కొల్లూరు (గుంటూరు జిల్లా)

ఆంధ్ర ప్రదేశ్, గుంటూరు జిల్లా లోని గ్రామం

కొల్లూరు, గుంటూరు జిల్లా కొల్లూరు మండలానికి చెందిన గ్రామం.ఇది సమీప పట్టణమైన తెనాలి నుండి 20 కి. మీ. దూరంలో ఉంది.

కొల్లూరు (గుంటూరు జిల్లా)
—  రెవిన్యూ గ్రామం  —
కొల్లూరు (గుంటూరు జిల్లా) is located in Andhra Pradesh
కొల్లూరు (గుంటూరు జిల్లా)
కొల్లూరు (గుంటూరు జిల్లా)
ఆంధ్రప్రదేశ్ పటంలో గ్రామ స్థానం
అక్షాంశ రేఖాంశాలు: Coordinates: 16°11′00″N 80°47′42″E / 16.183312°N 80.794873°E / 16.183312; 80.794873
రాష్ట్రం ఆంధ్ర ప్రదేశ్
జిల్లా గుంటూరు జిల్లా
మండలం కొల్లూరు
ప్రభుత్వము
 - సర్పంచి శ్రీమతి మార్గాన శివకుమారి
జనాభా (2001)
 - మొత్తం 16,079
 - పురుషుల సంఖ్య 7,969
 - స్త్రీల సంఖ్య 8,056
 - గృహాల సంఖ్య 4,065
పిన్ కోడ్ : 522324
ఎస్.టి.డి కోడ్ : 08644

జనాభా గణాంకాలుసవరించు

2011 భారత జనగణన గణాంకాల ప్రకారం ఈ గ్రామం 4598 ఇళ్లతో, 16079 జనాభాతో 1856 హెక్టార్లలో విస్తరించి ఉంది. గ్రామంలో మగవారి సంఖ్య 7948,ఆడవారి సంఖ్య 8131.షెడ్యూల్డ్ కులాల సంఖ్య 4416 కాగా షెడ్యూల్డ్ తెగల సంఖ్య 1740.గ్రామం యొక్క జనగణన లొకేషన్ కోడ్ 590417[1].పిన్ కోడ్: 522324.ఎస్.టి.డి.కోడ్= 08644.

2001 వ.సంవత్సరం జనాభా లెక్కల ప్రకారం జనాభా మొత్తం 16025.అందులో పురుషుల సంఖ్య 7969,మహిళలు 8056,అప్పటి నివాసగృహాలు 4065

గ్రామ చరిత్రసవరించు

కొల్లూరు గ్రామంలోని గనుల్లోనే ప్రపంచ ప్రసిద్ధి చెందిన అపురూపమైన, అత్యంత విలువైన వజ్రం కోహినూరు వజ్రము దొరికింది. చరిత్రలో వెలకట్టలేని వజ్రంగా భావిస్తూవచ్చిన ఈ వజ్రం ఎందరెందరో రాజుల చేతులు మారి భారతదేశం నుంచి పర్ష్యాకు, పర్షియా నుంచి తిరిగి భారతదేశానికి, ఆపైన చివరకు ఇంగ్లాండుకు చేరుకుని ప్రస్తుతం బ్రిటీష్ రాజవంశీకుల వద్ద ఉంది.[2]

సీ ఆర్ డీ ఏసవరించు

ఆంధ్రప్రదేశ్ రాజధాని ప్రాంత అభివృద్ధి ప్రాధికార సంస్థ (సీఆర్‌డీఏ) పరిధిలోకి వస్తున్న మండలాలు, గ్రామాలను ప్రభుత్వం విడిగా గుర్తిస్తూ ఉత్తర్వులు జారీచేసింది. ప్రస్తుతం గుర్తించిన వాటిలోని చాలా గ్రామాలు వీజీటీఎం పరిధిలో ఉన్నాయి. గతంలో వీజీటీఎం పరిధిలో ఉన్న వాటితోపాటుగా ఇప్పుడు మరిన్ని కొన్ని గ్రామాలు చేరాయి. సీఆర్‌డీఏ పరిధిలోకి వచ్చే గుంటూరు, కృష్ణా జిల్లాల్లోని మండలాలు, గ్రామాలను గుర్తిస్తూ పురపాలక శాఖ ముఖ్య కార్యదర్శి ఉత్తర్వులు జారీ చేశారు.[3]

సమీప గ్రామాలుసవరించు

విద్యా సౌకర్యాలుసవరించు

గ్రామంలో రెండు ప్రైవేటు బాలబడులు ఉన్నాయి. ప్రభుత్వ ప్రాథమిక పాఠశాలలు 8, ప్రైవేటు ప్రాథమిక పాఠశాలలు నాలుగు, ప్రభుత్వ ప్రాథమికోన్నత పాఠశాలలు రెండు, ప్రైవేటు ప్రాథమికోన్నత పాఠశాలలు నాలుగు, ప్రభుత్వ మాధ్యమిక పాఠశాలలు రెండు, ప్రైవేటు మాధ్యమిక పాఠశాలలు రెండు ఉన్నాయి. ఒక ప్రభుత్వ జూనియర్ కళాశాల ఉంది. ఒక ప్రైవేటు వృత్తి విద్యా శిక్షణ పాఠశాల ఉంది. సమీప ప్రభుత్వ ప్రభుత్వ ఆర్ట్స్ & సైన్స్ డిగ్రీ కళాశాల తెనాలిలోను, ఇంజనీరింగ్ కళాశాల వడ్లమూడి లోనూ ఉన్నాయి. సమీప మేనేజిమెంటు కళాశాల వడ్లమూడి లోను, వైద్య కళాశాల, పాలీటెక్నిక్‌లు గుంటూరులోనూ ఉన్నాయి. సమీప అనియత విద్యా కేంద్రం తెనాలిలోను, దివ్యాంగుల ప్రత్యేక పాఠశాల గుంటూరులోనూ ఉన్నాయి.

జిల్లా పరిషత్తు ఉన్నత పాఠశాలసవరించు

ఈ పాఠశాల ఎప్పుడో బ్రిటిషు కాలంలో 1870లో వీధిబడిగా ప్రారంభమైంది. 1896లో తాలూకా బోర్డు ఆధ్వర్యంలో మాధ్యమిక పాఠశాలగా ఏర్పడింది. 1930లో బోర్డ్ ఉన్నత పాఠశాల పేరుతో పూర్తిస్థాయి ఉన్నత పాఠశాలగా ఒక పెంకుటింట్లో ప్రారంభమైంది.1923లో మొదటి బ్యాచ్ విద్యార్థులు ఎస్.ఎస్.ఎల్.సి. పరీక్షలు వ్రాసారు. ఇంతవరకు ఈ పాఠశాల ఆరుసార్లు 100% ఉత్తీర్ణత సాధించింది.

ప్రభుత్వ వైద్య సౌకర్యంసవరించు

కొల్లూరులో ఉన్న ఒకప్రాథమిక ఆరోగ్య కేంద్రంలో ఒక డాక్టరు, ఐదుగురు పారామెడికల్ సిబ్బందీ ఉన్నారు. రెండు ప్రాథమిక ఆరోగ్య ఉప కేంద్రాల్లో డాక్టర్లు లేరు. ఇద్దరు పారామెడికల్ సిబ్బంది ఉన్నారు. ఒక పశు వైద్యశాలలో ఒక డాక్టరు, ఒకరు పారామెడికల్ సిబ్బందీ ఉన్నారు. డిస్పెన్సరీ గ్రామం నుండి 5 నుండి 10 కి.మీ. దూరంలో ఉంది. సమీప సామాజిక ఆరోగ్య కేంద్రం, మాతా శిశు సంరక్షణ కేంద్రం, టి. బి వైద్యశాల గ్రామం నుండి 10 కి.మీ. కంటే ఎక్కువ దూరంలో ఉన్నాయి. అలోపతి ఆసుపత్రి, ప్రత్యామ్నాయ ఔషధ ఆసుపత్రి, సంచార వైద్య శాల, కుటుంబ సంక్షేమ కేంద్రం గ్రామం నుండి 10 కి.మీ. కంటే ఎక్కువ దూరంలో ఉన్నాయి.

తాగు నీరుసవరించు

గ్రామంలో కుళాయిల ద్వారా రక్షిత మంచినీటి సరఫరా జరుగుతోంది. గ్రామంలో ఏడాది పొడుగునా చేతిపంపుల ద్వారా నీరు అందుతుంది.

పారిశుధ్యంసవరించు

మురుగునీటిని నేరుగా జలవనరుల్లోకి వదులుతున్నారు. గ్రామం సంపూర్ణ పారిశుధ్య పథకం కిందకు రావట్లేదు. సామాజిక మరుగుదొడ్డి సౌకర్యం లేదు. ఇంటింటికీ తిరిగి వ్యర్థాలను సేకరించే వ్యవస్థ లేదు. సామాజిక బయోగ్యాస్ ఉత్పాదక వ్యవస్థ లేదు. చెత్తను వీధుల పక్కనే పారబోస్తారు.

సమాచార, రవాణా సౌకర్యాలుసవరించు

కొల్లూరులో పోస్టాఫీసు సౌకర్యం, పోస్ట్ అండ్ టెలిగ్రాఫ్ ఆఫీసు ఉన్నాయి. సబ్ పోస్టాఫీసు సౌకర్యం గ్రామానికి 5 నుండి 10 కి.మీ. దూరంలో ఉంది. లాండ్ లైన్ టెలిఫోన్, పబ్లిక్ ఫోన్ ఆఫీసు, మొబైల్ ఫోన్, ఇంటర్నెట్ కెఫె / సామాన్య సేవా కేంద్రం, ప్రైవేటు కొరియర్ మొదలైన సౌకర్యాలు ఉన్నాయి. గ్రామానికి సమీప ప్రాంతాల నుండి ప్రభుత్వ రవాణా సంస్థ బస్సులుప్రైవేటు బస్సులు తిరుగుతున్నాయి. సమీప గ్రామాల నుండి ఆటో సౌకర్యం కూడా ఉంది. వ్యవసాయం కొరకు వాడేందుకు గ్రామంలో ట్రాక్టర్లున్నాయి. రైల్వే స్టేషన్ గ్రామానికి 5 నుండి 10 కి.మీ. దూరంలో ఉంది. జిల్లా రహదారి గ్రామం గుండా పోతోంది. జాతీయ రహదారి, రాష్ట్ర రహదారి, ప్రధాన జిల్లా రహదారి గ్రామం నుండి 10 కి.మీ.కి పైబడిన దూరంలో ఉన్నాయి. గ్రామంలో తారు రోడ్లు, కంకర రోడ్లు, మట్టిరోడ్లూ ఉన్నాయి.

మార్కెటింగు, బ్యాంకింగుసవరించు

గ్రామంలో ఏటీఎమ్, వాణిజ్య బ్యాంకు, సహకార బ్యాంకు, వ్యవసాయ పరపతి సంఘం ఉన్నాయి. గ్రామంలో స్వయం సహాయక బృందం, పౌర సరఫరాల కేంద్రం, వారం వారం సంత ఉన్నాయి. వ్యవసాయ మార్కెటింగ్ సొసైటీ గ్రామం నుండి 10 కి.మీ.కి పైబడిన దూరంలో ఉంది.

బ్యాంకులుసవరించు

  1. భారతీయ స్టేట్ బ్యాంక్. ఫోన్ నం.08644/243242.
  2. స్టేట్ బ్యాంక్ ఆఫ్ హైదరాబాదు. ఫోన్ నం. 08644/242092.
  3. కొల్లూరు గ్రామంలో కోస్టల్ బ్యాంక్ 35వ శాఖను ప్రారంభించారు.

ఆరోగ్యం, పోషణ, వినోద సౌకర్యాలుసవరించు

గ్రామంలో సమీకృత బాలల అభివృద్ధి పథకం, అంగన్ వాడీ కేంద్రం, ఇతర పోషకాహార కేంద్రాలు, ఆశా కార్యకర్త ఉన్నాయి. గ్రామంలో ఆటల మైదానం, సినిమా హాలు, గ్రంథాలయం, పబ్లిక్ రీడింగ్ రూం ఉన్నాయి. గ్రామంలో వార్తాపత్రిక పంపిణీ జరుగుతుంది. అసెంబ్లీ పోలింగ్ కేంద్రం, జనన మరణాల నమోదు కార్యాలయం ఉన్నాయి.

విద్యుత్తుసవరించు

గ్రామంలో గృహావసరాల నిమిత్తం విద్యుత్ సరఫరా వ్యవస్థ ఉంది. రోజుకు 8 గంటల పాటు వ్యవసాయానికి, 12 గంటల పాటు వాణిజ్య అవసరాల కోసం కూడా విద్యుత్ సరఫరా చేస్తున్నారు.

భూమి వినియోగంసవరించు

కొల్లూరులో భూ వినియోగం కింది విధంగా ఉంది:

  • వ్యవసాయేతర వినియోగంలో ఉన్న భూమి: 330 హెక్టార్లు
  • నికరంగా విత్తిన భూమి: 1525 హెక్టార్లు
  • నీటి సౌకర్యం లేని భూమి: 3 హెక్టార్లు
  • వివిధ వనరుల నుండి సాగునీరు లభిస్తున్న భూమి: 1522 హెక్టార్లు

నీటిపారుదల సౌకర్యాలుసవరించు

కొల్లూరులో వ్యవసాయానికి నీటి సరఫరా కింది వనరుల ద్వారా జరుగుతోంది.

  • కాలువలు: 1347 హెక్టార్లు
  • బావులు/బోరు బావులు: 175 హెక్టార్లు

ఉత్పత్తిసవరించు

కొల్లూరులో ఈ కింది వస్తువులు ఉత్పత్తి అవుతున్నాయి.

పారిశ్రామిక ఉత్పత్తులుసవరించు

ఇటుకలు

ఇతర సదుపాయాలుసవరించు

శ్రీ సీతారామ కాకతీయ కళ్యాణ మండపం.

గ్రామంలో దర్శనీయ ప్రదేశాలు/దేవాలయాలుసవరించు

అనంత భోగేశ్వర మల్లేశ్వర స్వామివారి దేవాలయంసవరించు

ఇక్కడ మహా శివరాత్రి ఉత్సవాలు 3 రోజులపాటు వైభవంగా నిర్వహించెదరు. ఈ ఆలయంలో స్వామివారి 901వ వార్షిక ప్రతిష్ఠా మహోత్సవం, వైభవోపేతంగా నిర్వహించారు. ఉదయం అర్చకులు గణపతి యఙం, వేద మంత్రాలతో భక్తిశ్రద్ధలతో నిర్వహించారు. స్వామివారికి శాంతి కళ్యాణం, అభిషేకాలు నిర్వహించారు. మహిళలు అమ్మవారికి కుంకుమ పూజలు నిర్వహించారు.

శ్రీ దుర్గాభవానీ అమ్మవారి ఆలయంసవరించు

ఈ ఆలయం స్థానిక ఉప్పు వారి వీధిలో ఉంది. ఈ ఆలయంలో ఒక గోశాలను ప్రారంభించారు. ఇక్కడ నిత్యం గోపూజకు గోవులు అందుబాటులో ఉండును.

శ్రీ వేణుగోపాలస్వామివారి దేవస్థానంసవరించు

ఈ దేవస్థానంలో స్వామివారి కళ్యాణం, ఫాల్గుణ మాసం శుక్ల ఏకాదశి నాడు ఘనంగా జరిపించెదరు.

శ్రీ చింతలమ్మ అమ్మవారి ఆలయంసవరించు

గ్రామంలో, గ్రామస్థులు అమ్మవారికి ప్రత్యేకపూజలు నిర్వహించారు. వర్షాలు కురవాలని అమ్మవారిని వేడుకున్నారు. గ్రామంలోని ప్రతి వీధిలోనూ, ఎడ్ల బండిపై చింతలమ్మ ప్రభను, మేళతాళాలు, డప్పులతో, ఊరేగింపుగా తీసికొని రాగా, మహిళలు పసుపు, కుంకుమ లతో నిండు బిందెలతో వారపోసి ప్రత్యేకపూజలు చేసారు.

శ్రీ కాళీ కృష్ణ దివ్య కిరణ పీఠంసవరించు

ఇక్కడ 2015,మార్చి-23 నుండి 27వ తేదీ వరకు భజనలు జరిగినవి. ఐదవ రోజైన, 27వ తేదీ శుక్రవారం నాడు, ఈ పీఠంలోని ఓంకారణామాలను భక్తులు, గ్రామ వీధులలో ఊరేగించారు. మహిళలు ఓంకారణామాలకు హారతులిచ్చి, పూజలు చేసారు. ముందుగా ఓంకారణామాలకు బాజ్జీ చేత పూజలు చేయించి, ఈ ప్రదర్శనను మొదలుపెట్టినారు. అనంతరం భక్త బృందంతో, మేళతాళాలతో, నిర్వహించిన కర్రసాము, కోలాటం ప్రదర్శనలు, చూపరులను ఆకట్టుకున్నవి. ఈ ఓంకార నామాల పతిష్ఠ, వైభవంగా నిర్వహిoచారు. శ్రీ కృష్ణ సప్తాహ మహోత్సవాలు ముగిసినవి.

శ్రీ రామాలయంసవరించు

కొల్లూరు గౌడ పాలెంలో నూతనంగా నిర్మించిన ఈ ఆలయంలో, శ్రీ సీతారామాంజనేయ స్వామివారల విగ్రహప్రతిష్ఠా కార్యక్రమాలు,వేదపండితుల మంత్రోచ్ఛారణల మధ్య, వైభవంగా నిర్వహించారు. ఈ విగ్రహాలకు రెండు రోజులుగా జలాభిషేకం పూజాకార్యక్రమాలు నిర్వహించారు. అనంతరం విచ్చేసిన భక్తులకు అన్నదానం నిర్వహించారు.

వేద పాఠశాలసవరించు

ఈ పాఠశాలలో శ్రీ మద్భగవత్ సప్తఙాన మహోత్సవములు వైభవంగా నిర్వహించారు. ఈ సందర్భంగా సప్తాక్షరి దీక్ష ప్రవచనం పారాయణం చేసారు. వేద పండితులు లలిత, విష్ణు సహస్రనామ పారాయణం చేసారు. ప్రత్యేక పూజా కార్యక్రమాలు నిర్వహించారు.

ప్రధాన పంటలుసవరించు

వరి, అపరాలు, కాయగూరలు

ప్రధాన వృత్తులుసవరించు

వ్యవసాయం, వ్యవసాయాధారిత వృత్తులు


మూలాలుసవరించు

  1. "Office of the Registrar General & Census Commissioner, India - Village amenities of 2011".
  2. వెంకట శివరావు, దిగవల్లి (1944). కథలు-గాథలు (కందనూరు నవాబు రాజరికం) (1 ed.). విజయవాడ: దిగవల్లి వెంకట శివరావు. pp. 127–140. Retrieved 1 December 2014.
  3. "ఆర్కైవ్ నకలు". Archived from the original on 2016-08-18. Retrieved 2016-08-19.