టేబుల్ టెన్నిస్ ఒక క్రీడ. ఈ ఆటలో ఇద్దరు లేదా నలుగురు ఆటగాళ్ళు ఒక బల్లకు చెరో పక్క నిల్చుని చిన్న ప్లాస్టిక్ బంతిని చిన్న రాకెట్ల సాయంతో అటూ ఇటూ కొడుతుంటారు. ఈ బల్ల మధ్యలో ఒక వల ఉంటుంది. మొదటిసారిని మినహాయిస్తే మిగతా అన్ని సార్లు బాలు ఆటగాడు తన వైపు ఒకసారి మాత్రం బల్లను తాకేలా జాగ్రత్త పడి అవతలి వైపుకు పంపాలి. ఇలా ఎవరైతే కొట్టలేరో వాళ్ళు పాయింటు కోల్పోతారు. దీన్ని పింగ్ పాంగ్ అని కూడా అంటారు.

టేబుల్ టెన్నిస్ ఆడుతున్న ఇద్దరు ఆటగాళ్ళు

టేబుల్ టెన్నిస్‌ను 1926 లో స్థాపించిన ప్రపంచవ్యాప్త సంస్థ ఇంటర్నేషనల్ టేబుల్ టెన్నిస్ ఫెడరేషన్ (ఐటిటిఎఫ్) నిర్వహిస్తుంది. ఐటిటిఎఫ్‌లో ప్రస్తుతం 226 సభ్య సంఘాలు ఉన్నాయి. [1] టేబుల్ టెన్నిస్ అధికారిక నియమాలను ఐటిటిఎఫ్ హ్యాండ్‌బుక్‌లో పేర్కొన్నారు. [2] టేబుల్ టెన్నిస్ 1988 నుండి ఒలింపిక్ క్రీడగా ఉంది. [3] 1988 నుండి 2004 వరకు ఇవి పురుషుల సింగిల్స్, మహిళల సింగిల్స్, పురుషుల డబుల్స్, మహిళల డబుల్స్ పోటీలు ఉండేవి. 2008 నుండి, డబుల్సుకు బదులుగా జట్ల పోటీని ప్రవేశపెట్టారు.

సామాగ్రిసవరించు

బంతిసవరించు

 
ఐటిటిఎఫ్ అనుమతి ఉన్న టేబుల్ టెన్నిస్ ప్లాస్టిక్ బాల్స్ 40+ మిమీ

అంతర్జాతీయ నియమాల ప్రకారం2.7 గ్రాముల ద్రవ్యరాశి కలిగిన 40 మి.మీ. బంతిని వాడాలి. [4] బంతిని 30.5 సెం.మీ. ఎత్తు నుండి కిందకు వేసినపుడు అది 24-26 సెం.మీ. ఎత్తుకు తిరిగి ఎగరాలని నియమాలు చెబుతున్నాయి. బంతులు 2015 నాటికి సెల్యులాయిడ్‌కు బదులుగా పాలిమర్‌తో తయారు చేస్తున్నారు. తెలుపు లేదా నారింజ రంగులో మాట్ ఫినిష్‌తో తయారు చేస్తున్నారు. బంతి రంగు టేబుల్ రంగును బట్టి, పరిసరాలను బట్టీ ఎంచుకుంటారు. తయారీదారులు తరచూ బంతి నాణ్యతను సాధారణంగా ఒకటి నుండి మూడు వరకు స్టార్ రేటింగ్ సిస్టమ్‌తో సూచిస్తారు. 3 గరిష్ఠ గ్రేడ్ కాగా 1 కనిష్ఠం. ఈ వ్యవస్థ ప్రామాణికం కానందున, అధికారిక పోటీల్లో ఏ బంతిని ఉపయోగించాలనే దానికి ఏకైక మార్గం ఐటిటిఎఫ్ ఆమోదం పొందిన వాటిని వాడడమే [4] (ఐటిటిఎఫ్ ఆమోదాన్ని బంతిపై ముద్రిస్తారు).

టేబుల్సవరించు

 
అధికారిక కొలతలు చూపించే టేబుల్ టెన్నిస్ టేబుల్ యొక్క రేఖాచిత్రం

టేబులు 2.74 మీ. (9.0 అ.) పొడవు, 1.525 మీ. (5.0 అ.) వెడల్పు, 76 cమీ. (2.5 అ.) ఎత్తూ ఉండాలి. [5] [6]

రాకెట్ లేదా పాడిల్సవరించు

ఆటగాడి పట్టును బట్టి ఒకటి వైపు లేదా రెండు వైపులా రబ్బరుతో కప్పబడిన లామినేటెడ్ చెక్క రాకెట్‌ను వాడతారు. ఐటిటిఎఫ్ "రాకెట్" అనే పదాన్ని ఉపయోగిస్తుంది, [7] బ్రిటన్లో "బ్యాట్" అని వాడతారు., అమెరికా, కెనడాల్లో "ప్యాడిల్" అంటారు.


క్రీడాకారులుసవరించు

నైనా జైస్వల్

మూలాలుసవరించు

  1. Error on call to మూస:cite web: Parameters url and title must be specified
  2. International Table Tennis Federation 2011, index 2
  3. Hurt III, Harry (5 April 2008). "Ping-Pong as Mind Game (Although a Good Topspin Helps)". The New York Times. Archived from the original on 19 June 2011. Retrieved 28 August 2010.
  4. 4.0 4.1 Error on call to మూస:cite web: Parameters url and title must be specified
  5. International Table Tennis Federation 2011, index 2.1
  6. Error on call to మూస:cite web: Parameters url and title must be specified
  7. 2013 ITTF Branding Guidelines Archived 28 డిసెంబరు 2013 at the Wayback Machine Accessed 24 May 2014.