోని వై.వి.ఎస్.మూర్తి ఆడిటోరియంలో, రాష్ట్రమంత్రి చింతకాయల అయ్యన్నపాత్రుడు చేతులమీదుగా ఈ పురస్కారాన్ని అందుకుంటారు.

దర్శనీయ ప్రదేశాలు/దేవాలయాలు

శ్రీ గంగానమ్మ, పోలేరమ్మ దేవస్థానం:- ఈ దేవస్థానంలో గ్రామస్థులు వార్షిక జాతరను నిర్వహించారు. ఈ సందర్భంగా, చుట్టుప్రక్కల గ్రామాల మహిళలు ఆలయానికి తరలివచ్చి, పొంగళ్ళు వండి, నైవేద్యాలు సమర్పించి, మొక్కులు తీర్చుకున్నారు. అనంతరం విచ్చేసిన భక్తులకు అన్నదానం నిర్వహించారు.

గ్రామంలో ప్రధాన పంటలు

కొత్త మల్లాయపాలెంలో ప్రత్తి, మిరప ప్రదాన పంటలు. కొంత భాగం వరి కూడా పండిస్తారు. ప్రకాశం‌ బ్యారేజి గుంటూరు చానల్ ఉప కాలువ ద్వారా వచ్చే నీటి వసతి వరి పంటకు ఆధారము.

గ్రామంలో ప్రధాన వృత్తులు

కొత్త మల్లాయపాలెంలో వ్యవసాయం ప్రధాన వృత్తి.